UHezekhiyeli 23:49 - iBhayibhili Elingcwele 1978

⁴⁹ Amanyala enu azaphindiselwa phezu kwenu, lithwale umvuzo wokuwula kwenu okubi. Lizakwazi ukuba ngiyiNkosi uNkulunkulu.

IBhayibhili Elingcwele LesiNdebele

⁴⁹ Lizajeziselwa ukuxhwala kwenu njalo lithwale lemivuzo yezono zenu zokukhonza izithombe. Lapho-ke lizakwazi ukuthi mina nginguThixo Wobukhosi.”

UHezekhiyeli 23:49 ပူးပေါင်းရင်းမြစ်များ

AmaHubo 9:16

INkosi izibonakalisile, yahlulela; ababi bathiywe emsebenzini wezandla zabo.

U-Isaya 59:18

Izakuphindisela njengokwenza kwabo, yehlisela ulaka ezitheni zayo, impindiselo kwabamelana layo; izakuphindisela lakuwo amazwe angasolwandle.

UHezekhiyeli 11:21

Kodwa labo abanhliziyo zabo zithanda okunengisayo kwabo lamanyala abo, ngizaphindisela izenzo zabo phezu kwabo, kutsho iNkosi uNkulunkulu.

UHezekhiyeli 16:43

Ngoba ungakhumbulanga insuku zobutsha bakho, kodwa ungithukuthelisile ngazo zonke lezizinto, ngizaphindisela izenzo zakho phezu kwakho, kutsho iNkosi uNkulunkulu. Kawuzenzanga lezizinengiso kanye lawo wonke amanye amanyala akho na?

UHezekhiyeli 16:58

Ufanele ukuthwala umvuzo wobubi bakho lamanyala akho, kutsho iNkosi.

UHezekhiyeli 20:38

ngikhuphe phakathi kwenu abahlamukayo labo bonke abonayo kimi, ngibakhuphe elizweni abahlala kilo, kodwa kabayikungena elizweni lakoIsrayeli. Ng’khona lizakwazi ukuba ngiyiNkosi.

UHezekhiyeli 20:42

Lizakwazi ukuba ngiyiNkosi lapho sengilibuyise elizweni lakoIsrayeli, ilizwe engafunga ukulinika okhokho benu.

UHezekhiyeli 20:44

Lizakwazi ukuba ngiyiNkosi nxa ngiliphatha ngenxa yebizo lami, ngingaliphathi ngokwendlela zenu ezimbi langokwezenzo zenu ezimbi, lina bakoIsrayeli, kutsho iNkosi uNkulunkulu.

UHezekhiyeli 22:31

Ngalokho ngehlisele ukuthukuthela kwami phezu kwabo, ngabaqeda ngomlilo wolaka lwami, ngaphindisela indlela yabo kibo, kutsho iNkosi uNkulunkulu.

UHezekhiyeli 23:35

Ngalokho iNkosi uNkulunkulu ithi: Ngoba ungikhohliwe, wangilahla nyovane, thwala umvuzo wamanyala akho lokuwula kwakho.

UHezekhiyeli 23:48

Ngokunjalo ngizaqeda amanyala elizweni ukuze bonke abesifazana baxwayiseke, bangenzi amanyala njengani.

UHezekhiyeli 24:1

Ngomnyaka wesificamunwemunye, ngosuku lwetshumi enyangeni yetshumi, ilizwi leNkosi lafika kimi lathi:

UHezekhiyeli 25:5

Ngizakwenza iRaba libe lidlelo lamakamela, lemizi yamaAmoni ibe yisibaya semihlambi. Ng’khona lizakwazi ukuthi ngiyiNkosi.

UHezekhiyeli 6:7

Nxa abantu bebulawa phakathi kwenu, lizakwazi ukuba ngiyiNkosi.

UHezekhiyeli 7:4

Kangiyikuliyekela, kangiyikulihawukela, kodwa ngizalitshaya ngenxa yezindlela zenu lapho amanyala enu esephakathi kwenu. Ng’khona lizakwazi ukuba ngiyiNkosi.

UHezekhiyeli 7:9

Kangiyikuliyekela, kangiyikulihawukela, kodwa ngizalitshaya ngenxa yezenzo zenu langamanyala enu asesephakathi kwenu. Ng’khona lizakwazi ukuba ngiyiNkosi etshayayo.

UHezekhiyeli 9:10

Lamike kangiyikubayekela, kangiyikuba lesihawu, kodwa ngizakwehlisela izenzo zabo phezu kwabo.