UHezekhiyeli 28:2 - iBhayibhili Elingcwele 1978

² Ndoda tshono kusikhulu saseTire, uthi iNkosi uNkulunkulu ithi: Ngoba inhliziyo yakho iziphakamisile, utshilo ukuthi: Mina ngingunkulunkulu, ngihlezi esihlalweni sabonkulunkulu enzikini zolwandle; kanti ungumuntu nje, kawusunkulunkulu, lanxa uzitshaya ohlakaniphileyo njengonkulunkulu.

IBhayibhili Elingcwele LesiNdebele

² “Ndodana yomuntu, tshono kumbusi waseThire uthi, ‘Nanku okutshiwo nguThixo Wobukhosi: Ngokuzigqaja kwenhliziyo yakho uthi, “Ngingunkulunkulu; ngihlala esihlalweni sobukhosi sikankulunkulu enzikini yezilwandle.” Kodwa wena ungumuntu hatshi uNkulunkulu, lanxa ucabanga ukuthi uhlakaniphe njengoNkulunkulu.

UHezekhiyeli 28:2 ပူးပေါင်းရင်းမြစ်များ

UGenesisi 3:5

Ngoba uNkulunkulu uyazi ukuthi mhla lizidlayo, amehlo enu azavuleka, libe njengoNkulunkulu, likwazi konke.

2 ImiLando 26:16

Kodwa lapho eseqinile wazikhukhumeza, kwamlethela ukuchitheka. Ngoba wona eNkosini uNkulunkulu wakhe ngokungena ethempelini leNkosi ukuba atshise impepha phezu kwealtare lempepha.

AmaHubo 9:20

Kazitshaywe luvalo, Nkosi, kazaziswe ukuthi zingabantu nje.

Izaga 16:18

Ukuzigqaja kwandulela ukubhujiswa, lomoya ozikhukhumezayo wandulela ukuwa.

Izaga 18:12

Ukuzikhukhumeza kwandulela ukubhujiswa, kodwa ukuthobeka kwandulela udumo.

U-Isaya 2:12

Ngoba iNkosi yamabandla ilosuku elulindisele konke okuzigqajayo lokuzikhukhumezayo, lakho konke okuziphakamisayo lokuphakemeyo,

U-Isaya 23:8

Ngubani omise lokhu ngeTire elingumuzi wamakhosi na? Abathengisi balo babeyizikhulu, labathengiselani balo babelodumo emhlabeni.

U-Isaya 31:3

AmaGibithe angabantu, kawasuye uNkulunkulu, lamabhiza awo ayinyama, kawasiwo umoya. Lapho iNkosi iphakamisa isandla sayo, uzakhubeka osizayo, laye osizwayo awele phansi, babhubhe bobabili.

U-Isaya 47:8

Zwanake lokhu, wena othanda ukuzithokozisa, ohlala uvikelekile, othi enhliziyweni yakho: Yimi, kakho omunye ngaphandle kwami; kangiyikuba ngumfelwakazi, kangiyikufelwa langabantwana.

UHezekhiyeli 16:49

Nanku ukona kukadadewenu iSodoma; lona lamadodakazi alo lalizigqaja, lisutha okunengi, lichelesile, kodwa kalibasizanga abayanga labaswelayo.

UHezekhiyeli 26:17

Zizakukulilela zithi: Yeka ukunyamalala kwakho ngasolwandle, wena muzi odumileyo, owawulamandla olwandle, wena labakhileyo kuwe, owenza ukuba wesatshwe yilo lonke ilizwe.

UHezekhiyeli 28:1

Ilizwi leNkosi lafika kimi lathi:

UHezekhiyeli 28:17

Inhliziyo yakho yaziphakamisa ngenxa yobuhle bakho; wona ukuhlakanipha kwakho ngenxa yodumo lwakho. Ngakuphosa phansi, ngakuchaya phambi kwamakhosi ukuba akukhangele ngamehlo awo.

UHezekhiyeli 28:9

Uzakutsho yini uthi: Ngingunkulunkulu mina, phambi kwalabo abakugwazayo, lanxa wena ungumuntu ungesuye unkulunkulu, ezandleni zalabo abakugwazayo?

UHezekhiyeli 29:3

ukhulume uthi: INkosi uNkulunkulu ithi: Ngimelene lawe, wena Faro nkosi yaseGibithe, wena ngwenya enkulu elele phakathi kwemifula yayo, ethi: Umfula iNile ungowami, ngawenza.

UHezekhiyeli 29:9

lelizwe laseGibithe lichitheke libe yinkangala. Ng’khona bazakwazi ukuba ngiyiNkosi. Lokhu uthe: Umfula iNile ungowami, ngiwenzile;

UHezekhiyeli 31:10

Ngakho iNkosi uNkulunkulu ithi: Ngenxa yokuba waba mude, izihloko zawo zathinta amayezi, inhliziyo yawo yaziphakamisa ngobude bawo,

UDanyeli 11:12

Lapho impi isithunjiwe, inhliziyo yayo izaziphakamisa, ibulale amatshumi ezinkulungwane, kodwa kayiyikunqoba.

UDanyeli 11:36

Inkosi izakwenza ekuthandayo; izaziphakamisa izikhulise ngaphezu kwabo bonke onkulunkulu, ikhulume okumangalisayo ngoNkulunkulu, iphumelele kuze kuphelele intukuthelo, ngoba okumisiweyo kuzakwenziwa.

UDanyeli 11:37

Kayiyikunanza onkulunkulu babokhokho bayo lonkulunkulu othandwa ngabesifazana; kayiyikunanza loyedwa unkulunkulu, ngoba izazikhulisa ibe phezu kwabo bonke.

UHabhakhukhi 2:4

Khangela, lowo ongelabuqotho uzakwehluleka, kodwa olungileyo uzakuphila ngokukholwa kwakhe.

UZefaniya 2:15

Yiwo lumuzi owajabula, owawulondolozekile, owawusithi: Mina ngikhona; kakho futhi omunye. Yeka ukuchitheka kwawo! Usuyindawo yokubuthanela inyamazana; bonke abadlula kiwo bayancifa, bawukhombe ngengqindi.

UZakhariya 9:2

leHamathi lalo elikhawula kilo, leTire leSidoni lanxa kuhlakaniphile.

ULukha 14:9

yena olimemileyo lobabili eze, athi kuwe: Mxekele lo; kubeng’khona uqala ukwehlela ngaphansi usulenhloni.

UDutheronomi 8:14

qaphelani ukuba inhliziyo zenu zingazikhukhumezi, beselikhohlwa iNkosi uNkulunkulu wenu eyalikhupha elizweni laseGibithe, endaweni yobugqili,

2 AbaseThesalonika 2:4

omelana lakho konke, lozikhukhumeza phezu kwakho konke okuthiwa ngunkulunkulu, loba yinto nje ekhonzwayo aze ahlale ethempelini likaNkulunkulu ezibiza ngokuthi unguNkulunkulu.

1 uTimothi 3:6

Kangabi ngosand’ukukholwa, funa ngokukhukhunyezwa awele ekulahlweni kukaSathane.

1 UPhethro 5:5

Ngokunjalo lani abatsha, zehliseleni ngaphansi kwabadala bebandla; yambathani lonke ukuthobeka, lithobelane, ngoba uNkulunkulu umelana labazigqajayo, kodwa abazithobileyo uyabapha umusa.

Isambulo 17:3

Sangisa enkangala ngehlelwe nguMoya. Ngabona owesifazana egade isilo esibomvu, sigcwele amabizo enhlamba, silamakhanda ayisikhombisa lempondo ezilitshumi.

Isambulo 18:7

Linikeni ukuhlupheka lokulila okungangalokho elizidumise lazikholisa ngakho. Lithi enhliziyweni yalo: Ngihlezi ngiyinkosikazi, kangisuye umfelwakazi, futhi kangisoze ngabona ukulila.