UHezekhiyeli 28:25 - iBhayibhili Elingcwele 1978

²⁵ INkosi uNkulunkulu ithi: Nxa sengibutha uIsrayeli ebantwini abachithachithwe kibo, ngizabonakalisa ubungcwele bami kibo phambi kwezizwe; bazahlala elizweni labo engalinika inceku yami uJakobe.

IBhayibhili Elingcwele LesiNdebele

²⁵ Nanku okutshiwo nguThixo Wobukhosi: Lapho sengiqoqa abantu bako-Israyeli ezizweni ababehlakazelwe kuzo, ngizazibonakalisa ngingongcwele phakathi kwabo phambi kwezizwe. Emva kwalokho bazahlala elizweni labo, engalinika inceku yami uJakhobe.

UHezekhiyeli 28:25 ပူးပေါင်းရင်းမြစ်များ

AmaHubo 106:47

Sikhulule, Nkosi Nkulunkulu wethu, usibuthe ezizweni, ukuba sidumise ibizo lakho elingcwele, sithabe ekukudumiseni.

U-Isaya 5:16

Kodwa iNkosi yamabandla iphakanyisiwe ngokwenza okufaneleyo, uNkulunkulu oNgcwele ubonakalisa ubungcwele bakhe ngokulunga.

UJeremiya 12:14

INkosi ithi mayelana labo bonke omakhelwana ababi abalihlaselayo ilizwe engilinike abantu bami bakoIsrayeli ukuba libe yilizwe labo: Ngizakubasiphuna elizweni labo, ngiyisiphune indlu yakoJuda, ngiyisuse phakathi kwabo.

UJeremiya 23:8

Kodwa bazakuthi: Ngifunga iNkosi eyakhupha yakhokela inzalo yendlu kaIsrayeli elizweni lasenyakatho lakuwo wonke amazwe eyayiyixotshele kuwo. Ng’khona izahlala elizweni lakibo.

UJeremiya 27:11

Kodwa isizwe esizakuthobela inkosi yaseBabiloni, siyisebenzele, ngizasiyekela elizweni laso, ukuba sililime, sakhe kulo, kutsho iNkosi.

UJeremiya 30:18

INkosi ithi: Ngizabuyisa abantwana bakaJakobe, ngihawukele wonke amakhaya abo. Yonke imizi izakwakhiwa futhi endaweni yayo, lazo zonke izindlu zakhiwe njengakuqala.

UJeremiya 32:37

Khangela, ngizabaqoqa emazweni wonke lapho ngibaxotshele khona ekuthukutheleni kwami langokufutheka kwami langolaka olukhulu; ngizababuyisa kulindawo, ngibenze ukuba bahlale bevikelekile.

UHezekhiyeli 11:17

Ngakhoke tshono uthi iNkosi uNkulunkulu ithi: Ngizabaqoqa ezizweni, ngibabuthe emazweni engibachithachithele kiwo, ngibanike ilizwe lakoIsrayeli.

UHezekhiyeli 20:41

Ngizalamukela njengephunga elimnandi nxa ngilikhupha ezizweni, ngiliqoqa emazweni lapho belichithachithelwe khona; ngizabonakalisa ubungcwele bami phakathi kwenu phambi kwezizwe.

UHezekhiyeli 28:22

uthi: INkosi uNkulunkulu ithi: Ngimelene lawe, wena Sidoni, ngizabonakalisa udumo lwami phakathi kwakho. Bazakwazi ukuba ngiyiNkosi lapho sengilithonisisa, ngibonakalise ubungcwele bami kilo.

UHezekhiyeli 34:13

Ngizazikhupha phakathi kwabantu, ngizibuthe emazweni, ngizibuyisele elizweni lazo, ngizidlise entabeni zakoIsrayeli, lasemithonjeni, lakuzo zonke indawo zelizwe okwakhiwe kizo.

UHezekhiyeli 34:14

Ngizazidlisa edlelweni elihle, ledlelo lazo lizakuba sezingqongeni zentaba zakoIsrayeli. Zizalala phansi elizweni eliledlelo elihle, zidle emadlelweni amahle ezintabeni zakoIsrayeli.

UHezekhiyeli 34:27

Izihlahla zeganga zizathela izithelo zazo, lomhlaba uveze inala, zilondolozeke elizweni lazo. Zizakwazi ukuba ngiyiNkosi nxa sengaphule ijogwe lazo, ngazikhulula kulabo abazithumbileyo.

UHezekhiyeli 36:28

Lizahlala elizweni engalinika okhokho benu, libe ngabantu bami, lami ngibe nguNkulunkulu wenu.

UHezekhiyeli 37:21

uthi kibo: INkosi uNkulunkulu ithi: Ngizathatha abantu bakoIsrayeli ezizweni abaya kizo, ngibabuyise bevela endaweni zonke, ngibalethe elizweni labo;

UHezekhiyeli 37:25

Bazahlala elizweni elalihlala okhokho benu engalinika inceku yami uJakobe; bona kanye labantwana babo labantwana babantwana babo bahlale khona kokuphela. UDavida inceku yami uzakuba yisikhulu sabo kokuphela.

UHezekhiyeli 38:23

Ngalokho ngizaveza ubukhulu bami lobungcwele bami, ngizibonakalise ezizweni ezinengi; ng’khonake bazakwazi ukuba ngiyiNkosi.

UHezekhiyeli 39:27

lapho sengibakhuphile ebantwini, ngabaqoqa emazweni ezitha zabo, ngabonakalisa ubungcwele bami ngabo phambi kwezizwe.

UHosiya 1:11

AbakoJuda labakoIsrayeli bazabuthana ndawonye, bazikhethele umkhokheli abe munye, bagcwale baze beqe imingcele yelizwe, ngoba luzakuba lukhulu usuku lwaseJezereli.

UHosiya 11:11

Azavela eGibithe ngokuphangisa njengenyoni, lanjengamajuba evela elizweni laseAsiriya; ngizababuyisela emizini yabo, kutsho iNkosi.

UHosiya 2:15

Laphoke ngizambuyisela izivini zakhe, ngenze isihotsha saseAkori, okutsho iNhlupheko, sibe nguMnyango wethemba. Uzaphendula lapho njengasensukwini zobutsha bakhe, njengasosukwini lokuphuma kwakhe eGibithe.

UJoweli 3:7

Kodwa khathesi ngizabavusa endaweni elabathengisa kiyo, ngilibuyisele ngezenzo zenu.