UHezekhiyeli 28:5 - iBhayibhili Elingcwele 1978

⁵ Ngokuhlakanipha kwakho okukhulu ekuthengeni wandisile inotho yakho, lenhliziyo yakho isizigqaja ngenotho yakho.

IBhayibhili Elingcwele LesiNdebele

⁵ Ngolwazi lwakho olukhulu ekuthengiseni uyandisile inotho yakho, njalo ngenxa yenotho yakho, inhliziyo yakho isizigqaja.

UHezekhiyeli 28:5 ပူးပေါင်းရင်းမြစ်များ

2 AmaKhosi 14:10

Ulehlule iEdoma sibili, usuzikhukhumeza, yaneliswa yibukhosi bakho, uzihlalele ekhaya; ngoba ufunelani ukuzivusela uhlupho ukuba uwe wena labakoJuda na?

2 ImiLando 25:19

Wena uthi: Khangela, ngilehlule iEdoma; usuzikhukhumeza ngokuzincoma; kodwa hlala ekhaya, ngoba ufunelani ukuzivusela uhlupho ukuba uwe wena labakoJuda na?

AmaHubo 52:7

Khangelani, nangu umuntu ongamenzanga uNkulunkulu abe yisiphephelo sakhe, kodwa wathemba inotho yakhe enkulu, wathembela ekwenzeni okubi.

AmaHubo 62:10

Lingakuthembi ukuqilibezela, lingamisi ithemba ekuphangeni; uba inotho isanda, lingabeki inhliziyo zenu kuyo.

AmaHubo 62:11

UNkulunkulu ukhulumile kwaba kanye, ngizwile kabili lokhu ukuthi amandla angakaNkulunkulu,

Izaga 11:28

Othemba inotho yakhe uzawohloka njengamahlamvu ebusika, kodwa olungileyo uzahluma njengamahlamvu ehlobo.

Izaga 26:12

Uyabona lowomuntu othi uhlakaniphile na? Isithutha silethemba elikhulu kulaye.

Izaga 30:9

funa ngisuthe, ngikuphike ngithi: Ngubani iNkosi? Kodwa uba ngingumyanga, ngingeba, ngilone ibizo likaNkulunkulu wami.

U-Isaya 23:3

zahamba enlwandle ezinkulu. Inzuzo yenu kwakungamabele aseShihori, isivuno saseNile; lalingabathengi ezizweni.

U-Isaya 23:8

Ngubani omise lokhu ngeTire elingumuzi wamakhosi na? Abathengisi balo babeyizikhulu, labathengiselani balo babelodumo emhlabeni.

U-Isaya 5:21

Maye kulabo abazibona behlakaniphile, bezibona beqondile!

UJeremiya 49:4

Lizincomelani ngenotho yenu, lina elingathembekanga, elilenotho ephelayo, elithemba amandla enu lisithi: Ngubani ongasihlasela na?

UHezekhiyeli 16:49

Nanku ukona kukadadewenu iSodoma; lona lamadodakazi alo lalizigqaja, lisutha okunengi, lichelesile, kodwa kalibasizanga abayanga labaswelayo.

UHezekhiyeli 28:17

Inhliziyo yakho yaziphakamisa ngenxa yobuhle bakho; wona ukuhlakanipha kwakho ngenxa yodumo lwakho. Ngakuphosa phansi, ngakuchaya phambi kwamakhosi ukuba akukhangele ngamehlo awo.

UHezekhiyeli 28:2

Ndoda tshono kusikhulu saseTire, uthi iNkosi uNkulunkulu ithi: Ngoba inhliziyo yakho iziphakamisile, utshilo ukuthi: Mina ngingunkulunkulu, ngihlezi esihlalweni sabonkulunkulu enzikini zolwandle; kanti ungumuntu nje, kawusunkulunkulu, lanxa uzitshaya ohlakaniphileyo njengonkulunkulu.

UDanyeli 11:12

Lapho impi isithunjiwe, inhliziyo yayo izaziphakamisa, ibulale amatshumi ezinkulungwane, kodwa kayiyikunqoba.

UDanyeli 4:30

yathi: Kakusilo yini leliBabiloni elikhulu engalakha ngamandla ami amakhulu, laba ngumuzi wenkosi, laba lodumo lobukhosi bami na?

UDanyeli 4:37

Ngalokhoke mina Nebukadineza ngiyayibonga ngiyiphakamise ngiyidumise iNkosi yaphezulu; ngoba yonke imisebenzi yayo ilungile, lendlela zayo zinhle. Labo abazigqajayo uyabathobisa.

UHosiya 13:6

Kodwa nxa usudlile kakhulu, wasutha, lenhliziyo yakho yazikhukhumeza; wasungikhohlwa.

UZakhariya 9:3

ITire lizakhele inqaba, labuthelela isiliva njengothuli, legolide njengezibi zezindlela.

AbaseRoma 12:16

Hlalisanani kuhle, lingazikhukhumezi, kodwa lihlangane labathobileyo, lingazitshayi abahlakaniphileyo.

UDutheronomi 8:17

Qaphelani, ukuba lingathi enhliziyweni yenu: Ngawami amandla langamandla esandla sami ngizizuzele limfuyo.

1 uTimothi 6:17

Laya abanothileyo lapha emhlabeni ukuba bangazikhukhumezi, bangathembeli enothweni engemiyo, kodwa bathembele kuNkulunkulu osinothisa ngakho konke, sithokoze ngakho.