UHezekhiyeli 22:25 - iBhayibhili Elingcwele 1978

²⁵ Izikhulu eziphakathi kwalo zifana lezilwane ezibhongayo leziphangayo; zibadlile abantu; zathatha inotho lezinto eziligugu; zenza abanengi baba ngabafelwakazi phakathi kwalo.

IBhayibhili Elingcwele LesiNdebele

²⁵ Kulokucetshwa kwamacebo amabi ngamakhosana alo phakathi kwalo njengesilwane esibhongayo sidlithiza esikubuleleyo; adla abantu, athathe inotho kanye lezinto eziligugu, andise labafelokazi phakathi kwalo.

UHezekhiyeli 22:25 ပူးပေါင်းရင်းမြစ်များ

1 AmaKhosi 22:23

Ngakhoke iNkosi ifakile umoya wokuqamba amanga emilonyeni yalabaprofethi bakho, ngoba iNkosi ikumisele okubi.

U-Isaya 56:11

Banjengezinja eziyizihwaba, ezingasuthiyo; yebo, bangabelusi abangaziyo; bonke bazenzela abakuthandayo, kube yilowo lalowo enanzelela eyakhe inzuzo.

UJeremiya 11:9

INkosi yabuya yathi kimi: Kukhona ukuhlamuka phakathi kwabantu bakoJuda labakhileyo eJerusalema.

UJeremiya 15:8

Ngandisile abafelwakazi baba banengi ukwedlula itshebetshebe lolwandle, ngehlisela phezu kwabonina bamajaha umbulali emini; ngenza usizi lokwesaba kwehlela phezu kwabo bengananzeleli.

UJeremiya 18:21

Ngalokhoke nikela abantwana babo endlaleni, ubanikele ekubulaweni empini; abafazi babo balahlekelwe ngabantwana, babe ngabafelwakazi, lamadoda abo abulawe ngumkhuhlane, lamajaha abo abulawe empini.

UJeremiya 2:30

Kwaba yize ukubatshaya kwami abantwana benu, kabakwamukelanga ukulaywa. Umkhonto wenu ubadlile abaprofethi bakho njengesilwane esichithayo.

UJeremiya 2:34

Lasezigqokweni zakho kufunyanwa igazi labayanga abangelacala; kawubafumananga befohlela. Kanti kukho konke lokho uthi:

UJeremiya 23:14

Kubaprofethi baseJerusalema ngibone okwesabekayo; bayafeba, baqambe amanga, baqinisa izandla zalabo abenza okubi kungasuki muntu ebubini bakhe; bonke sebefana leSodoma kimi, labakhileyo khona bafana leGomora.

UJeremiya 6:13

Ngoba kusukela kwabancinyane babo kuze kufike kwabakhulu bonke bayizihwaba zenzuzo embi, labaprofethi labapristi bonke bayakhohlisa.

Izililo 2:14

Abaprofethi bakho babonile imibono engamanga leyinkohliso ngawe. Kabakuvezanga ukona kwakho ukuze babuyise inhlanhla yakho, kodwa babonile imibono yamanga leduhisayo ngawe.

Izililo 4:13

Kwakungenxa yezono zabaprofethi balo lobubi babapristi balo, ababechitha igazi labalungileyo phakathi kwalo.

UHezekhiyeli 13:19

Lingingcolisile phakathi kwabantu bami ngenxa yengcosana nje yebhali langezihletshana zezinkwa, labulala abantu abangafanelanga ukufa, layekela abantu abangafanelanga ukuphila ngamanga enu ebantwini bami abalalela amanga.

UHezekhiyeli 13:2

Ndoda, tshumayela ngabaprofethi bakoIsrayeli, uthi kulabo abatshumayelayo okwengqondo zabo: Zwanini ilizwi leNkosi.

UHezekhiyeli 22:7

Phakathi kwakho abazali benziwa inhlekisa, owezizweni uyacindezela phakathi kwakho, koniwe intandane lomfelwakazi.

UHezekhiyeli 34:2

Ndoda, tshumayela ngabelusi bakoIsrayeli, utshumayele uthi kibo: INkosi uNkulunkulu ithi: Maye kini, belusi bakoIsrayeli elizondlayo lina! Abelusi kabafanele ukwelusa izimvu na?

UHezekhiyeli 34:3

Liyadla amahwahwa, lizigqokise ngoboya, lihlabe ezinonileyo, kodwa lingazelusi izimvu.

UHosiya 6:9

Njengabaphangi becathamele umuntu, abapristi bayabuthana ukubulala abantu endleleni eya endaweni engcwele eShekema. yebo, benza okubi.

UMatewu 23:13

Maye kini babhali labaFarisi, bazenzisi! ngoba livalela abantu umbuso wezulu. Ngoba kalingeni lina, labangenayo kalibavumeli ukuba bangene.

UMakho 12:40

abadla izindlu zabafelwakazi, bekhuleka isikhathi eside ngokuzenzisa; laba bazakwamukeliswa ukulahlwa okukhulu.

ULukha 20:47

abadla izindlu zabafelwakazi, bekhuleka isikhathi eside ngokuzenzisa; laba bazakwamukeliswa ukulahlwa okukhulu.

Isambulo 13:11

Ngasengibona esinye isilo siphuma emhlabeni, silempondo ezimbili ezinjengezewundlu, sakhuluma njengomgobho.

Isambulo 13:15

Sanikwa futhi ukuba siwuphe umfanekiso wesilo umoya, ukuze ukhulume, senze ukuba bonke abangawukhonziyo babulawe.

Isambulo 17:6

Ngasengibona ukuba owesifazana edakwe ligazi labangcwele legazi labafela uJesu. Kuthe lapho ngimbona, ngamangala kakhulu.

Isambulo 18:13

amaxolo esihlahla esithiwa ikinamoni, lokulephunga elimnandi, lempepha, lemure, lamakha, lewayini, lamafutha, lempuphu ecolekileyo, lamabele; inkomo lezimvu, amabhiza, lezinqola, lezigqili, lemiphefumulo yabantu.