UHezekhiyeli 21:29 - iBhayibhili Elingcwele 1978

²⁹ — usabona imibono yamanga, uvumise amanga — ubekwe ezintanyeni zezixhwali ezimbi, ezilensuku esezifikile, isikhathi sokutshaywa kwazo kokucina.

IBhayibhili Elingcwele LesiNdebele

²⁹ Langaphezu kwemibono yamanga ngawe, lokuhlahlula okungamanga ngawe, izabekwa entanyeni zababi okumele babulawe, abasuku lwabo selufikile, abasikhathi sokujeziswa kwabo sesifike emaphethelweni aso.

UHezekhiyeli 21:29 ပူးပေါင်းရင်းမြစ်များ

UJobe 18:20

Abentshonalanga bayethuswa lusuku lwakhe lokuchitheka, labempumalanga behlelwe yikwesaba.

AmaHubo 37:13

Kodwa iNkosi iyamhleka omubi, ngoba iyabona ukuthi usuku lwakhe lokucina luyeza.

U-Isaya 44:25

Nginguye ofilisa imihlolo yezangoma, athuthaze izanuse, abuyisele emuva abahlakaniphileyo, aphendule ukwazi kwabo kube yibuthutha;

U-Isaya 47:13

Kawulamandla lanxa ulabeluleki abanengi; kabasondele bakusize, abeluleki bakho, labo abafunda izinkanyezi, abahlola iphezulu bekubikela inyanga ngenyanga konke okuzakwenzakala.

UJeremiya 27:9

Ngakhoke lingabalaleli abaprofethi benu, labavumisayo benu, labaphuphi benu, lezangoma zenu, labathakathi benu abathi kini: Kaliyikuyisebenzela inkosi yaseBabiloni.

UJeremiya 6:7

Njengomthombo ogobhoza amanzi awo, ngokunjalo ugobhoza ububi bawo; isihluku lokubhubhisa kuzwakala phakathi kwawo; ukugula lamanxeba kuhlala kukhona phambi kwami.

Izililo 2:14

Abaprofethi bakho babonile imibono engamanga leyinkohliso ngawe. Kabakuvezanga ukona kwakho ukuze babuyise inhlanhla yakho, kodwa babonile imibono yamanga leduhisayo ngawe.

UHezekhiyeli 12:24

Ngoba kakusayikuba khona umbono wamanga, lokuvumisa okukhohlisayo koIsrayeli.

UHezekhiyeli 13:10

Yebo, ngoba beduhisa abantu bami besithi: Kulungile! Khona kungalunganga; kunjengabantu abakha umduli, lababaprofethi bawucombe ngekalaga engavuthwanga.

UHezekhiyeli 13:23

Ngakho kalisayikubona imibono yenkohliso, livumise; ngizakhulula abantu bami ezandleni zenu. Lizakwazi ukuba ngiyiNkosi.

UHezekhiyeli 13:6

Bakhohlisile, bavumisa amanga, besithi: Nanka amazwi eNkosi; yona iNkosi ingabathumanga, baqaphele ukuba izagcwalisa ilizwi labo.

UHezekhiyeli 21:25

Wenake, sikhulu sakoIsrayeli oyisixhwali esibi, usuku lwakho selufikile, isikhathi sokutshaywa kwakho kokucina;

UHezekhiyeli 22:28

Abaprofethi balo bayacomba izenzo zazo ngekalaga, babona imibono yamanga, bavumise amanga, besithi: Nanti ilizwi leNkosi uNkulunkulu; yona iNkosi ingakulumanga.

UHezekhiyeli 35:5

Ngoba waba lenzondo engapheliyo, wanikela abantu bakoIsrayeli ekubulaweni ngesikhathi sokuhlupheka kwabo, ngesikhathi sokutshaywa kwabo kokucina.

UHosiya 7:2

Kabananzi ukuba ngiyakhumbula yonke imisebenzi yabo emibi. Khathesi izenzo zabo zibahanqile, zikhona phambi kwami.