UHezekhiyeli 25:13 - iBhayibhili Elingcwele 1978

¹³ ngalokho iNkosi uNkulunkulu ithi: Ngizaphakamisela isandla sami ngakilo iEdoma, ngiqede kilo abantu lezinyamazana, ngilenze libe yinkangala; kusukela eTemani kuze kufike eDedani bazabulawa yimpi.

IBhayibhili Elingcwele LesiNdebele

¹³ ngakho nanku okutshiwo nguThixo Wobukhosi: Ngizakwelula isandla sami ngimelane le-Edomi ngibulale abantu bayo kanye lezifuyo. Ngizayichitha, njalo kusukela eThemani kusiya eDedani, bazabulawa ngenkemba.

UHezekhiyeli 25:13 ပူးပေါင်းရင်းမြစ်များ

UGenesisi 36:11

Amadodana kaElifazi ayengoTemani loOmari loZefo loGatama loKenazi.

UGenesisi 36:34

UJobabi wafa, loHushama owaselizweni lamaTemani waba yinkosi esikhundleni sakhe.

UGenesisi 6:7

INkosi yathi: Ngizabachitha abantu engabadalayo ngibasuse emhlabeni, yebo abantu, lezilo, lokuhuquzelayo, lenyoni zaphezulu; ngoba sengizisola ngokuthi ngibenzile.

AmaHubo 138:7

Loba ngihamba phakathi kwenhlupheko, wena uyalondoloza ukuphila kwami; umelana lezitha zami ezilolaka, lesandla sakho sokunene siyangikhulula.

UJeremiya 25:23

eDedani leTema leBuzi, labo bonke abagela inwele zabo emaceleni,

UJeremiya 49:13

Ngoba ngizifungile mina uqobo, kutsho iNkosi, ukuba iBozira lizakuba yinto eyesabekayo, into yokuhlekwa, lenkangala, lento yokuthukwa, lemizi yalo yonke izahlala iyinkangela kokuphela.

UJeremiya 49:20

Ngakho, zwanini icebo iNkosi elenzayo ngeEdoma, lemikhumbulo elayo ngabantu abahlala eTemani ukuthi: Abancinyane bomhlambi bazadonswa basuswe; lendawo yabo imangale ngokuphela kwabo.

UJeremiya 7:20

Ngakhoke iNkosi uNkulunkulu ithi: Ukuthukuthela kwami lolaka lwami kuzakwehlela kulindawo, phezu kwabantu lenyamazana, laphezu kwezihlahla zeganga lezithelo zomhlabathi. Kuzakutsha, kungacimeki.

UHezekhiyeli 14:13

Ndoda, lapho ilizwe lisona kimi ngokwenza okubi, mina ngizaphakamisela isandla sami kulo, nginciphise ukudla kwalo kwensuku zonke, ngilehlisele indlala, ngiqede kulo abantu lezinyamazana.

UHezekhiyeli 14:17

Uba ngisehlisela ukulwa kulelolizwe ngithi: Impi kayidabule phakathi kwelizwe, iqede kulo abantu lezinyamazana,

UHezekhiyeli 14:8

Ngizamelana lalabobantu, ngibenze babe yizibonakaliso leziga, ngibakhuphe ebantwini bami; lizakwazi ukuba ngiyiNkosi.

UHezekhiyeli 25:16

ngalokho, kutsho iNkosi uNkulunkulu, ngizaphakamisela isandla sami ngakuwo amaFilistiya, ngichithe abaseKerethi, ngibhubhise labo bonke abangasolwandle.

UHezekhiyeli 25:7

ngalokho ngizakukuphakamisela isandla sami, ngikunikele ube yimpango yezizwe, ngikukhuphe ezizweni, ngikuqede kuwo wonke amazwe, ngikuchithe nya. Ng’khona uzakwazi ukuba ngiyiNkosi.

UHezekhiyeli 27:15

Abantu baseRodesi bathengiselana lawe, lamazwe amanengi angasolwandle ayezindawo zakho zokuthengisela; bakuhlawula ngempondo zendlovu, langesihlahla esithiwa yieboni.

UHezekhiyeli 27:20

IDedani lathengiselana lawe ngamalembu amahle ezihlalo zokugada.

UHezekhiyeli 29:8

Ngakhoke iNkosi uNkulunkulu ithi: Ngizakukulethela impi, ngiqede phakathi kwakho abantu lezinyamazana;

UHezekhiyeli 32:29

IEdoma likhona lapho, kanye lamakhosi lezikhulu zalo, loba babelamandla balaliswe kanye lalabo ababuleweyo empini, belele labangasokanga labehlela phansi egodini.

UHezekhiyeli 35:3

uthi kuyo: INkosi uNkulunkulu ithi: Ngimelene lawe, wena ntaba yaseSeyiri, ngizakukuphakamisela isandla sami, ngikuchithe ube yinkangala.

UHezekhiyeli 35:9

Ngizakukwenza ube yinkangala engelakuphela, kungahlali muntu emizini yakho. Ng’khona uzakwazi ukuba ngiyiNkosi.

UHezekhiyeli 38:13

ISheba leDedani labathengisi baseTarshishi layo yonke imizi yalo bazakuthi kuwe: Uzile yini ukuthatha impango na? Ubuthanisile izimpi zakho ukuthumba impango, uthathe isiliva legolide, uthathe inkomo lempahla, uthumbe impango enengi na?

uAmosi 1:12

Ngakho ngizathumela umlilo phezu kweTemani ozakuqeda izinqaba zaseBozira.

uObadiya 1:9

Amaqhawe akho, Temani, azatshaywa luvalo, ukuze lowo lalowo abulawe entabeni kaEsawu.

UHabhakhukhi 3:3

UNkulunkulu wavela eTemani, oNgcwele wavela entabeni yaseParani. Inkazimulo yakhe yasibekela amazulu, umhlaba wagcwala indumiso yakhe.