UHezekhiyeli 22:14 - iBhayibhili Elingcwele 1978

¹⁴ Isibindi sakho sizakuma yini, lezandla zakho ziqine, ensukwini engizaphathana lawe kuzo na? Mina Nkosi ngikhulumile, ngizakukwenza.

IBhayibhili Elingcwele LesiNdebele

¹⁴ Isibindi sakho sizaqinisela yini loba izandla zakho ziqine ngosuku ngiqondana lawe na? Mina Thixo sengikhulumile, njalo ngizakwenza lokho.

UHezekhiyeli 22:14 ပူးပေါင်းရင်းမြစ်များ

UJobe 40:9

Ulamandla njengoNkulunkulu na? Ungaduma ngelizwi elinjengelakhe na?

U-Isaya 28:22

Ngakhoke lingadeleli ilizwi lami, funa izibopho zenu ziqiniswe; ngoba sengizwile ukuba iNkosi uNkulunkulu wamabandla imisile ukuchitha lonke ilizwe.

U-Isaya 31:3

AmaGibithe angabantu, kawasuye uNkulunkulu, lamabhiza awo ayinyama, kawasiwo umoya. Lapho iNkosi iphakamisa isandla sayo, uzakhubeka osizayo, laye osizwayo awele phansi, babhubhe bobabili.

U-Isaya 45:9

Udiwo lungaphikisana yini lomenzi walo, lembiza yebumba lombumbi wayo na? Ibumba liyatsho yini kolibumbayo ukuthi: Wenzani na? kumbe ukuthi: Kawulaminwe yokubumba.

UJeremiya 13:21

Lizakuthini uba belibekela labo elabenza abangane benu ukuba babe ngabaphathi benu na? Kaliyikwehlelwa yibuhlungu obunjengowesifazana ohelelwayo na?

UHezekhiyeli 17:24

Zonke izihlahla zeganga zizakwazi ukuba mina Nkosi ngiyawisa isihlahla eside, ngikhulise isihlahla esifitshane, ngomise isihlahla esiluhlaza, ngihlumise esomileyo. Mina Nkosi ngikhulumile, ngizakukwenza.

UHezekhiyeli 21:7

Nxa besithi kuwe: Ububulelani na? wena uthi: Kungenxa yezindaba ezizayo. Lapho sezifikile, zonke inhliziyo zizagcwala ukwesaba, lezandla zibe buthakathaka, lemimoya yonke ihlupheke, lamadolo wonke atshayane. Nanzoke, sezifikile, zizagcwaliseka, kutsho iNkosi uNkulunkulu.

UHezekhiyeli 23:34

Uzakuyinatha uyibhije, uyiphahlaze ibe yizicucu, udabule amabele akho. Sengikhulumile, kutsho iNkosi uNkulunkulu.

UHezekhiyeli 24:14

Mina Nkosi ngikhulumile. Kuzakwenzeka, ngizakukwenza. Kangiyikukuyekela, kangiyikuba lesihawu, kangiyikuphenduka. Ngizakukuthonisisa ngokufanele indlela zakho lezenzo zakho, kutsho iNkosi uNkulunkulu.

UHezekhiyeli 28:9

Uzakutsho yini uthi: Ngingunkulunkulu mina, phambi kwalabo abakugwazayo, lanxa wena ungumuntu ungesuye unkulunkulu, ezandleni zalabo abakugwazayo?

UHezekhiyeli 36:36

Izizwe ezisele zilizingelezele zizakwazi ukuba mina Nkosi ngizakhile indawo ezingamanxiwa, ngahlanyela kutsha ilizwe ebeseliyinkangala. Mina Nkosi ngikhulumile, ngizakukwenza.

UHezekhiyeli 5:13

Kuzaphelake ukuthukuthela kwami, nganelise ukufutheka kwami ngabo, bazakwazi ukuba mina, Nkosi, ngikhulumile ngomona wami lapho sengiphelelise ukufutheka kwami kibo.

UHezekhiyeli 6:10

Bazakwazi ukuba mina ngiyiNkosi. Kangikhulumanga ize nxa ngisithi ngizakwenza lokho okubi kibo.

UHezekhiyeli 7:17

Zonke izandla zizakuba buthakathaka, lamadolo axege.

UJoweli 2:11

INkosi izwakalisa ilizwi layo phambi kwempi yayo, ngoba impi yayo yinkulu kakhulu; logcina ilizwi layo ulamandla. Ngoba usuku lweNkosi lukhulu, luyesabeka kakhulu; ngubani ongalumela na?

UMalaki 3:2

Kodwa ngubani ongalumela usuku lokufika kwaso, longema ekubonakaleni kwaso na? Ngoba sinjengomlilo wompheki wensimbi, lanjengesepa yomgezisi.

UMakho 13:31

Kuzakudlula izulu lomhlaba, kodwa amazwi ami kawayikudlula.

1 AbaseKhorinte 10:22

Sizakuyivusa ulaka iNkosi na? Kambe silamandla kulayo na?

AmaHebheru 10:31

Kuyesabeka ukuwela ezandleni zikaNkulunkulu ophilayo.

1 USamuyeli 15:29

Futhi uNkulunkulu oyiBukhosi kaIsrayeli kayikuqamba amanga, azisole, ngoba kayisuye umuntu ukuba azisole.