UHezekhiyeli 21:25 - iBhayibhili Elingcwele 1978

²⁵ Wenake, sikhulu sakoIsrayeli oyisixhwali esibi, usuku lwakho selufikile, isikhathi sokutshaywa kwakho kokucina;

IBhayibhili Elingcwele LesiNdebele

²⁵ Wena nkosana yako-Israyeli exhwalileyo njalo embi, usuku lwakho selufikile, lesikhathi sokujeziswa kwakho sesifike emaphethelweni,

UHezekhiyeli 21:25 ပူးပေါင်းရင်းမြစ်များ

2 ImiLando 36:13

Wayivukela inkosi uNebukadineza eyayimfungise ngoNkulunkulu ukuba athembeke kuyo. Waba lenkani lenhliziyo elukhuni ngokuphendukela eNkosini, uNkulunkulu kaIsrayeli.

AmaHubo 37:13

Kodwa iNkosi iyamhleka omubi, ngoba iyabona ukuthi usuku lwakhe lokucina luyeza.

AmaHubo 48:13

liqaphelise imithangala yayo, lidabule ezigodlweni zayo, ukuze lixoxele isizukulwana esizayo,

AmaHubo 7:9

Kabuphele ububi bababi, kodwa olungileyo umqinise, wena ohlola ingqondo lenhliziyo, onguNkulunkulu olungileyo.

UJeremiya 24:8

Kodwa iNkosi ithi: Njengalumkhiwa omubi ongadlekiyo ngenxa yobubi bawo, ngizaphatha ngokunjalo uZedekiya, inkosi yakoJuda, lezikhulu zakhe, lengcosana yeJerusalema eseleyo kulelilizwe, lalabo abakhileyo eGibithe.

UJeremiya 49:1

Mayelana lamaAmoni. INkosi ithi: UIsrayeli kalamadodana na? Kalayo indlalifa na? Abakhonza uMilkomu bathathelani ilizwe lakoGadi, bahlale emizini yalo na?

UJeremiya 49:2

Ngakhoke insuku ziyeza, kutsho iNkosi, lapho ngizakwenza ukuba kuhlatshwe umkhosi wempi ngeRaba elamaAmoni. Lizachitheka, lemizi yalo itshiswe ngomlilo; loIsrayeli alithathe futhi ilizwi lakhe kulabo abamamukayo, kutsho iNkosi.

UJeremiya 51:13

Wena muzi ohlala ngasemanzini amanengi, olenotho enengi, ukuphela kwakho sekufikile, kuqunyiwe ukuphila kwakho.

UJeremiya 52:2

Wenza okubi emehlweni eNkosi, njengakho konke okwenziwa nguJehoyakimi.

UHezekhiyeli 17:19

Ngalokho, iNkosi uNkulunkulu ithi: Ngiyazifunga, impela isifungo sami asidelelayo, lesivumelwano sami asaphulayo, ngizakukwehlisela kuye.

UHezekhiyeli 21:12

Khala ulile, ndoda, ngoba lumkhonto ngowokulwa labantu bami, ngowokulwa lazo zonke izikhulu zakoIsrayeli; zinikelwe kuwo kanye labantu bami. Ngakho tshaya isifuba sakho ngenxa yosizi,

UHezekhiyeli 21:24

Ngakhoke iNkosi uNkulunkulu ithi: Ngoba lingikhumbuze ukona kwenu ngokubeka obala iziphambeko zenu, ukuze kuvele izono zenu ekwenzeni kwenu konke, langoba selikhunjulwa, lizatshaywa ngenxa yazo.

UHezekhiyeli 21:29

— usabona imibono yamanga, uvumise amanga — ubekwe ezintanyeni zezixhwali ezimbi, ezilensuku esezifikile, isikhathi sokutshaywa kwazo kokucina.

UHezekhiyeli 25:5

Ngizakwenza iRaba libe lidlelo lamakamela, lemizi yamaAmoni ibe yisibaya semihlambi. Ng’khona lizakwazi ukuthi ngiyiNkosi.

UHezekhiyeli 30:3

Usuku selusondele, usuku lweNkosi selusondele, luzakuba lusuku olulamayezi, isikhathi sokuchitheka kwezizwe.

UHezekhiyeli 35:5

Ngoba waba lenzondo engapheliyo, wanikela abantu bakoIsrayeli ekubulaweni ngesikhathi sokuhlupheka kwabo, ngesikhathi sokutshaywa kwabo kokucina.

UHezekhiyeli 7:2

Ndoda, mina Nkosi uNkulunkulu ngithi elizweni lakoIsrayeli: Ukuphela kuyeza, ukuphela kuyeza emagumbini womane elizwe.

UHezekhiyeli 7:3

Ukuphela sekufikile kini, ngizakwehlisela ukuthukuthela kwami phezu kwenu, ngilithonisise ngezenzo zenu, ngehlisele phezu kwenu amanyala enu.

UHezekhiyeli 7:6

Ukuphela sekufikile, ukuphela sekufikile, sekulehlele; nanko, kuyeza.

uAmosi 1:14

Ngakho ngizaphemba umlilo emithangaleni yaseRaba ozakuqeda izinqaba zalo ngokumemeza osukwini lokulwa, langesiphepha osukwini lwesivunguzane;