UHezekhiyeli 22:21 - iBhayibhili Elingcwele 1978

²¹ Ngizalibuthelela, ngilifuthe ngomlilo wokuthukuthela kwami, lincibilike phakathi komuzi.

IBhayibhili Elingcwele LesiNdebele

²¹ Ngizaliqoqa njalo ngizalivuthela ngolaka lwami oluvuthayo, njalo lizancibilikiswa phakathi kwalo.

UHezekhiyeli 22:21 ပူးပေါင်းရင်းမြစ်များ

2 AmaKhosi 25:9

Watshisa ithempeli lesigodlo senkosi lazo zonke izindlu zaseJerusalema.

AmaHubo 112:10

Omubi uyakubona lokhu, athukuthele; agedle amazinyo akhe, anyamalale; ukufisa komubi kuphelela ezeni.

AmaHubo 21:9

Uzakubabhubhisa njengomlilo ovuthayo ekufikeni kwakho. INkosi izakubaginya ekuthukutheleni kwayo, lomlilo uzakubaqothula.

AmaHubo 50:3

UNkulunkulu wethu uyeza, kayikuthula, phambi kwakhe kulomlilo oqothulayo, emaceleni akhe kulesiphepho esikhulu.

AmaHubo 68:2

Baphephethe njengentuthu; njengokuncibilika kwengcino phambi komlilo, ababi kabachithwe phambi komlilo, ababi kabachithwe phambi kukaNkulunkulu.

U-Isaya 30:33

Ngoba indawo yokutshisela kade yalungiswa, yalungiselwa inkosi yaseAsiriya; isilungile, legodi layo lenziwa latshona, laba banzi, lilomlilo lenkuni ezinengi; umphefumulo weNkosi unjengomlilo olesolufa, uyawuthungela.

U-Isaya 64:2

njengomlilo utshisa insaba, lalapho ubilisa amanzi, ukuze wazise izitha zakho ibizo lakho, uzenze zithuthumele phambi kwakho,

U-Isaya 64:7

Kakho okhuleka ebizweni lakho, lozamayo ukubambelela kuwe; ngoba usifihlele ubuso bakho, wasinikela ebubini bethu.

UJeremiya 21:12

lina ndlu kaDavida. INkosi ithi: Yenzani okulungileyo ekuseni, likhulule esandleni socindezelayo lowo ophangiweyo, funa ulaka lwami luvuthe njengomlilo, lutshise, kungabi khona olucimayo, ngenxa yezenzo zenu ezimbi.

UJeremiya 8:13

Bengithanda ukubabutha, kutsho iNkosi, kodwa kazikho izithelo evinini, lomkhiwa kawukho; ngitsho lamahlamvu abunile, lalokho engibanike khona kusukile kibo.

UJeremiya 9:7

Ngakhoke, iNkosi yamabandla ithi: Ngizabancibilikisa ngibahlole; ngoba kuyini okunye engingakwenza ngenxa yabantu bami?

UHezekhiyeli 21:31

ngehlisele ukuthukuthela kwami phezu kwakho, ngikuthungele ngomlilo wolaka lwami, ngikunikele ezandleni zabantu abalolunya, abakwaziyo ukubulala.

UNahume 1:6

Ngubani ongema phambi kwentukuthelo yayo na? Ngubani ongema ekuvutheni kolaka lwayo na? Ulaka lwayo luthululeka njengomlilo, lamadwala aqekezeke phambi kwayo.

UZefaniya 1:18

Isiliva sabo legolide labo kakuyikuba lamandla okubakhulula ngosuku lolaka lweNkosi. Wonke umhlaba uzakuqedwa ngumlilo wolaka lwayo lomona wayo; ngoba izakuqeda, yebo izabajuma ibaqede bonke abakhileyo elizweni.

UDutheronomi 29:20

INkosi kayiyikumthethelela, kodwa intukuthelo yayo lomhawu wayo kuzavutha kuye, zize zimehlele zonke iziqalekiso ezilotshiweyo ogwalweni lolu, iNkosi icitshe ibizo lakhe emhlabeni.

UDutheronomi 32:22

Ngoba umlilo usubasiwe ngentukuthelo yami, uyatshisa kuze kube senzikini yendawo yabafileyo; uqeda umhlaba lezithelo zawo, utshise izisekelo zezintaba.

UDutheronomi 4:24

Ngoba iNkosi uNkulunkulu wenu ingumlilo oqothulayo loNkulunkulu olomona.