UHezekhiyeli 21:7 - iBhayibhili Elingcwele 1978

⁷ Nxa besithi kuwe: Ububulelani na? wena uthi: Kungenxa yezindaba ezizayo. Lapho sezifikile, zonke inhliziyo zizagcwala ukwesaba, lezandla zibe buthakathaka, lemimoya yonke ihlupheke, lamadolo wonke atshayane. Nanzoke, sezifikile, zizagcwaliseka, kutsho iNkosi uNkulunkulu.

IBhayibhili Elingcwele LesiNdebele

⁷ Nxa bekubuza besithi, ‘Kungani na ububula?’ uzakuthi, ‘Ngenxa yezindaba ezifikayo. Zonke inhliziyo zizenyela lezandla zonke zibe buthakathaka, imimoya yonke izaphela amandla lamadolo wonke abe buthakathaka njengamanzi.’ Kuyeza! Ngempela kuzakwenzakala, kutsho uThixo Wobukhosi.”

UHezekhiyeli 21:7 ပူးပေါင်းရင်းမြစ်များ

2 USamuyeli 17:10

Kuthi lolesibindi olenhliziyo enjengeyesilwane aphele amandla ngenxa yokwesaba; ngoba wonke uIsrayeli uyazi ukuba uyihlo uliqhawe, lokuba lalabo abalaye labo balesibindi.

2 AmaKhosi 21:12

ngakhoke mina Nkosi, uNkulunkulu kaIsrayeli, ngithi: Khangelani, ngizakuletha okubi okukhulu phezu kweJerusalema loJuda kuthi labo bonke abakuzwayo kubabande indlebe bethuke.

AmaHubo 58:7

Kabanyamalale njengamanzi agelezayo; njengotshani kabanyathelwe phansi babune.

U-Eksodasi 15:15

Izinduna zaseEdoma ziyaphaphatheka, izikhulu zaseMowabi zitshaywa luvalo, bonke abakhileyo eKanani baphela amandla.

U-Isaya 13:7

Ngakhoke izandla zonke zizakuxega, lenhliziyo yakhe wonke umuntu iphelelwe ngamandla,

U-Isaya 28:19

Lapho zidlulayo njalo zizalithatha; ngoba zizadlula ukusa ngokusa, emini lebusuku. Lapho lisizwa ilizwi elinjalo lizatshaywa luvalo.

U-Isaya 35:3

Qinisani izandla ezibuthakathaka lamadolo axegayo.

U-Isaya 7:2

Lapho kubikwa endlini kaDavida ukuthi iSiriya ihlangene loEfrayimi, uAhazi labantu bakhe bathuthumela njengezihlahla zinyikinywa ngumoya.

UJeremiya 26:12

Wasekhuluma uJeremiya kuzo zonke izikhulu lakubo bonke abantu esithi: INkosi yangithuma ukutshumayela ngalindlu langalumuzi wonke amazwi eliwezwileyo.

UJeremiya 49:23

Mayelana leDamaseko. IHamathi leArpadi kudidekile, ngoba kuzwile indaba ezimbi; kuphelelwa ngamandla kukhathazeke njengolwandle olungelakuthula.

UJeremiya 50:43

Inkosi yaseBabiloni yezwa umbiko ngabo, izandla zayo zaba buthakathaka; usizi lwayibamba, lobuhlungu obunjengowesifazana ohelelwayo.

UJeremiya 8:18

Kangilakududuzeka osizini lwami, inhliziyo yami iyagula phakathi kwami.

Izililo 5:17

Ngenxa yalokhu inhliziyo zethu zidabukile, langalezizinto amehlo ethu afiphele,

UHezekhiyeli 20:49

Ngasengisithi: Hawu, Nkosi Nkulunkulu! sebesithi ngami: Yena kasumqambi wemifanekiso na?

UHezekhiyeli 21:15

ukuba inhliziyo zabo zigcwale ukwesaba. Sengibasongela ngomkhonto emasangweni abo wonke, umkhonto okhazimulayo njengombane, walolongelwa ukubulala.

UHezekhiyeli 21:6

Bubula, ndoda, ububule ngenhliziyo edabukileyo langosizi olukhulu phambi kwabo.

UHezekhiyeli 21:8

Ilizwi leNkosi lafika kimi lathi:

UHezekhiyeli 22:14

Isibindi sakho sizakuma yini, lezandla zakho ziqine, ensukwini engizaphathana lawe kuzo na? Mina Nkosi ngikhulumile, ngizakukwenza.

UHezekhiyeli 24:19

Abantu bathi kimi: Kawuyikusitshela yini ukuba lezizinto zitshoni kithi ukuba wenze nje na?

UHezekhiyeli 6:2

Ndoda, khangela ngasezintabeni zakoIsrayeli, utshumayele ngazo,

UHezekhiyeli 7:17

Zonke izandla zizakuba buthakathaka, lamadolo axege.

UHezekhiyeli 7:26

Ukuchitheka kuzalandela ukuchitheka, amahungahunga alandele amanye amahungahunga. Bazadinga umbono kumprofethi, kodwa kakusayikuba khona ukuqondisa kompristi leseluleko sabadala.

UDanyeli 5:6

Yasiphenduka ibala layo, lemicabango yayo yayethusa, kwaxega izitho zayo, kwatshayana amadolo ayo.

ULevi 26:36

Mayelana lalabo abaseleyo phakathi kwenu, ngizakwenza inhliziyo zabo zesabe emazweni ezitha zabo; lapho besizwa ihlamvu linyikinyeka, bazakubaleka, babaleke njengomuntu obalekela impi, bawe bengaxotshwa muntu.

UNahume 2:10

Seliseleze, kaliselalutho, lichithekile; inhliziyo ziphele amandla, amadolo ayatshayana, bonke batshaywa luvalo, banyukumele.

ULukha 21:26

abantu baphele amandla ngenxa yokwesaba langenxa yokubona lokho okuzayo emhlabeni; ngoba amandla ezulu azakuzanyazanyiswa.

UDutheronomi 20:8

Izinduna zizakhuluma futhi labantu, zithi: Ngubani owesabayo ophelelwe ngamandla na? Kabuyele endlini yakhe, funa inhliziyo zabangane bakhe ziphelelwe ngamandla njengenhliziyo yakhe.

AmaHebheru 12:12

Ngakhoke qinisani izandla ezibuthakathaka lamadolo axegayo,

UJoshuwa 5:1

Kwathi wonke amakhosi amaAmori ayengaphetsheya kweJordani ngasentshonalanga lawo wonke amakhosi amaKanani ayengasolwandle esizwa ukuba iNkosi yenza amanzi eJordani atsha ukuba abakoIsrayeli bachaphe, inhliziyo zawo zaphela amandla, aphelelwa layisibindi ngenxa yabantu bakoIsrayeli.

UJoshuwa 7:5

labantu baseAyi babulala abangamatshumi amathathu lesithupha, baxotshana labo kusukela esangweni baze bafika emigodini, bababulalela ekwehleni. Abantu baphelelwa yisibindi, besaba.

1 UPhethro 4:7

Ukuphela kwezinto zonke sekusondele. Ngakho zikhuzeni, liqonde, likhuleke.