UHezekhiyeli 28:13 - iBhayibhili Elingcwele 1978

¹³ WawuseEdeni, insimu kaNkulunkulu, ucecile ngawo wonke amatshe amahle, ngitsho ikorneliya letopazi lejaspi lekrisolite leberila leonikse lesafire lerubi le‐emeraldi. Amahlwayi akho ayengawegolide, lamasongo owawuwagqizile ayenzelwe wena ngosuku lokuzalwa kwakho.

IBhayibhili Elingcwele LesiNdebele

¹³ Wawuse-Edeni isivande sikaNkulunkulu; waceca ngawo wonke amatshe aligugu: irubhi, lethophazi le-emeralidi, ikhrisolithe, i-onikisi lejaspa, isafire, ithukhwayizi lebherili. Izibonakaliso zakho lezisekelo kwakwenziwe ngegolide; kwalungiswa ngosuku owadalwa ngalo.

UHezekhiyeli 28:13 ပူးပေါင်းရင်းမြစ်များ

UGenesisi 13:10

ULoti wasephakamisa amehlo akhe, wabona ukuthi lonke igceke laseJordani lalilamanzi, iNkosi ingakachithi iSodoma leGomora; lalinjengensimu yeNkosi lanjengelizwe laseGibithe kuze kufike eZowari.

UGenesisi 2:8

INkosi uNkulunkulu yenza insimu eEdeni ngasempumalanga, yambeka khona umuntu eyayimenzile.

UJobe 28:19

Ilitshe elihle laseEtiyopiya elithiwa itopazi lingelinganiswe lakho, kungelingane legolide elihle.

U-Isaya 14:11

Ubukhosi bakho sebehliselwe endaweni yabafileyo, lokukhala kwamachacho akho; izimpethu sezilicansi lakho lokulala, lemihlavane isiyingubo yakho.

U-Isaya 23:16

Thatha ichacho, uhambahambe phakathi komuzi, wena wule elikhohlakeleyo, utshaye kamnandi, uhlabele ingoma ezinengi, ukuze izithandwa zakho zikukhumbule.

U-Isaya 24:8

Ukukhala kwezigubhu kuphelile, lomsindo wabajabulayo kawusekho, lokukhala kwechacho kuthule.

U-Isaya 30:32

Kuzakuthi lapho iNkosi ibatshaya ngenduku yayo, kuzwakale ukukhala kwezigubhu lamachacho, lapho isilwa labo.

U-Isaya 51:3

Ngoba iNkosi izakuliduduza iZiyone, iduduze wonke amanxiwa alo, izakwenza inkangala yalo ifane leEdeni, lomhlaba walo olugwadule ufane lensimu yeNkosi; injabulo lentokozo kuzafunyanwa khona, lokubonga lelizwi lokuhlabelela.

UHezekhiyeli 21:30

Ubuyisele endaweni yawo. Endaweni lapha wadalelwa khona, elizweni owadabuka kilo, ngizakukuthonisisa khona;

UHezekhiyeli 26:13

Ngizaqeda ukuhlatshelwa kwengoma zakho, lokukhala kwamachacho akho kakusayikuzwakala futhi.

UHezekhiyeli 27:16

IEdoma lathengiselana lawe ngenxa yempahla zakho ezinengi benana impahla zakho ngamatshe athiwa ngama‐emeraldi, langokuyibubende, langomsebenzi ocecisiweyo, langelembu elihle, langamatshe athiwa yikorali leagate.

UHezekhiyeli 27:22

Abathengi baseSheba leRama bathengiselana lawe, benana impahla zakho ngenhlobo zonke ezinhle zamakha, langamatshe wonke amahle, langegolide.

UHezekhiyeli 28:14

Ngakunika ikherubi lokukulinda, usentabeni engcwele kaNkulunkulu; wahamba phakathi kwamatshe avutha umlilo.

UHezekhiyeli 28:15

Wawuphelele endleleni zakho, kusukela osukwini owadalwa ngalo kwaze kwafunyaniswa ububi kuwe.

UHezekhiyeli 36:35

Bazakuthi: Lelilizwe ebeseliyinkangala selifana lensimu yaseEdeni; lemizi ebisichithekile isiyinkangala isingamanxiwa, isibiyiwe ihlala abantu.

UJoweli 2:3

Umlilo uyatshisa phambi kwabo, langemva kwabo kuvutha ilangabi. Phambi kwabo ilizwe lifanana lensimu yaseEdeni, kodwa ngemva kwabo liyinkangala elugwadule; kakukho okungabaleka kubo.

Isambulo 17:4

Owesifazana wayembethe okububende lokubomvu, ececiswe ngegolide langamatshe amahle langamangqongqo aligugu, ephethe esandleni sakhe inkezo yegolide igcwele amanyala lokungcola kokuphinga kwakhe;

Isambulo 2:7

Lowo olendlebe kezwe lokho akutshoyo uMoya emabandleni. Onqobayo ngizakumnika ukuba adle okwesihlahla sokuphila esiseParadise kaNkulunkulu.