UHezekhiyeli 26:10 - iBhayibhili Elingcwele 1978

¹⁰ Ngenxa yobunengi bamabhiza akhe uthuli lwawo luzakukusibekela, lemiduli yakho izanyikinywa ngumsindo wabagadi bamabhiza lowezinqola zokulwa, nxa engena emasangweni akho njengomuntu ofohlela emzini.

IBhayibhili Elingcwele LesiNdebele

¹⁰ Amabhiza akhe azakuba manengi kakhulu okuzakwenza akwembese ngothuli. Imiduli yakho izanyikinyiswa ngumsindo wamabhiza empi, izinqola zokuthwala kanye lezinqola zempi lapho esengena emasangweni akho njengabantu abangena edolobheni elilemiduli efohliweyo.

UHezekhiyeli 26:10 ပူးပေါင်းရင်းမြစ်များ

UJeremiya 39:3

Kwathi iJerusalema selithunjiwe, zonke izikhulu zenkosi yaseBabiloni zeza zahlala esangweni eliphakathi, uNerigali‐Sharezi, loSamiganebo, loSarisekimi induna yabathenwa, loNerigali‐Sharezi induna yamabutho, lazo zonke ezinye induna zenkosi yaseBabiloni.

UJeremiya 4:13

Khangela, umufo uyeza njengamayezi, inqola zakhe zokulwa zinjengesivunguzane, lamabhiza akhe alejubane kulokhozi. Maye babo, ngoba sichithekile!

UJeremiya 47:3

Ngomsindo wokugidiza kwamasondo amabhiza akhe, langomdumo wenqola zakhe zempi, langomdumo wamasondo azo, oyise kabanyemukuli abantwana babo ngenxa yobuthakathaka babo,

UHezekhiyeli 23:24

Bazakuza kuwe bevela ngasenyakatho belenqola zokulwa lezinqola zokuthwala impahla, lexuku labantu, bakuhanqe indawo zonke belamahawu lezihlangu lengowane; ngizabanika amandla okuthonisisa, bazakukuthonisisa ngezabo indlela zokuthonisa.

UHezekhiyeli 26:15

INkosi uNkulunkulu ithi kulo iTire: Kawayikuthuthumela yini amazwe angasolwandle ngomdumo wokuwa kwakho, lapho abagwaziweyo bebubula labafayo besifa phakathi kwakho na?

UHezekhiyeli 26:7

INkosi uNkulunkulu ithi: Ngizaletha eTire uNebukadineza inkosi yaseBabiloni, ivela enyakatho, eyinkosi yamakhosi, elamabhiza lenqola zokulwa, labagadi bamabhiza, lexuku elikhulu lamabutho.

UHezekhiyeli 26:9

Uzaqondisa izigodo zakhe zokudiliza emidulini yakho, adilizele phansi inqaba zakho ngamahloka akhe.

UHezekhiyeli 27:28

Ngelizwi lokukhala kwabaqondisi bakho ilizwe lonke liyathuthumela.

UJoshuwa 6:20

Ngakho abantu basebememeza, kwakhaliswa lempondo. Kwathi abantu besizwa ukukhala kwempondo bamemeza kakhulu, umduli wadilikela phansi, labantu bangena phakathi komuzi, yilowo lalowo eqonda phambili nje, bawuthumba umuzi.

UJoshuwa 6:5

Lapho bekhalisa kakhulu impondo zenqama, lingawezwa amazwi azo, abantu kabamemeze kakhulu, umduli womuzi uzadilikela phansi; abantu bazangena, kube yilowo lalowo aqonde phambili nje.