UHezekhiyeli 23:24 - iBhayibhili Elingcwele 1978

²⁴ Bazakuza kuwe bevela ngasenyakatho belenqola zokulwa lezinqola zokuthwala impahla, lexuku labantu, bakuhanqe indawo zonke belamahawu lezihlangu lengowane; ngizabanika amandla okuthonisisa, bazakukuthonisisa ngezabo indlela zokuthonisa.

IBhayibhili Elingcwele LesiNdebele

²⁴ Bazakuzakuhlasela ngezikhali, izinqola zempi lezinqola zokuthwala, njalo belexuku elikhulu labantu; bazaviva ukulwa lawe emaceleni wonke belamahawu amakhulu lamancane njalo belezingowane. Ngizakunikela kubo ukuba bakujezise, njalo bazakujezisa ngokumayelana lemithetho yabo.

UHezekhiyeli 23:24 ပူးပေါင်းရင်းမြစ်များ

2 USamuyeli 24:14

UDavida wasesithi kuGadi: Ngisebunzimeni obukhulu; kungcono ukuba ngiwele esandleni seNkosi, ngoba umusa wayo mkhulu, kulokuba ngiwele esandleni somuntu.

UJeremiya 47:3

Ngomsindo wokugidiza kwamasondo amabhiza akhe, langomdumo wenqola zakhe zempi, langomdumo wamasondo azo, oyise kabanyemukuli abantwana babo ngenxa yobuthakathaka babo,

UJeremiya 52:11

Yamkhupha amehlo uZedekiya, yambopha ngamaketane, yamusa eBabiloni, yamfaka entolongweni, kwaze kwaba lusuku lokufa kwakhe.

UJeremiya 52:9

Basebeyibamba inkosi, bayiletha enkosini yaseBabiloni eRibila elizweni laseHamathi, yamgweba khona.

UHezekhiyeli 16:38

Ngizakukuthonisisa njengabesifazana abafebayo lababulalayo, ngehlisele phezu kwakho igazi elachithwayo ngenxa yokuthukuthela lomona.

UHezekhiyeli 21:23

Ebantwini kuzakhanya kuyikuvumisa kwamanga, kanti kuzangikhumbuza izenzo zabo ezimbi, bazawela ezandleni zezitha zabo.

UHezekhiyeli 23:45

Kodwa abantu abalungileyo bazabathonisisa, babagwebe ngesigwebo esifanele isifebekazi, langesigwebo esifanele abesifazana abachitha igazi; ngoba beyizifebekazi, lezandla zabo zigcwele igazi.

UHezekhiyeli 26:10

Ngenxa yobunengi bamabhiza akhe uthuli lwawo luzakukusibekela, lemiduli yakho izanyikinywa ngumsindo wabagadi bamabhiza lowezinqola zokulwa, nxa engena emasangweni akho njengomuntu ofohlela emzini.

UHezekhiyeli 26:7

INkosi uNkulunkulu ithi: Ngizaletha eTire uNebukadineza inkosi yaseBabiloni, ivela enyakatho, eyinkosi yamakhosi, elamabhiza lenqola zokulwa, labagadi bamabhiza, lexuku elikhulu lamabutho.