UHezekhiyeli 29:8 - iBhayibhili Elingcwele 1978

⁸ Ngakhoke iNkosi uNkulunkulu ithi: Ngizakukulethela impi, ngiqede phakathi kwakho abantu lezinyamazana;

IBhayibhili Elingcwele LesiNdebele

⁸ Ngakho-ke nanku okutshiwo nguThixo Wobukhosi: Ngizaletha inkemba imelane lawe ngibulale abantu bakho kanye lezifuyo zabo.

UHezekhiyeli 29:8 ပူးပေါင်းရင်းမြစ်များ

UGenesisi 6:7

INkosi yathi: Ngizabachitha abantu engabadalayo ngibasuse emhlabeni, yebo abantu, lezilo, lokuhuquzelayo, lenyoni zaphezulu; ngoba sengizisola ngokuthi ngibenzile.

U-Eksodasi 12:12

Ngoba ngalobobusuku ngizadabula phakathi kwelizwe laseGibithe, ngibulale wonke amazibulo aselizweni lelo, awabantu lawezinkomo, ngahlulele bonke onkulunkulu baseGibithe. NgiyiNkosi.

UJeremiya 32:43

Amasimu azathengwa kulelilizwe elilibiza ngokuthi: Liyinkangala engelamuntu lenyamazana, futhi linikelwe ezandleni zamaKaladiya.

UJeremiya 7:20

Ngakhoke iNkosi uNkulunkulu ithi: Ukuthukuthela kwami lolaka lwami kuzakwehlela kulindawo, phezu kwabantu lenyamazana, laphezu kwezihlahla zeganga lezithelo zomhlabathi. Kuzakutsha, kungacimeki.

UHezekhiyeli 14:17

Uba ngisehlisela ukulwa kulelolizwe ngithi: Impi kayidabule phakathi kwelizwe, iqede kulo abantu lezinyamazana,

UHezekhiyeli 25:13

ngalokho iNkosi uNkulunkulu ithi: Ngizaphakamisela isandla sami ngakilo iEdoma, ngiqede kilo abantu lezinyamazana, ngilenze libe yinkangala; kusukela eTemani kuze kufike eDedani bazabulawa yimpi.

UHezekhiyeli 30:10

INkosi uNkulunkulu ithi: Ngizaqeda inotho yaseGibithe ngesandla sikaNebukadineza inkosi yaseBabiloni.

UHezekhiyeli 30:4

Impi izakwehlela eGibithe, losizi lube khona eEtiyopiya, lapho abanengi bebulawa eGibithe, lenotho yalo ithunjwa, lezisekelo zalo zidilizelwa phansi.