UHezekhiyeli 23:37 - iBhayibhili Elingcwele 1978

³⁷ Ngoba bafebile, lezandla zabo zigcwele igazi. Bafebile lezithombe zabo, banikela kuzo lamadodana abangizalele wona abe yikudla kwazo.

IBhayibhili Elingcwele LesiNdebele

³⁷ ngoba benze ubufebe njalo lezandla zabo zilegazi. Bafeba lezithombe zabo; banikela labantwana babo ababengizalele bona, njengokudla kuzo.

UHezekhiyeli 23:37 ပူးပေါင်းရင်းမြစ်များ

2 AmaKhosi 17:17

Batshisa amadodana lamadodakazi abo abe yiminikelo, bavumisa bathakatha, bazinikela ekwenzeni okubi phambi kweNkosi beyithukuthelisa.

2 AmaKhosi 21:6

Watshisa umntanakhe waba ngumnikelo, wavumisa, wenza imilingo, wasebenza labalamadlozi labathakathi. Wenza okubi kakhulu phambi kweNkosi waze wayithukuthelisa.

2 AmaKhosi 23:10

Wangcolisa iTofethi elisesihotsheni saseBeni‐Hinomu ukuze kungabi khona umuntu otshisa indodana yakhe kumbe indodakazi yakhe ibe ngumnikelo kunkulunkulu uMoloki.

2 AmaKhosi 24:4

langenxa yegazi elingelacala alichithayo: wagcwalisa iJerusalema ngegazi elingelacala, iNkosi yayingamthetheleli.

U-Isaya 1:15

Lapho liselulela izandla zenu kimi, ngizalifihlela amehlo ami; lanxa lisenza imikhuleko eminengi, kangiyikuyilalela; izandla zenu zigcwele igazi.

UJeremiya 32:35

Bakha indawo eziphakemeyo zikaBali esihotsheni seBeni‐Hinomu, ukuba banikele amadodana lamadodakazi awo kuNkulunkulu uMoloki, into engingabalayanga yona lengafikanga engqondweni yami, ukuba benze uJuda one.

UJeremiya 7:31

Bakhile indawo ephakemeyo yokukhonzela eTofethi, esesihotsheni seBeni‐Hinomu, ukuba batshise amadodana lamadodakazi abo ngomlilo, into engingabalayanga yona lengingacabanganga ngayo.

UJeremiya 7:6

uba lingacindezeli owezizweni, lentandane, lomfelwakazi, lingachithi igazi elingelacala, lingakhonzi abanye onkulunkulu ukuba lizilimaze ngalokho,

UJeremiya 7:9

Lizakweba, libulale, lifebe, lifunge amanga, litshisele uBali impepha, likhonze abanye onkulunkulu elingabaziyo,

UHezekhiyeli 16:32

Waba ngumfazi oliwule, ongenisa izihambi endaweni yendoda yakhe.

UHezekhiyeli 16:36

INkosi uNkulunkulu ithi: Njengoba unqunule, kwabonwa ubunqunu bakho lapho uwula lezithandwa zakho, langenxa yazo zonke izithombe zakho, langenxa yegazi labantwana bakho olinike zona,

UHezekhiyeli 16:38

Ngizakukuthonisisa njengabesifazana abafebayo lababulalayo, ngehlisele phezu kwakho igazi elachithwayo ngenxa yokuthukuthela lomona.

UHezekhiyeli 16:45

Wena uyindodakazi eqotho kanyoko owayesenyanya indoda yakhe labantwana bakhe; ungudade oqotho wabodadewenu ababesenyanya amadoda abo labantwana babo. Unyoko wayengumHethi loyihlo wayengumAmori.

UHezekhiyeli 20:26

ngabayekela ukuba bazingcolise ngeminikelo yabo uqobo, lokuba banikele ngamazibulo abo wonke ngokuwatshisa ngomlilo ukuze ngibesabise. Ngakwenza lokho ukuba bazi ukuba ngiyiNkosi.

UHezekhiyeli 20:31

Lapho linikela iminikelo yenu, linikela abantwana benu ngokubatshisa ngomlilo, liyazingcolisa ngezithombe zenu zonke kuze kube lamhla. Ngizabuzwa yini, Israyeli na? Ngiyazifunga, kutsho iNkosi uNkulunkulu, kangiyikubuzwa yini.

UHezekhiyeli 23:39

Ngoba ekubulaleni abantwana babo ukuba babe ngumhlatshelo wezithombe zabo, bangena endlini yami engcwele bayingcolise. Yikho lokho abakwenza endlini yami.

UHezekhiyeli 23:45

Kodwa abantu abalungileyo bazabathonisisa, babagwebe ngesigwebo esifanele isifebekazi, langesigwebo esifanele abesifazana abachitha igazi; ngoba beyizifebekazi, lezandla zabo zigcwele igazi.

UHosiya 1:2

Lapho iNkosi iqalisa ukukhuluma ngoHoseya yathi kuye: Hamba uyethatha umfazi oliwule, uzale abantwana bokuwulwa; ngoba ilizwe leli liyawula kakhulu ngokudela iNkosi.

UHosiya 3:1

INkosi yathi kimi: Hamba futhi, uthande owesifazana othandwa yisithandwa sakhe loyisifebe, njengoba iNkosi ithanda abakoIsrayeli, lanxa bephendukela kwabanye onkulunkulu, bethanda izinkwa zezithelo ezomisiweyo zevini ezinikelwa ezithombeni.

UHosiya 4:2

Kukhona ukwaphulwa kwezifungo, lokuqamba amanga, lokubulala, lokweba, lokufeba; baqhubeka ngokwenza okubi, lamacala egazi ayalandelana.

ULevi 18:21

Ungavumi ukuba abantwana bakho banikelwe kunkulunkulu uMoloki, ukuba uhlambaze ibizo likaNkulunkulu wakho. NgiyiNkosi.

UMikha 3:10

elakha iZiyone ngegazi, leJerusalema ngobubi.

ULukha 13:34

Hawu Jerusalema, Jerusalema, wena obulala abaprofethi, obakhanda ngamatshe labo abathunywe kuwe! Bengithanda kangakanani ukubuthela ndawonye abantwana bakho njengesikhukhukazi sibuthela amatsiyane aso ngaphansi kwamaphiko aso; kodwa kalivumanga.

UDutheronomi 12:31

Kaliyikwenza njalo eNkosini uNkulunkulu wenu; ngoba zonke izinto ezinengekayo eNkosini ezizondwa yiyo zizenzele onkulunkulu bazo; futhi zitshisela onkulunkulu bazo amadodana lamadodakazi azo ngomlilo.