UHezekhiyeli 3:20 - iBhayibhili Elingcwele 1978

²⁰ Lalapho olungileyo ephambuka ekulungeni kwakhe, enze okubi, ngibeke isikhubekiso phambi kwakhe, uzakufa. Ngoba ungamxwayisanga yena, uzafela ezonweni zakhe kuthi izenzo zakhe ezilungileyo azenzileyo zingakhunjulwa. Kodwa igazi lakhe ngizalibiza kuwe.

IBhayibhili Elingcwele LesiNdebele

²⁰ Njalo nxa umuntu olungileyo eguquka ekulungeni kwakhe enze okubi, mina ngibeke isikhubekiso phambi kwakhe, uzakufa. Njengoba nxa wena ungamxwayisanga, uzafela izono zakhe. Izinto ezilungileyo azenzayo kaziyikukhunjulwa, njalo wena ngizakubeka icala legazi lakhe.

UHezekhiyeli 3:20 ပူးပေါင်းရင်းမြစ်များ

2 ImiLando 24:2

UJowashi wenza okulungileyo phambi kweNkosi, insuku zonke zikaJehoyada umpristi.

2 ImiLando 25:15

Ngalokhu iNkosi uNkulunkulu yamthukuthelela, yathumela kuye umprofethi owathi kuye: Ubafuneleni onkulunkulu abangakhululanga abantu babo esandleni sakho na?

AmaHubo 119:165

Abathanda umlayo wakho balokuthula okukhulu; kakukho okubakhubekisayo.

AmaHubo 125:5

Kodwa labo abaphambukela ezindleleni zabo ezitshekileyo iNkosi kayibajezise kanye labenza okubi!

AmaHubo 36:3

Amazwi omlomo wakhe ayikona lenkohliso; ukuyekele ukuhlakanipha lokwenza okuhle;

Izaga 25:12

Umuntu okhuza ngokuhlakanipha unjengesongo legolide loba isiceco segolide kolalelayo.

U-Isaya 64:6

Sonke sesinjengomuntu ongcolileyo, lezenzo zethu ezilungileyo zinjengengubo engeolileyo. Sonke siyabuna njengehlamvu, lobubi bethu buyasiphephula njengomoya.

U-Isaya 8:14

Yona izakuba yisifu lelitshe elikhubekisayo, ibe lidwala eliwisa zombili izindlu zakoIsrayeli, ibe ngumjibila lesifu kwabakhileyo eJerusalema.

UJeremiya 34:16

kodwake seliphendukile futhi, lalingcolisa ibizo lami lapho ilowo lalowo wenu ebuyisa isigqili sakhe lesigqilikazi sakhe ebelizikhululile njengokufisa kwazo, lazibuyisa futhi, zaba yizigqili zenu.

UJeremiya 6:21

Ngalokhoke, iNkosi ithi: Ngizabekela lababantu izikhubekiso ukuba bakhubeke; oyise labantwana bazabhubha omakhelwana kanye lomngane.

UHezekhiyeli 14:3

Ndoda, lamadoda anikele inhliziyo zawo ezithombeni zawo, athanda ukukhangela izinto ezimbi eziwakhubayo. Ngizavuma ukubuzwa yiwo na?

UHezekhiyeli 18:24

Kodwa nxa olungileyo ephambuka ekulungeni kwakhe, enze okubi, enze amanyala enziwa ngomubi, uzakuphila na? Izenzo zakhe zonke ezilungileyo abezenzile kazisayikukhunjulwa; ngenxa yenkohliso alecala ngayo, lesono asenzileyo, uzakufa.

UHezekhiyeli 18:26

Lapho umuntu olungileyo ephambuka ekulungeni kwakhe, enze okubi, uzakufa ngenxa yakho; yebo, ngenxa yobubi abenzileyo uzakufa.

UHezekhiyeli 3:18

Lapho ngisithi komubi: Uzakufa impela; wena uba ungamxwayisi, loba ungakhulumi ukumxwayisa omubi endleleni yakhe embi ukuze aphephe, lowomuntu omubi uzafela ebubini bakhe; kodwa igazi lakhe ngizalibiza kuwe.

UHezekhiyeli 33:18

Nxa olungileyo etshiya ukulunga kwakhe, enze okubi, uzakufa ngenxa yakho.

UHezekhiyeli 33:6

Kodwa nxa umlindi ebona impi isiza, angalukhalisi uphondo, abantu bengaxwayiswa, impi ifike ibulale omunye wabo, lowomuntu afele esonweni sakhe, umlandu uzakuba ngowomlindi.

UHezekhiyeli 7:19

Bazalahlela isiliva sabo ezindleleni, legolide labo lizakuba njengento engcolileyo. Isiliva sabo legolide labo kakuyikuba lamandla okubakhulula ngosuku lokuthukuthela kweNkosi. Kabayikukudla basuthe; ngoba ububi babo buyisikhubekiso sabo.

UDanyeli 9:18

Nkulunkulu wami, beka indlebe yakho uzwe; vula amehlo akho ubone ukuchitheka kwethu, lokomuzi obizwa ngebizo lakho; ngoba kasikhuleki kuwe ngenxa yokulunga kwethu, kodwa ngenxa yesihawu sakho esikhulu.

ULevi 19:17

Lingazondi umfowenu enhliziyweni zenu; khuzani umakhelwane wenu, kodwa lingabi lasono ngenxa yakhe.

UZefaniya 1:6

labangidelileyo abangangidingiyo, bangabuzi kimi.

UMatewu 18:15

Alubana umfowenu ekona, hamba umsole lilodwa. Uba ekuzwa, umzuzile umfowenu.

ULukha 2:34

USimiyoni wababusisa, wathi kuMariya unina: Khangela, lumntwana umiselwe ukuba abe yisibonakaliso esizakuphikwa ngabantu —

ULukha 8:15

Okusemhlabathini omuhle yilabo abathi belizwile ilizwi, balibambe ngenhliziyo enhle lelungileyo, bathele izithelo ngokubekezela.

AbaseRoma 11:9

LoDavida uthi: Ukudla kwabo kakube ngumjibila lesifu, lesikhubekiso lempindiselo kibo;

1 AbaseKhorinte 1:23

kodwa thina sitshumayela uKristu obethelweyo, okuyisikhubekiso kubaJuda, lobuthutha kwabezizwe,

UDutheronomi 13:3

lingalaleli amazwi alowomprofethi loba lowomphuphi wamaphupho; ngoba iNkosi uNkulunkulu wenu iyalilinga ukuba yazi ukuthi liyayithanda yini iNkosi uNkulunkulu wenu ngenhliziyo yenu yonke langomphefumulo wenu wonke.

AmaHebheru 10:38

olungileyo wami uzakuphila ngokukholwa; kodwa uba ehlehlela emuva, umphefumulo wami kawulakuthokoza ngaye.

AmaHebheru 13:17

Lalelani abakhokheli benu, lizehlisele ngaphansi kwabo, ngoba balinda imiphefumulo yenu njengabantu abazakulandisa ngayo. Kabakwenze lokhu ngokujabula, bangabubuli, ngoba lokhu kakulakusiza.

1 UPhethro 2:8

ilitshe lokukhubekisa abantu, ledwala lokubawisa. Ngoba bayakhubeka ngenxa yokungalaleli ilizwi, okuyikhona ababekumiselwe.

1 UJohane 2:19

Baphuma kithi, kodwa babengesibo abakithi; ngoba uba babengabakithi ngabe bahlala lathi; kodwa baphuma ukuze babonakalise ukuthi kabasibo bonke abakithi.