UHezekhiyeli 27:12 - iBhayibhili Elingcwele 1978

¹² ITarshishi lathengiselana lawe ngenxa yobunengi benotho yakho yenhlobo zonke, benana impahla yakho ngesiliva langensimbi langomnuso.

IBhayibhili Elingcwele LesiNdebele

¹² IThashishi yathengiselana lawe ngenxa yenotho yezimpahla zakho ezinengi; impahla yakho ethengiswayo bayithenga ngesiliva, insimbi, ithusi kanye lomnuso.

UHezekhiyeli 27:12 ပူးပေါင်းရင်းမြစ်များ

UGenesisi 10:4

Amadodana kaJavani ayengoElisha loTarshishi loKuprosi loRodanimi.

1 AmaKhosi 10:22

Inkosi yayilemikolo emikhulu yokuthwala impahla olwandle kanye lemikolo kaHiramu; limikolo yokuthwala impahla yayibuya kanye ngeminyaka emithathu ithwele igolide lesiliva lempondo zendlovu lezindwangu lezinkawu.

1 AmaKhosi 22:48

UJehoshafati wenza imikolo emikhulu yokuthwala impahla ukuyathwala igolide eOfiri; kodwa kayifikanga yephukela eEziyoni‐Geberi.

2 ImiLando 9:21

Inkosi yayilemikolo emikhulu yokuthwala impahla olwandle eyayisiya eTarshishi lezinceku zikaHuramu; limikolo yokuthwala impahla yayibuya kanye ngeminyaka emithathu ithwele igolide lesiliva lempondo zendlovu lezindwangu lezinkawu.

AmaHubo 72:10

Amakhosi aseTarshishi lawasezihlengeni azaletha izipho, amakhosi aseSheba laseSeba alethe izipho.

U-Isaya 2:16

layo yonke imikolo emikhulu.

U-Isaya 23:10

Limani umhlabathi, lina bantu baseTarshishi, ngoba itheku kalisekho.

U-Isaya 23:14

Khalani, lina mikolo yaseTarshishi, ngoba inqaba yenu idilikile.

U-Isaya 23:6

Balekelani eTarshishi, likhale, lina abahlala ngasolwandle.

U-Isaya 60:9

Yimikolo ebuthana ivela emazweni angasolwandle, ikhokhelwa yimikolo emikhulu, ukuletha amadodana akho evela khatshana kanye lesiliva legolide lawo, ngenxa yebizo leNkosi uNkulunkulu wakho, langenxa yoNgcwele kaIsrayeli, ngoba ikunikile udumo.

UJeremiya 10:9

Isiliva esikhandiweyo sivela eTarshishi, legolide livela eOfiri. Ukwenza izithombe kungumsebenzi wesisebenzi lowezandla zomkhandi, zigqokiswe okuluhlaza lokuyibubende; konke kungumsebenzi wezingcitshi.

UHezekhiyeli 27:11

Amadoda aseArvadi lawaseKilikhiya ayephezu kwemiduli yakho ekuhanqile, lamadoda aseGamadi ayesezinqabeni zakho; aphanyeka izihlangu zawo emidulini yakho inxa zonke, enza ubuhle bakho buphelele.

UHezekhiyeli 27:13

IJavani leTubali leMesheki zathengiselana lawe, zenana impahla yakho ngabantu uqobo, langezitsha zethusi.

UHezekhiyeli 27:16

IEdoma lathengiselana lawe ngenxa yempahla zakho ezinengi benana impahla zakho ngamatshe athiwa ngama‐emeraldi, langokuyibubende, langomsebenzi ocecisiweyo, langelembu elihle, langamatshe athiwa yikorali leagate.

UHezekhiyeli 27:18

IDamaseko lathengiselana lawe ngenxa yobunengi bempahla zakho langenxa yenotho yakho enkulu yenhlobo zonke, benana impahla zakho ngewayini laseHeliboni langoboya obumhlophe,

UHezekhiyeli 27:33

Ekuphumeni kwempahla yakho olwandle, wanelisa abantu abanengi; ngenotho enengi langempahla yakho wanothisa amakhosi omhlaba.

UHezekhiyeli 28:16

Ngenxa yobunengi bokuthenga kwakho wagcwala ulunya, wasusona. Ngakuxotsha njengento engcolileyo entabeni kaNkulunkulu, lekherubi lokukulinda lakukhupha phakathi kwamatshe avutha umlilo.

UHezekhiyeli 28:5

Ngokuhlakanipha kwakho okukhulu ekuthengeni wandisile inotho yakho, lenhliziyo yakho isizigqaja ngenotho yakho.

UHezekhiyeli 38:13

ISheba leDedani labathengisi baseTarshishi layo yonke imizi yalo bazakuthi kuwe: Uzile yini ukuthatha impango na? Ubuthanisile izimpi zakho ukuthumba impango, uthathe isiliva legolide, uthathe inkomo lempahla, uthumbe impango enengi na?

UJona 1:3

Kodwa uJona wasuka waya eTarshishi ukuba abalekele iNkosi. Wehlela eJopha, wafumana khona umkolo oya eTarshishi; wakhupha imali yokukhwela, wakhwela kuwo ukuba ahambe labaya eTarshishi, abaleke eNkosini.

Isambulo 18:12

impahla yegolide lesiliva, lamatshe amahle, lamangqongqo aligugu, lamalembu amahle ayibubende layisilika labomvu; lazo zonke izihlahla ezilephunga, lezinto zempondo zendlovu, lezinto zezihlahla ezibiza imali enengi, lezethusi, lezensimbi, lezelitshe elimhlophe;