UHezekhiyeli 27:31 - iBhayibhili Elingcwele 1978

³¹ baziphuce amakhanda, bagqoke izambatho zokulila, bakukhalele kakhulu, bakhale ngokukhala okubuhlungu.

IBhayibhili Elingcwele LesiNdebele

³¹ Bazaphuca amakhanda abo ngenxa yakho njalo bazagqoka amasaka. Bazaqhinqa isililo ngawe ngesililo esibuhlungu.

UHezekhiyeli 27:31 ပူးပေါင်းရင်းမြစ်များ

U-Isaya 15:2

Abantu baseDiboni bakhwela endaweni eziphakemeyo zokukhonzela ukuyakhala; abantu baseMowabi bakhalela iNebo leMedeba; bonke baphucile amakhanda, bagela lezindevu;

U-Isaya 16:9

Ngakhoke ngiyakhalela amavini aseSibima, njengalokhu ngikhalela iJazeri; ngikuthela ngezinyembezi zami, wena Heshiboni lawe Eleyale; ngoba phakathi kwezithelo zenu lesivuno senu usuphelile umsindo wabavunayo.

U-Isaya 22:12

Ngalolosuku iNkosi uNkulunkulu wamabandla yalibizela ukuba likhale lilile, liphuce amakhanda, ligqoke izambatho zokulila;

U-Isaya 22:4

Ngakhoke ngasengisithi: Ungangikhangeli, ngiyekela ngikhale; ungazami ukungiduduza ngenxa yokuchitheka kwabantu bakithi.

U-Isaya 3:24

Kuzakuthi endaweni yamakha kube khona ukubola, endaweni yebhanti kube khona igoda, lendaweni yenwele ezilungiswe kuhle kube khona impabanga, lendaweni yezigqoko ezinhle kube khona amadabudabu, lendaweni yobuhle kube khona ukuyangeka.

UJeremiya 16:6

Bazakufa bonke abakhulu labancinyane kulindawo; kabayikungcwatshwa, futhi kakulamuntu ozakubalilela kumbe azisike, loba agele ikhanda lakhe ngenxa yabo.

UJeremiya 47:5

IGaza ligelile ikhanda lalo, leAshikeloni liphelile. Lina baseleyo bamaAnaki lizazisika kuze kube nininini na?

UJeremiya 48:37

Ngoba wonke amakhanda aphuciwe, lazo zonke indevu zigeliwe; izandla zonke zilamanxeba, bonke bavunule izambatho zokulila.

UHezekhiyeli 29:18

Ndoda, uNebukadineza inkosi yaseBabiloni walwisa impi yakhe leTire okwesikhathi eside, kwaze kwaphucuka amakhanda wonke, kwafutha amahlombe wonke; kodwa yena lempi yakhe kabazuzanga lutho eTire ngokulwa kwabo isikhathi eside.

UHezekhiyeli 7:18

Bonke bazagqoka izambatho zokulila, behlelwe yikwesaba, babanjwe zinhloni, baphuce amakhanda.

UJoweli 1:13

Gqokani izambatho zokulila, likhale, lina bapristi, lilani, lina zikhonzi zasealtareni. Ngenani, lilale lambethe izambatho zokulila bonke ubusuku, lina zikhonzi zikaNkulunkulu wami. Ngoba umnikelo wempuphu lomnikelo wokunathwayo igodliwe ukunikelwa endlini kaNkulunkulu wenu.

ULevi 21:5

Kabayikuphuca amakhanda abo, bangageli indevu zabo, bangazisiki emizimbeni yabo.

uAmosi 8:10

Ngizaphendula imikhosi yenu ibe yikukhala, lengoma zenu zonke zibe yikulila, livunule izambatho zokulila, liphuce amakhanda enu, kube yisililo esinjengesokulilela indodana eyodwa, kube lusuku olubuhlungu impela.

UJona 3:6

Indaba yafinyelela enkosini yaseNineve; yasuka esihlalweni sayo sobukhosi, yakhumula ingubo yayo, yagqoka isambatho sokulila, yahlala emlotheni.

UMikha 1:16

Phucani inwele zenu ukuba likhalele abantwana elibathandayo; phucani libe njengokhozi, ngoba bazathunjwa kini.

UMikha 1:8

Ngenxa yalokhu ngizalila ngikhale, ngihlubule ngihambeze, ngikhale njengamakhanka, ngilile njengezintshe.

UDutheronomi 14:1

Lina lingabantwana beNkosi uNkulunkulu wenu. Kaliyikuzisika, lingaziphuculi emabunzini enu ngenxa yabafileyo.