UHezekhiyeli 23:32 - iBhayibhili Elingcwele 1978

³² INkosi uNkulunkulu ithi: Uzanatha inkezo kadadewenu ezikileyo lebanzi; uzahlekwa ube yinhlekisa, ngoba igcwele okunengi;

IBhayibhili Elingcwele LesiNdebele

³² Nanku okutshiwo nguThixo Wobukhosi: Uzanatha inkezo kadadewenu, inkezo enkulu ezikileyo futhi; izaletha ukuhlekwa lokuklolodelwa, ngoba ithwele lukhulu.

UHezekhiyeli 23:32 ပူးပေါင်းရင်းမြစ်များ

1 AmaKhosi 9:7

ngizakumqeda uIsrayeli elizweni engimnike lona, lendlu engiyahlukanisele ibizo lami ngizayichitha phambi kwami, uIsrayeli abe yisiga lento yokuhaywa phakathi kwezizwe zonke.

AmaHubo 44:13

Usenze saba lihlazo kwabakhelene lathi, inhlekisa lendumazo kwabasiphahlileyo.

AmaHubo 60:3

Abantu bakho ubazwise izinto ezinzima; usinathise iwayini elisenza sidayizele.

AmaHubo 79:3

Balichithile igazi labantu bakho njengamanzi ezindaweni zonke zaseJerusalema; kakubanga khona obangcwabayo.

U-Isaya 51:17

Vuka, vuka, usukume, wena Jerusalema, wena onathileyo esandleni seNkosi inkezo yolaka lwayo, wayinatha wayiminya, weze wasala eyendezela.

UJeremiya 25:9

ngizabiza izizwe zasenyakatho, kutsho iNkosi, loNebukadineza inkosi yaseBabiloni inceku yami, ngizilethe kulelilizwe lakwabakhileyo kulo, lakuzo zonke izizwe eziseduze lalo, ngibabhubhise, ngibenze babe yinto eyesabekayo, into yokuncifelwa, lehlazo elingapheliyo.

UJeremiya 48:26

Mdakiseni, ngoba ezikhukhumezile eNkosini; iMowabi lizazibhixa emahlanzweni alo, libe yinhlekisa.

UHezekhiyeli 16:57

kungabonakali ububi bakho na? Khathesike usuphenduke waba njengalo, usuyinto yokuthukwa ngamadodakazi aseEdoma labo bonke abakhelene lalo, lamadodakazi aseFilistiya, abakuhanqileyo labakuzondayo.

UHezekhiyeli 25:6

INkosi uNkulunkulu ithi: Ngoba uqakezile izandla zakho, wagida ngenyawo zakho, wathokoza ugcwele umona ngelizwe lakoIsrayeli,

UHezekhiyeli 26:2

Ndoda, iTire litshilo ngeJerusalema ukuthi: Iya! isango lezizwe selidilikile, langivulekela, sengizakunotha lokhu selichithekile.

UHezekhiyeli 35:15

Njengoba lathokoza ngelizwe lami uIsrayeli ngoba lachitheka, ngizakwenza njalo kuwe, uzachitheka, wena ntaba yaseSeyiri, lalo lonke iEdoma. Ng’khona bazakwazi ukuba ngiyiNkosi.

UHezekhiyeli 36:3

ngalokhoke tshumayela uthi: INkosi uNkulunkulu ithi: Ngoba abantu abalihanqileyo balichitha, balichoboza laze lanqotshwa langezinye izizwe, laba yingxoxo lokunyeya okubi kwabantu.

UHezekhiyeli 5:14

Futhi ngizalichitha, ngilenze libe lihlazo phakathi kwezizwe eziliphahlileyo lakubo bonke abadlulayo.

UHezekhiyeli 5:15

Lizakuba lihlazo lenhlekisa lesixwayiso lento eyesabekayo ezizweni eziliphahlileyo nxa ngilijezisa ngokuthukuthela langokufutheka, ngilitshaya ngokubuhlungu; mina Nkosi ngikhulumile.

UHosiya 7:16

Baphendukela kuBali, banjengedandili elixegayo, ababusi babo bazabulawa ngomkhonto ngenxa yokuziphakamisa kwabo. Lokhu kuzakuba yinhlekisa ngabo elizweni laseGibithe.

UMikha 7:8

Ungathokozi ngami, sitha sami, ngoba lapho ngisiwa, ngizakuvuka; lapho ngihlezi emnyameni, iNkosi izakuba yikukhanya kwami.

UDutheronomi 28:37

Lizakuba yinto eyesabekayo, lesiga, lehlazo phakathi kwabantu bonke lapho iNkosi izakulisa khona.

Isambulo 16:19

Umuzi omkhulu waba yiziqamu ezintathu, lemizi yabezizwe yawa; uNkulunkulu wakhumbula leBabiloni elikhulu ukuba alenze linathe inkezo egcwaliswe ngewayini lolaka lwakhe.

Isambulo 18:6

Phindiselani kulo njengokwenza kwalo, liphinde kabili okwemisebenzi yalo; liphinde kabili amandla enkezo exutshwe yilo.