UHezekhiyeli 22:15 - iBhayibhili Elingcwele 1978

¹⁵ Ngizakukuchithachitha phakathi kwezizwe, ngikuhlakazele emazweni, ngiqede ukungcola kwakho konke kuwe.

IBhayibhili Elingcwele LesiNdebele

¹⁵ Ngizakuhlakazela phakathi kwezizwe ngikuchithachithele emazweni; lokungcola kwakho ngizakuqeda.

UHezekhiyeli 22:15 ပူးပေါင်းရင်းမြစ်များ

UNehemiya 1:8

Khumbula ilizwi owalaya ngalo uMose inceku yakho usithi: Uba lingathembekanga, ngizalichithachithela ezizweni;

U-Isaya 1:25

Ngizaphakamisela isandla sami kuwe, ngitshise amanyele akho esithandweni somlilo, ngisuse yonke insimbi engelamsebenzi ekuwe.

UJeremiya 15:4

Ngizakubenza ukuba babe yinto eyesabekayo kuyo yonke imibuso yomhlaba, ngenxa yalokho okwenziwa eJerusalema nguManase indodana kaHezekiya, inkosi yakoJuda.

UHezekhiyeli 20:23

Ngafunga kibo futhi enkangala ukuthi ngizabachithachitha phakathi kwezizwe, ngibahlakazele emazweni wonke,

UHezekhiyeli 20:38

ngikhuphe phakathi kwenu abahlamukayo labo bonke abonayo kimi, ngibakhuphe elizweni abahlala kilo, kodwa kabayikungena elizweni lakoIsrayeli. Ng’khona lizakwazi ukuba ngiyiNkosi.

UHezekhiyeli 22:18

Ndoda, uIsrayeli wonke usenjengamanyele kimi, wonke ngoluthi lwakhe, unjengamanyele esiliva lethusi lensimbi lomnuso phakathi kwesithando.

UHezekhiyeli 22:22

Njengesiliva sincibilikiswa esithandweni somlilo, ngokunjalo lizancibilikiswa phakathi kwawo. Lizakwazi ukuba mina Nkosi ngehlisele ulaka lwami phezu kwenu.

UHezekhiyeli 23:27

Ngokunjalo ngizaqeda amanyala akho lokuwula kwakho owasuka lakho eGibithe, ukuze ungabe usakhanuka amaGibithe futhi, uwakhumbule.

UHezekhiyeli 34:6

Izimvu zami zachitheka, zazulazula kuzo zonke intaba, lakiwo wonke amaqaqa aphakemeyo; izimvu zami zachitheka endaweni zonke zomhlaba, kungekho loyedwa ozilandelayo azidinge.

UHezekhiyeli 36:19

Ngabachithachitha phakathi kwezizwe, bahlakazekela emazweni wonke; ngabathonisisa ngokufanele ukuziphatha kwabo lezenzo zabo.

UHezekhiyeli 5:10

Ngakho oyise bazakudla abantwana babo phakathi kwenu, labantwana badle oyise. Ngizakulijezisa, labo abaseleyo ngizabachithachithela emimoyeni yonke.

UHezekhiyeli 5:12

Ingxenye yesithathu yenu izabulawa yisifo, iqedwe yindlala phakathi kwenu; ingxenye yesithathu izabulawa yimikhonto endaweni zonke zenu; lengxenye yesithathu ngiyichithachithele emimoyeni yonke, ngiyilandele ngiphethe umkhonto.

ULevi 26:33

Ngizakulihlakazela ezizweni, ngihwatshe umhedla ngilixotshe; ilizwe lakini lizakuba yincithakalo, lemizi yenu ichitheke.

UZakhariya 13:9

Ngizakuyifaka emlilweni lingxenye yesithathu, ngibancibilikise njengomuntu encibilikisa isiliva, ngibahlole njengokuhlolwa kwegolide. Bazabiza ibizo lami, ngibaphendule; ngithi: Bangabantu bami; labo bathi: INkosi inguNkulunkulu wethu.

UZakhariya 7:14

Ngabachithachitha phakathi kwezizwe zonke ababekade bengazazi. Ngakho ilizwe abalitshiyayo lachitheka, kakusadabulanga muntu kulo, lelizwe elihle laba yinkangala.

UMalaki 3:3

Sizahlala esihlalweni saso sincibilikise sihlambulule isiliva, sihlambulule amadodana kaLevi, siwancibilikise njengegolide lanjengesiliva, aze anikele iminikelo efaneleyo eNkosini.

UMalaki 4:1

Ngoba luyeza usuku oluvutha njengeziko lapho bonke abaziphakamisayo labenza okubi bazakuba njengezibi ezitshayo; lolosuku oluzayo luzabatshisa, kutsho iNkosi yamabandla, lungabatshiyeli impande logatsha.

UMatewu 3:12

Ositsha sakhe sokwela sisesandleni sakhe; uzakuthanyela isibuya sakhe, abuthele amabele akhe esiphaleni sakhe; kodwa amakhoba uzakuwatshisa ngomlilo ongacimekiyo.

UDutheronomi 28:25

INkosi izakukwenza unqotshwe yizitha zakho; uzakuphuma ngandlelanye ukuzihlasela, uzibalekele ngezindlela eziyisikhombisa; uzakuba yinto eyesabekayo kuyo yonke imibuso yomhlaba.

UDutheronomi 28:64

INkosi izakulihlakazela phakathi kwabantu bonke, kusukela komunye umkhawulo womhlaba kuze kube komunye, likhonze lapho abanye onkulunkulu abenziwe ngesigodo langelitshe, elingabaziyo lina labokhokho benu.

UDutheronomi 4:27

INkosi izalichithachitha phakathi kwabantu, lisale liyingcosana nje phakathi kwezizwe iNkosi ezakulixotshela kuzo.

1 UPhethro 4:12

Bathandekayo, lingamangali ngezilingo ezinkulu eziphakathi kwenu elifikelwa yizo ukuba lilingwe ngokungathi lehlelwe yilutho olungaziwayo;