UHezekhiyeli 21:24 - iBhayibhili Elingcwele 1978

²⁴ Ngakhoke iNkosi uNkulunkulu ithi: Ngoba lingikhumbuze ukona kwenu ngokubeka obala iziphambeko zenu, ukuze kuvele izono zenu ekwenzeni kwenu konke, langoba selikhunjulwa, lizatshaywa ngenxa yazo.

IBhayibhili Elingcwele LesiNdebele

²⁴ Ngakho nanku okutshiwo nguThixo Wobukhosi: ‘Njengoba lina bantu lingikhumbuze icala lenu ngokuhlamuka kwenu okusobala, libonakalisa izono zenu kukho konke elikwenzayo njengoba lenze lokhu, lizathunjwa.

UHezekhiyeli 21:24 ပူးပေါင်းရင်းမြစ်များ

U-Isaya 3:9

Ukubandlulula kwabo kuyafakaza ngabo; benza izono zabo obala njengeSodoma, kabazifihli. Maye kibo! Ngoba bazehlisela okubi.

UJeremiya 15:2

Lapho bekubuza besithi: Sizakuya ngaphi? uzakuthi kibo: INkosi ithi: Abokufa baya ekufeni, abomkhonto baya emkhontweni, abendlala baya endlaleni, labokuthunjwa baya ekuthunjweni.

UJeremiya 2:34

Lasezigqokweni zakho kufunyanwa igazi labayanga abangelacala; kawubafumananga befohlela. Kanti kukho konke lokho uthi:

UJeremiya 3:2

Phakamisela amehlo akho emadundulwini angelalutho, ubone. Kungaphi lapho ungalalelwanga khona na? Ngasezindleleni wahlalela izithandwa njengomArabiya enkangala. Ulingcolisile ilizwe ngobufebe bakho obubi.

UJeremiya 6:15

Babelenhloni yini lapho besenza amanyala? Atshi, kababanga lanhloni lakanye, kabayangekanga. Ngalokhoke bazakuwa phakathi kwabawayo; ngesikhathi sokubatshaya kwami bazachitheka, kutsho iNkosi.

UJeremiya 8:12

Babelenhloni yini lapho besenza amanyala? Atshi, kababanga lanhloni lakanye, kabayangekanga. Ngalokhoke bazakuwa phakathi kwabawayo; ngesikhathi sokubatshaya kwami bazachitheka, kutsho iNkosi.

UHezekhiyeli 21:23

Ebantwini kuzakhanya kuyikuvumisa kwamanga, kanti kuzangikhumbuza izenzo zabo ezimbi, bazawela ezandleni zezitha zabo.

UHezekhiyeli 21:25

Wenake, sikhulu sakoIsrayeli oyisixhwali esibi, usuku lwakho selufikile, isikhathi sokutshaywa kwakho kokucina;

UHezekhiyeli 23:23

amaBabiloni lamaKaladiya wonke, amadoda asePekodi leShowa leKowa, lawo wonke amaAsiriya, amajaha abukekayo, ababusi lezinduna zamabutho, bonke ngoluthi lwabo, izinduna lamabutho, bonke begade amabhiza.

UHezekhiyeli 24:7

Ngoba igazi umuzi olichithileyo lisekhona kuwo, ulithululele phezu kwedwala, kawulichithelanga phansi ukuligqibela ngomhlabathi.

UHosiya 4:2

Kukhona ukwaphulwa kwezifungo, lokuqamba amanga, lokubulala, lokweba, lokufeba; baqhubeka ngokwenza okubi, lamacala egazi ayalandelana.