UHezekhiyeli 24:27 - iBhayibhili Elingcwele 1978

²⁷ Ngalolosuku umlomo wakho uzavuleka kophunyukileyo, ukhulume laye, ungabe usaba yisimungulu, ube yisibonakaliso ebantwini; bazakwazi ukuba ngiyiNkosi.

IBhayibhili Elingcwele LesiNdebele

²⁷ Ngalesosikhathi umlomo wakho uzavuleka; uzakhuluma laye njalo kawuyikuthula futhi. Ngakho uzakuba yisibonakaliso kubo, njalo bazakwazi ukuthi nginguThixo.”

UHezekhiyeli 24:27 ပူးပေါင်းရင်းမြစ်များ

AmaHubo 51:15

Nkulunkulu, vula indebe zami ukuze umlomo wami ukudumise.

UHezekhiyeli 25:1

Ilizwi leNkosi lafika kimi lathi:

UHezekhiyeli 29:21

Ngalolosuku ngizakhupha amahlumela amatsha koIsrayeli, ngikunike, wena Hezekeli, amandla okukhuluma phakathi kwabo. Bazakwazi ukuba ngiyiNkosi.

UHezekhiyeli 33:22

Isandla seNkosi sasiphezu kwami kusihlwa kungakafiki ophunyukileyo; yavula umlomo wami ngesikhathi lowomuntu engakafiki kimi ekuseni. Umlomo wami wavuleka, angabe ngisaba yisimungulu.

UHezekhiyeli 4:3

Uthathe umganu wensimbi, uwumise phakathi kwakho lomuzi, ube ngumduli wensimbi; wena ukhangele ngakuwo umuzi, umuzi ube ngovinjezelweyo, wena ube ngumvimbezeli. Lokhu kuzakuba yisibonakaliso kwabakoIsrayeli.

UDanyeli 10:15

Esekhulumile kimi lawomazwi, ngakhangelisa ubuso bami phansi, ngaba yisimungulu.

ULukha 21:15

ngoba mina ngizakulinika umlomo lokuhlakanipha abangemelane lakho, bakuphike, bonke abayizitha zenu.

Abase-Efesu 6:19

Linginxusele lami ukuba ngiphiwe ilizwi, nxa ngivula umlomo wami, ukuze ngitshumayele ngesibindi imfihlakalo yevangeli,