UHezekhiyeli 28:26 - iBhayibhili Elingcwele 1978

²⁶ Bazahlala kilo belondolozekile, bakhe imizi, bahlanyele izivini. Bazahlala belondolozekile nxa sengithonisisa bonke omakhelwana babo ababenze inhlekisa. Ng’khona bazakwazi ukuba ngiyiNkosi uNkulunkulu.

IBhayibhili Elingcwele LesiNdebele

²⁶ Bazahlala kulo bevikelekile njalo bazakwakha izindlu bahlanyele lezivini; bazahlala bevikelekile lapho sengiletha isijeziso kubo bonke omakhelwane babo ababaphatha kubi. Lapho-ke bazakwazi ukuthi mina nginguThixo uNkulunkulu wabo.’ ”

UHezekhiyeli 28:26 ပူးပေါင်းရင်းမြစ်များ

1 AmaKhosi 4:25

AbakoJuda labakoIsrayeli babevikelekile kusukela koDani kuze kufike eBerisheba, bonke babezihlalela ngaphansi kwezihlahla zabo zevini langaphansi kwezomkhiwa kuzo zonke insuku zokubusa kukaSolomoni.

AmaHubo 149:9

benze phezu kwazo isahlulelo esilotshiweyo. Lokhu kuludumo kubo bonke abangcwele bayo. Dumisani iNkosi!

U-Eksodasi 29:46

Bazakwazi ukuthi ngiyiNkosi uNkulunkulu wabo, eyabakhupha elizweni laseGibithe ukuba ngihlale phakathi kwabo; ngiyiNkosi, uNkulunkulu wabo.

Izaga 14:26

Nxa umuntu eyesaba iNkosi, uba lethemba eliqinileyo, labantwana bakhe babe lesiphephelo.

U-Isaya 17:14

Ngezikhathi zokuhlwa zibanga ukwesaba, kungakasi kazisekho. Yiso isabelo salabo abasiphangayo lalabo abasihlaselayo.

U-Isaya 33:1

Maye kini, bachithi, elingachithwanga lina! Lina bakhohlisi, elingakhohliswanga muntu! Kodwa lapho seliqedile ukuchitha, lizakuchithwa lina, lalapho seliqedile ukukhohlisa, lizakhohliswa lina.

UJeremiya 12:14

INkosi ithi mayelana labo bonke omakhelwana ababi abalihlaselayo ilizwe engilinike abantu bami bakoIsrayeli ukuba libe yilizwe labo: Ngizakubasiphuna elizweni labo, ngiyisiphune indlu yakoJuda, ngiyisuse phakathi kwabo.

UJeremiya 29:28

Ngoba usethumile ilizwi kithi eBabiloni esithi: Ukuthunjwa kwenu kuzakuba ngokwesikhathi eside; ngakho yakhani izindlu, lihlale kizo, lilime amasimu, lidle izithelo zawo.

UJeremiya 30:16

Ngalokhoke bonke abakudlayo bazakudliwa, lezitha zakho zonke zizathunjwa, labakuphangayo bazakuphangwa, labo bonke abakwamukayo bazakwamukwa.

UJeremiya 32:15

Ngoba iNkosi yamabandla, uNkulunkulu kaIsrayeli, ithi: Izindlu lamasimu lezivini kuzakubuya kuthengwe futhi kulelilizwe.

UJeremiya 32:37

Khangela, ngizabaqoqa emazweni wonke lapho ngibaxotshele khona ekuthukutheleni kwami langokufutheka kwami langolaka olukhulu; ngizababuyisa kulindawo, ngibenze ukuba bahlale bevikelekile.

UJeremiya 32:43

Amasimu azathengwa kulelilizwe elilibiza ngokuthi: Liyinkangala engelamuntu lenyamazana, futhi linikelwe ezandleni zamaKaladiya.

UJeremiya 33:16

Ngalezonsuku uJuda uzakhululwa, leJerusalema ivikeleke. Yileli ibizo elizabizwa ngalo elithi: INkosi ukulunga kwethu.

Izililo 1:8

IJerusalema lonile kakhulu, ngakho seliyisinengiso. Bonke ababelihlonipha sebelidelela, ngoba sebebonile ubuze balo. Yebo, selibubula, likhangele eceleni.

UHezekhiyeli 28:22

uthi: INkosi uNkulunkulu ithi: Ngimelene lawe, wena Sidoni, ngizabonakalisa udumo lwami phakathi kwakho. Bazakwazi ukuba ngiyiNkosi lapho sengilithonisisa, ngibonakalise ubungcwele bami kilo.

UHezekhiyeli 28:24

KoIsrayeli kakusayikuba khona ukhula oluhlabayo lameva alimazayo phakathi kwabo bonke omakhelwana babo ababenze inhlekisa. Ng’khona bazakwazi ukuba ngiyiNkosi uNkulunkulu.

UHezekhiyeli 34:14

Ngizazidlisa edlelweni elihle, ledlelo lazo lizakuba sezingqongeni zentaba zakoIsrayeli. Zizalala phansi elizweni eliledlelo elihle, zidle emadlelweni amahle ezintabeni zakoIsrayeli.

UHezekhiyeli 34:31

Lina, bantu bami, liyizimvu zami, izimvu engizelusayo, mina nginguNkulunkulu wenu, kutsho iNkosi uNkulunkulu.

UHezekhiyeli 36:9

Ngoba mina ngilani, ngizaphendukela ngakini, lizalinywa lihlanyelwe.

UHezekhiyeli 38:11

uthi: Ngizahlasela ilizwe elilemizi engabiyelwanga, ngibulale abantu abahlala ngokuthula bengethuki lutho, bonke behlala emizini engelamiduli, lengelamasango lemigoqo,

UHezekhiyeli 38:8

Emva kwensuku ezinengi uzakubuthwa; eminyakeni ezayo uzahlasela ilizwe elathathwa empini, elilabantu ababuthwa ezizweni ezinengi, babekwa ezintabeni zakoIsrayeli ebeziyinkangala isikhathi eside. AbakoIsrayeli abakhutshwa ezizweni bazahlala khona bangethuki, bonke ngoluthi lwabo.

UHezekhiyeli 39:10

ukuba bangathezi inkuni egangeni, loba bazigamule eguswini, ngoba bazabasa imililo yabo ngezikhali; bazakwamuka labo ababamukayo, baphange labo ababaphangayo, kutsho iNkosi uNkulunkulu.

UHosiya 11:11

Azavela eGibithe ngokuphangisa njengenyoni, lanjengamajuba evela elizweni laseAsiriya; ngizababuyisela emizini yabo, kutsho iNkosi.

UHosiya 2:15

Laphoke ngizambuyisela izivini zakhe, ngenze isihotsha saseAkori, okutsho iNhlupheko, sibe nguMnyango wethemba. Uzaphendula lapho njengasensukwini zobutsha bakhe, njengasosukwini lokuphuma kwakhe eGibithe.

UHosiya 2:18

Ngalolosuku ngizakwenza isivumelwano lenyamazana zeganga lenyoni zaphezulu lezinto ezihahabayo ukuba zingahluphi abakoIsrayeli. Ngizakwaphula umtshoko lomkhonto, ngiqede impi emhlabeni, ngikulalise phansi uvikelekile.

UHabhakhukhi 2:8

Ngoba uziphangile izizwe ezinengi, wachitha igazi labantu, wenza ububi emhlabeni, emizini yonke lakubo bonke abahlala kiyo, bonke abaseleyo emhlabeni bazakukuphanga.

UZakhariya 1:15

Ngithukuthele kakhulu ngezizwe ezichelesileyo, ngoba ngathi ngisazondile kancinyane, zandisa ububi.

UDutheronomi 12:10

Kodwa lapho selichaphile iJordani, selihlezi elizweni iNkosi uNkulunkulu wenu elinika lona libe ngelenu, isiliphumuzile ezitheni zenu zonke inxa zonke, lihlale livikelekile,