UHezekhiyeli 28:14 - iBhayibhili Elingcwele 1978

¹⁴ Ngakunika ikherubi lokukulinda, usentabeni engcwele kaNkulunkulu; wahamba phakathi kwamatshe avutha umlilo.

IBhayibhili Elingcwele LesiNdebele

¹⁴ Wagcotshwa njengekherubhi elondlayo, ngoba ngakumisela lokho. Wawuphezu kwentaba engcwele kaNkulunkulu; wahamba phakathi kwamatshe avutha umlilo.

UHezekhiyeli 28:14 ပူးပေါင်းရင်းမြစ်များ

U-Eksodasi 30:26

Uzakugcoba ngawo ithente lokuhlangana lomtshokotsho wobufakazi,

U-Eksodasi 40:9

Uthathe amagcobo okugcoba, ugcobe iTabernakeli lakho konke okukulo, ulahlukanisele kanye lempahla yalo yonke, libe ngcwele.

U-Eksodasi 9:16

Kodwa ngikusilisile ukuba ngikutshengise amandla ami lokuba ibizo lami litshunyayelwe emhlabeni wonke.

U-Isaya 10:15

Ihloka lizazikhukhumeza kuye ogamulayo ngalo yini, lesaha izikhulise kuye osika ngayo na? Njengokungathi induku inyikinya lowo oyiphakamisayo, lodondolo lumphakamise yena ongesiso isigodo.

U-Isaya 10:6

Ngiyalithuma lona esizweni esingamesabiyo uNkulunkulu, ngiyalilaya ukulwa labantu abavusa ulaka lwami, ukuba lihlasele, lithumbe, libanyathezele phansi njengodaka lwezindleleni.

Izililo 2:1

Yeka umnyama iNkosi ekuthukutheleni kwayo ewehlisele phezu kweZiyone. Iphosele ubuhle bukaIsrayeli emhlabeni busuka ezulwini; kayikhumbulanga ithempeli layo ngosuku lokuthukuthela kwayo.

UHezekhiyeli 10:18

Yasisuka inkazimulo yeNkosi ngasemnyango wethempeli, yema ngaphezu kwamakherubi.

UHezekhiyeli 20:40

Ngoba entabeni engcwele, entabeni ende yakoIsrayeli, kutsho iNkosi uNkulunkulu, lapho bonke abakoIsrayeli, bonke ngoluthi lwabo, bazangikhonza elizweni; ngizabamukela khona, ngibize khona iminikelo yenu, leziphiwo zenu ezinhle, lakho konke okungcwele kwenu.

UHezekhiyeli 28:13

WawuseEdeni, insimu kaNkulunkulu, ucecile ngawo wonke amatshe amahle, ngitsho ikorneliya letopazi lejaspi lekrisolite leberila leonikse lesafire lerubi le‐emeraldi. Amahlwayi akho ayengawegolide, lamasongo owawuwagqizile ayenzelwe wena ngosuku lokuzalwa kwakho.

UHezekhiyeli 28:2

Ndoda tshono kusikhulu saseTire, uthi iNkosi uNkulunkulu ithi: Ngoba inhliziyo yakho iziphakamisile, utshilo ukuthi: Mina ngingunkulunkulu, ngihlezi esihlalweni sabonkulunkulu enzikini zolwandle; kanti ungumuntu nje, kawusunkulunkulu, lanxa uzitshaya ohlakaniphileyo njengonkulunkulu.

UDanyeli 4:35

bonke abakhileyo emhlabeni batshaywa ize, uyenza akuthandayo ebandleni laphezulu; kakho ongavimbela isandla sakhe, loba athi kuye: Wenzani na?

UJohane 11:51

Kazitsholongo lokhu ngokwakhe, kodwa engumpristi omkhulu ngalowomnyaka wazisela ukuthi uJesu uzakufela isizwe;

2 AbaseThesalonika 2:4

omelana lakho konke, lozikhukhumeza phezu kwakho konke okuthiwa ngunkulunkulu, loba yinto nje ekhonzwayo aze ahlale ethempelini likaNkulunkulu ezibiza ngokuthi unguNkulunkulu.

Isambulo 18:16

besithi: Maye, maye kuwe muzi omkhulu, owawambathiswe amalembu amahle, layibubende, labomvu, uceciswe ngegolide langamatshe amahle langamangqongqo aligugu!

Isambulo 9:17

Ngawabona ngokunje amabhiza labagadi bawo embonweni wami; babefake izivikelo zesifuba ezibomvu, leziluhlaza, lezingumthubi; amabhiza ayelamakhanda anjengawezilwane, lasemilonyeni yawo kwaphuma umlilo, lentuthu, lesolufa.