UHezekhiyeli 28:7 - iBhayibhili Elingcwele 1978

⁷ ngizakukulethela abezizwe, ngilethe izizwe ezesabekayo kakhulu; zizahwatsha imikhonto yazo, zichithe ubuhle bokuhlakanipha kwakho, zone udumo lwakho.

IBhayibhili Elingcwele LesiNdebele

⁷ ngizaletha abezizweni ukuba bamelane lawe, izizwe ezilesihluku kakhulu; zizahwatsha inkemba zazo zimelane lobuhle bakho kanye lenhlakanipho, zone lobuhle bakho obukhazimulayo.

UHezekhiyeli 28:7 ပူးပေါင်းရင်းမြစ်များ

AmaHubo 89:44

Intonga yobukhosi uyisusile esandleni sakhe, wadilizela phansi isihlalo sakhe sobukhosi.

UHezekhiyeli 28:17

Inhliziyo yakho yaziphakamisa ngenxa yobuhle bakho; wona ukuhlakanipha kwakho ngenxa yodumo lwakho. Ngakuphosa phansi, ngakuchaya phambi kwamakhosi ukuba akukhangele ngamehlo awo.

UHezekhiyeli 30:10

INkosi uNkulunkulu ithi: Ngizaqeda inotho yaseGibithe ngesandla sikaNebukadineza inkosi yaseBabiloni.

UHezekhiyeli 30:11

Yena labantu bakhe, abesabeka ukwedlula izizwe zonke, bazakuza ukulichitha ilizwe; bazalihlasela iGibithe ngemikhonto yabo, bagcwalise ilizwe ngezidumbu.

UHezekhiyeli 31:12

Abezizweni abalesihluku kulazo zonke izizwe bazawuquma bawulahle; ingatsha zawo zizawela ezintabeni lasezihotsheni; zizakwephukela ezifuleni zelizwe, labantu bonke bomhlaba basuke emthunzini wawo, bawutshiye.

UHezekhiyeli 32:12

Ngizabulala ixuku lakho ngemikhonto yamaqhawe asabeka kuzo zonke izizwe. Azakuqeda ukuziphakamisa kweGibithe, kubhubhe lalo lonke ixuku lalo.

UHezekhiyeli 7:24

ngizaletha izizwe ezimbi kakhulu ukuthumba izindlu zabo, ngiqede ukuziqhenya kwabo lamandla abo, kungcoliswe indawo zabo ezingcwele.

UDanyeli 7:7

Emva kwalokho ngabona emibonweni ebusuku isilo sesine, esesabekayo kakhulu, silamandla amakhulu, silamazinyo amakhulu ensimbi, sadla safohloza, lokuseleyo sakuhlifiza ngenyawo. Sasehlukile kuzo zonke izilo ezazingaphambi kwaso, silempondo ezilitshumi.

uAmosi 3:6

Uphondo lungakhala emzini abantu bengethuki na? Umuzi ungehlelwa ngokubi iNkosi ingakuvumelanga na?