UHezekhiyeli 28:16 - iBhayibhili Elingcwele 1978

¹⁶ Ngenxa yobunengi bokuthenga kwakho wagcwala ulunya, wasusona. Ngakuxotsha njengento engcolileyo entabeni kaNkulunkulu, lekherubi lokukulinda lakukhupha phakathi kwamatshe avutha umlilo.

IBhayibhili Elingcwele LesiNdebele

¹⁶ Ngenxa yokuthengisa kwakho ezindaweni ezinengi wagcwala udlakela, wasusona. Ngakho ngakususa njengehlazo entabeni kaNkulunkulu, njalo ngakuxotsha, wena kherubhi elondlayo, phakathi kwamatshe avutha umlilo.

UHezekhiyeli 28:16 ပူးပေါင်းရင်းမြစ်များ

UGenesisi 3:24

Wamxotsha umuntu; wabeka ngasempumalanga kwensimu yaseEdeni amakherubi kanye lomhedla ovuthayo ophenduphendukayo, okulinde indlela eya esihlahleni sokuphila.

UGenesisi 6:11

Umhlaba wawonakele phambi kukaNkulunkulu, umhlaba wagcwala okubi.

U-Isaya 22:19

INkosi izakukukhupha esikhundleni sakho, ikuwise endaweni yakho ephakemeyo.

U-Isaya 23:9

YiNkosi yamakhosi ekumisileyo, ukuba yonakalise ukuziphakamisa lobuhle balo, lokuba yenze bonke abadumileyo bomhlaba badeleleke.

UHezekhiyeli 28:14

Ngakunika ikherubi lokukulinda, usentabeni engcwele kaNkulunkulu; wahamba phakathi kwamatshe avutha umlilo.

UHezekhiyeli 8:17

Wasesithi kimi: Uyakubona lokhu, wena ndoda na? Kuyinto elula koJuda ukwenza amanyala abawenzayo lapha yini, ukuba bagcwalise ilizwe ngokubi, bavuse ulaka lwami na? Khangela, babeka ingatsha empumulweni zabo.

UHosiya 12:7

INkosi ithi: Wena Israyeli, unjengomthengi ophethe izilinganiso ezikhohlisayo othanda ukuqilibizela.

uAmosi 3:9

Memezelani ezinqabeni zaseAsiriya lezinqabeni zaselizweni laseGibithe, lithi: Buthanani phezu kwezintaba zaseSamariya, libone iziphithiphithi ezinkulu eziphakathi kwalo lokucindezelwa okukilo.

uObadiya 1:3

Ukuziqhenya kwenhliziyo yakho kukukhohlisile, wena ohlala ezimbalwini zamawa, olendawo ephakemeyo yokuhlala, othi enhliziyweni yakho: Ngubani ozangehlisela phansi na?

UMikha 2:10

Sukani lihambe, ngoba lapha kakusiyo indawo yokuphumula, ngenxa yokungcola okuletha ukuchitheka okukhulu.

UMikha 2:2

Bahawukela amasimu, bawathathe ngodlakela, lezindlu bayazithatha; bathathela umuntu umuzi wakhe, bamthathele lelifa lakhe.

UMikha 6:12

Abanothileyo benu bagcwele okubi, labakhileyo bakhuluma amanga, lolimi lwabo luyakhohlisa.

UHabhakhukhi 2:17

Ububi obenziwa eLebanoni buzakwehlela kuwe, ukuchitheka kwenyamazana kukwethuse ngenxa yegazi labantu lobubi obenziwa emhlabeni, emizini lakubo bonke abahlala kiyo.

UHabhakhukhi 2:8

Ngoba uziphangile izizwe ezinengi, wachitha igazi labantu, wenza ububi emhlabeni, emizini yonke lakubo bonke abahlala kiyo, bonke abaseleyo emhlabeni bazakukuphanga.

UZefaniya 1:9

Ngalolosuku ngizatshaya bonke abeqayo umbundu womnyango, labagcwalisa indlu yenkosi yabo ngobubi langenkohliso.

UJohane 2:16

wathi kwabathengisa inkwilimba: Susani lezizinto, lingayenzi indlu kaBaba ibe yindlu yokuthengisela.

Isambulo 12:9

Umgobho omkhulu waphoselwa phansi, inyoka endala ebizwa ngokuthi nguSathane loMubi, umkhohlisi womhlaba wonke; waphoselwa phansi emhlabeni kanye lezithunywa zakhe.