UHezekhiyeli 25:7 - iBhayibhili Elingcwele 1978

⁷ ngalokho ngizakukuphakamisela isandla sami, ngikunikele ube yimpango yezizwe, ngikukhuphe ezizweni, ngikuqede kuwo wonke amazwe, ngikuchithe nya. Ng’khona uzakwazi ukuba ngiyiNkosi.

IBhayibhili Elingcwele LesiNdebele

⁷ ngakho ngizakwelula isandla sami ngimelane lani, ngilinikele ezizweni. Ngizaliqeda du phakathi kwezizwe, ngibuye ngilisuse emazweni enu. Ngizaliqothula, njalo lizakwazi ukuthi nginguThixo.’ ”

UHezekhiyeli 25:7 ပူးပေါင်းရင်းမြစ်များ

U-Isaya 33:4

njengezintethe ezinengi zifika ziqede konke, ngokunjalo abantu baqeda zonke impahla zezizwe zibe yimpango.

UJeremiya 49:2

Ngakhoke insuku ziyeza, kutsho iNkosi, lapho ngizakwenza ukuba kuhlatshwe umkhosi wempi ngeRaba elamaAmoni. Lizachitheka, lemizi yalo itshiswe ngomlilo; loIsrayeli alithathe futhi ilizwi lakhe kulabo abamamukayo, kutsho iNkosi.

Izililo 1:14

Iziphambeko zami zabotshelwa kimi, isandla sayo sazithandela kimi. Ijogwe layo lafakwa entanyeni yami, ngaphela amandla ngenxa yobunzima balo. INkosi yangiyekelela kilo, ngahluleka ukuma.

UHezekhiyeli 14:9

Uba umprofethi ekhohliseka, akhulume ilizwi, mina Nkosi ngimkhohlisile lowomprofethi; ngizaphakamisela isandla sami, ngimbhubhise phakathi kwabantu bami uIsrayeli.

UHezekhiyeli 21:31

ngehlisele ukuthukuthela kwami phezu kwakho, ngikuthungele ngomlilo wolaka lwami, ngikunikele ezandleni zabantu abalolunya, abakwaziyo ukubulala.

UHezekhiyeli 21:32

Uzakuba zinkuni zomlilo, legazi lakho lichithekele phakathi kwezizwe, ungabe usakhunjulwa; ngoba mina Nkosi ngikhulumile.

UHezekhiyeli 25:10

Ngizanikela iMowabi lamaAmoni ebantwini basempumalanga ukuwabusa, ukuba amaAmoni angabe esakhunjulwa futhi phakathi kwezizwe,

UHezekhiyeli 25:13

ngalokho iNkosi uNkulunkulu ithi: Ngizaphakamisela isandla sami ngakilo iEdoma, ngiqede kilo abantu lezinyamazana, ngilenze libe yinkangala; kusukela eTemani kuze kufike eDedani bazabulawa yimpi.

UHezekhiyeli 25:16

ngalokho, kutsho iNkosi uNkulunkulu, ngizaphakamisela isandla sami ngakuwo amaFilistiya, ngichithe abaseKerethi, ngibhubhise labo bonke abangasolwandle.

UHezekhiyeli 26:5

Lizakuba yindawo yokuchayela amambule phakathi kolwandle, ngoba ngikhulumile, kutsho iNkosi uNkulunkulu. Lizakuba yimpango yezizwe,

UHezekhiyeli 35:3

uthi kuyo: INkosi uNkulunkulu ithi: Ngimelene lawe, wena ntaba yaseSeyiri, ngizakukuphakamisela isandla sami, ngikuchithe ube yinkangala.

UHezekhiyeli 6:14

Ngizabaphakamisela isandla sami, ngilichithe ilizwe liphele, kuzo zonke indawo abahlala kuzo, kusukela enkangala kuze kufike eRibila. Ng’khonake bezakwazi ukuba ngiyiNkosi.

UZefaniya 1:4

Ngizaphakamisela isandla sami phezu kukaJuda laphezu kwabo bonke abakhileyo eJerusalema, ngiqede konke okuseleyo kukaBali kulindawo lebizo labapristi bezithombe,