UHezekhiyeli 23:27 - iBhayibhili Elingcwele 1978

²⁷ Ngokunjalo ngizaqeda amanyala akho lokuwula kwakho owasuka lakho eGibithe, ukuze ungabe usakhanuka amaGibithe futhi, uwakhumbule.

IBhayibhili Elingcwele LesiNdebele

²⁷ Kanjalo-ke ngizaqeda isagweba lobufebe owabuqalisela eGibhithe. Kawuyikukhangela lezizinto uzikhanuke loba ukhumbule iGibhithe futhi.

UHezekhiyeli 23:27 ပူးပေါင်းရင်းမြစ်များ

U-Isaya 27:9

Ngalokhu uJakobe uzathethelelwa okubi kwakhe; lokhu kuzakuba yisibonakaliso sokususwa kwesono sakhe, lapho esenza ukuba wonke amatshe ealtare avuthuzeke njengekalaga, kungabe kusamiswa insika ezimiselwe unkulunkulukazi uAshera lama‐altare empepha.

UHezekhiyeli 16:41

Zizatshisa izindlu zakho, zikuthonisise phambi kwabesifazana abanengi. Ngizakukhawulisa ukuwula ungabe usanika izithandwa zakho inkokhelo.

UHezekhiyeli 22:15

Ngizakukuchithachitha phakathi kwezizwe, ngikuhlakazele emazweni, ngiqede ukungcola kwakho konke kuwe.

UHezekhiyeli 23:19

Kodwa wandisa ukuwula kwakhe, wakhumbula insuku zobutsha bakhe ezokuwula kwakhe elizweni laseGibithe,

UHezekhiyeli 23:3

Bawula eGibithe, bawula ebutsheni babo, babanjwa amabele abo lamathangazi abo.

UHezekhiyeli 24:11

Ubusuyibeka phezu kwamalahle ingelalutho, ukuba itshise, kutshe ithusi layo, kuncibilike ingcekeza yayo, kuphele lokuthomba kwayo.

UHosiya 6:9

Njengabaphangi becathamele umuntu, abapristi bayabuthana ukubulala abantu endleleni eya endaweni engcwele eShekema. yebo, benza okubi.

UZakhariya 13:2

Kuzakuthi ngalolosuku, kutsho iNkosi yamabandla, ngiqede amabizo ezithombe elizweni, zingabe zisakhunjulwa futhi; ngizaqeda labaprofethi lomoya ongcolileyo.