UHezekhiyeli 28:23 - iBhayibhili Elingcwele 1978

²³ Ngoba ngizathumela isifo kilo, kuchitheke legazi endleleni zalo; abantu bazakufela phakathi kwalo, bebulawa yimpi elihanqileyo inxa zonke. Ng’khona bazakwazi ukuba ngiyiNkosi.

IBhayibhili Elingcwele LesiNdebele

²³ Ngizathumela isifo kulo, ngenze igazi ligeleze ezindleleni zalo. Abafileyo bazakuba phakathi kwalo, inkemba imelane lalo amacele wonke. Lapho-ke bazakwazi ukuthi mina nginguThixo.

UHezekhiyeli 28:23 ပူးပေါင်းရင်းမြစ်များ

UJeremiya 15:2

Lapho bekubuza besithi: Sizakuya ngaphi? uzakuthi kibo: INkosi ithi: Abokufa baya ekufeni, abomkhonto baya emkhontweni, abendlala baya endlaleni, labokuthunjwa baya ekuthunjweni.

UJeremiya 51:52

Ngakhoke insuku ziyeza, kutsho iNkosi, lapho ngizatshaya izithombe zeBabiloni, labagwaziweyo babubule kulo lonke ilizwe lalo.

UHezekhiyeli 21:14

Tshumayela, wena ndoda, uqakeze izandla zakho, umkhonto uzagwaza kabili lakathathu, ungumkhonto wokubulala, umkhonto wokubulawa okukhulu obahanqayo,

UHezekhiyeli 21:16

Wena mkhonto, gwaza ngakwesokunene langakwesokhohlo, lalapho ungaqonda khona.

UHezekhiyeli 25:11

ngilithonisise iMowabi. Ng’khona bazakwazi ukuba ngiyiNkosi.

UHezekhiyeli 25:17

Ngizabaphindisela ngokwesabekayo, ngibatshaye ekuthukutheleni kwami; lapho sengiphindisela, bazakwazi ukuba ngiyiNkosi.

UHezekhiyeli 25:7

ngalokho ngizakukuphakamisela isandla sami, ngikunikele ube yimpango yezizwe, ngikukhuphe ezizweni, ngikuqede kuwo wonke amazwe, ngikuchithe nya. Ng’khona uzakwazi ukuba ngiyiNkosi.

UHezekhiyeli 26:6

lamadodakazi alo phakathi kwelizwe azabulawa ngomkhonto. Ng’khonake bazakwazi ukuba ngiyiNkosi.

UHezekhiyeli 30:4

Impi izakwehlela eGibithe, losizi lube khona eEtiyopiya, lapho abanengi bebulawa eGibithe, lenotho yalo ithunjwa, lezisekelo zalo zidilizelwa phansi.

UHezekhiyeli 32:30

Izikhulu zasenyakatho zikhona lapho, zonke ngoluthi lwazo, labo bonke abaseSidoni, abehlele phansi kanye labafileyo belenhloni ngenxa yokwesabeka konke abakwenza ngamandla abo; balele bangasokanga kanye labo ababuleweyo empini, bethwele ihlazo labo lalabo abehlela egodini.

UHezekhiyeli 38:22

Ngizamjezisa ngesifo langokuchitheka kwegazi, ngehlisele phezu kwakhe lamaxuku akhe labo bonke abantu abalaye izulu lesiqhotho lomlilo lesolufa.

UHezekhiyeli 5:12

Ingxenye yesithathu yenu izabulawa yisifo, iqedwe yindlala phakathi kwenu; ingxenye yesithathu izabulawa yimikhonto endaweni zonke zenu; lengxenye yesithathu ngiyichithachithele emimoyeni yonke, ngiyilandele ngiphethe umkhonto.

UHezekhiyeli 5:17

Ngizalithumela indlala lezilo zeganga, zibulale abantwana benu; isifo legazi kudabule phakathi kwenu; ngililethele impi. Mina Nkosi ngikhulumile.