UHezekhiyeli 29:11 - iBhayibhili Elingcwele 1978

¹¹ Kakusayikudlula muntu kilo, kakusayikudlula lanyamazana; kaliyikuhlalwa muntu iminyaka engamatshumi amane.

IBhayibhili Elingcwele LesiNdebele

¹¹ Akulanyawo lomuntu loba olwenyamazana oluzadabula phakathi kwalo; akulamuntu ozahlala khona okweminyaka engamatshumi amane.

UHezekhiyeli 29:11 ပူးပေါင်းရင်းမြစ်များ

2 ImiLando 36:21

Lagcwaliseka ngokunjalo ilizwi leNkosi eyalikhuluma ngoJeremiya isithi: Kuze kube yisikhathi lelilizwe lizakuzuza ukuphumula kwalo kweSabatha, kuze kwedlule iminyaka engamatshumi ayisikhombisa, lizagcina iSabatha insuku zalo zonke zokuchitheka kwalo.

U-Isaya 23:15

Kuzakuthi ngalolosuku iTire likhohlakale okweminyaka engamatshumi ayisikhombisa, elingana lezinsuku zokubusa kwenkosi ibenye. Ekupheleni kweminyaka engamatshumi ayisikhombisa kuzakuba khona eTire okutshiwo yingoma yewule ukuthi:

U-Isaya 23:17

Kuzakuthi ekupheleni kweminyaka engamatshumi ayisikhombisa iNkosi ilikhumbule iTire; lizabuyela ekuwuleni kwalo; lizakuwula layo yonke imibuso yomhlaba.

U-Isaya 34:10

Lizakutsha ebusuku lemini, kaliyikucima, lentuthu yalo izakuthunqa kokuphela. Lizakuba yinkangala ezizukulwaneni zonke, kakulamuntu ozadabula phakathi kwalo kuze kube nininini.

UJeremiya 29:10

INkosi ithi: Lapho iminyaka engamatshumi ayisikhombisa isiphelile eBabiloni, ngizalihambela, ngigcwalise isithembiso sami, ngilibuyise kulindawo.

UJeremiya 46:19

Zilungiseleni umthwalo wokuthunjwa, lina baseGibithe. Ngoba iMemfisi izakuba yinkangala, lonxiwa olungahlalwa muntu.

UJeremiya 9:10

Ngizakhala ngililele izintaba, lamadlelo asenkangala, ngoba kuchithiwe, kakusekho ohamba khona, kakusezwakali ukukhala kwezinkomo, inyoni zaphezulu lenyamazana zibalekile zahamba.

UHezekhiyeli 31:12

Abezizweni abalesihluku kulazo zonke izizwe bazawuquma bawulahle; ingatsha zawo zizawela ezintabeni lasezihotsheni; zizakwephukela ezifuleni zelizwe, labantu bonke bomhlaba basuke emthunzini wawo, bawutshiye.

UHezekhiyeli 32:13

Ngizabulala inyamazana zonke emanzini amanengi, kungabi khona lonyawo lomuntu oluwadungayo futhi, kungabi khona lesondo lenyamazana eliwavubayo.

UHezekhiyeli 33:28

Ngizalichitha ilizwe libe yinkangala, lamandla alo aziphakamisayo azaphela, lentaba zakoIsrayeli zibe yinkangala ukuba kungadluli muntu kuzo.

UHezekhiyeli 36:28

Lizahlala elizweni engalinika okhokho benu, libe ngabantu bami, lami ngibe nguNkulunkulu wenu.

UDanyeli 9:2

ngomnyaka wokuqala wokubusa kwakhe, mina Daniyeli ngabona ezincwadini ukuthi ubunengi beminyaka yokuchitheka kweJerusalema, elakhuluma ngayo ilizwi leNkosi kuJeremiya umprofethi, uzakuba yiminyaka engamatshumi ayisikhombisa.