UHezekhiyeli 21:22 - iBhayibhili Elingcwele 1978

²² Umtshoko wokuvumisa obhalwe ukuthi iJerusalema uwele ngakwesokunene sayo; kulapho okufanele imemeze khona, ihlabe umkhosi wempi, imise izigodo zokudiliza amasango, lamadundulu okuvimbezela, yakhe lezinqaba.

IBhayibhili Elingcwele LesiNdebele

²² Esandleni sayo sokudla kuzakuza inkatho yeJerusalema, lapho ezamisa khona imigqala yokudiliza, lokunika umlayo wokubulala, lokuhlaba umkhosi wempi, lokumisa imigqala yokudiliza amasango, lokwakha amadundulu kanye lokumisa izindawo zokuvimbezela.

UHezekhiyeli 21:22 ပူးပေါင်းရင်းမြစ်များ

2 AmaKhosi 25:1

Ngomnyaka wesificamunwemunye wokubusa kukaZedekiya, ngosuku lwetshumi lwenyanga yetshumi, uNebukadineza inkosi yaseBabiloni wafika eJerusalema layo yonke impi yakhe, walivimbezela; balakhela imiduli yokuvimbezela inxa zonke.

UJobe 39:25

Nxa uphondo lukhala lithi: Nankoke! likunuke ukulwa kusekhatshana, lizwe umsindo wezinduna lokumemeza kwazo.

UJeremiya 32:24

Amadundulu okuvimbezela umuzi asekhona ukuba umuzi uthathwe, langenxa yempi lendlala lomkhuhlane umuzi unikelwe ezandleni zamaKaladiya awuhlaselayo. Lokho owakutshoyo kwenzakele njengoba ubona.

UJeremiya 33:4

Ngoba iNkosi, uNkulunkulu wakoIsrayeli, ithi mayelana lezindlu zalumuzi langendlu yamakhosi akoJuda, ezidilizwe ukuba kwenziwe indawo yokuvika phambi kwamadundulu okuvimbezela laphambi kwempi:

UJeremiya 4:16

Xwayisani izizwe ukuthi uyeza, bikani kulo iJerusalema lithi: Kufika abavimbezeli bevela elizweni elikhatshana; bayamemeza kuyo imizi yakoJuda.

UJeremiya 51:14

INkosi yamabandla izifungile uqobo yathi: Impela ngizakukugcwalisa ngabantu, babe ngangentethe, bazahlaba umkhosi wokunqoba ngawe.

UJeremiya 52:4

Ngomnyaka wesificamunwemunye wokubusa kwakhe, ngosuku lwetshumi lwenyanga yetshumi, uNebukadineza inkosi yaseBabiloni wafika layo yonke impi yakhe ukulwa leJerusalema; balivimbezela, balakhela imiduli yokuvimbezela inxa zonke.

UHezekhiyeli 26:8

Yena uzabulala amadodakazi akho phakathi kwelizwe ngempi, akumisele umduli wokuvimbezela, akwakhele idundulu, akuphakamisele izihlangu ezinengi.

UHezekhiyeli 26:9

Uzaqondisa izigodo zakhe zokudiliza emidulini yakho, adilizele phansi inqaba zakho ngamahloka akhe.

UHezekhiyeli 4:2

udwebe indawo zokuwuvimbezela, lomduli wokuwuvimbezela, ledundulu; udwebe lezihonqo futhi, lezigodo zokudiliza inxa zonke.

UHezekhiyeli 5:12

Ingxenye yesithathu yenu izabulawa yisifo, iqedwe yindlala phakathi kwenu; ingxenye yesithathu izabulawa yimikhonto endaweni zonke zenu; lengxenye yesithathu ngiyichithachithele emimoyeni yonke, ngiyilandele ngiphethe umkhonto.

UHezekhiyeli 5:13

Kuzaphelake ukuthukuthela kwami, nganelise ukufutheka kwami ngabo, bazakwazi ukuba mina, Nkosi, ngikhulumile ngomona wami lapho sengiphelelise ukufutheka kwami kibo.

uAmosi 1:14

Ngakho ngizaphemba umlilo emithangaleni yaseRaba ozakuqeda izinqaba zalo ngokumemeza osukwini lokulwa, langesiphepha osukwini lwesivunguzane;

UJoshuwa 6:10

Kodwa uJoshuwa wathi ebantwini: Lingamemezi, loba lizwakalise ilizwi lenu; kungaphumi lizwi emilonyeni yenu kuze kube lusuku engizalitshela ngalo ukuba limemeze; beselimemezake.

UJoshuwa 6:20

Ngakho abantu basebememeza, kwakhaliswa lempondo. Kwathi abantu besizwa ukukhala kwempondo bamemeza kakhulu, umduli wadilikela phansi, labantu bangena phakathi komuzi, yilowo lalowo eqonda phambili nje, bawuthumba umuzi.

1 USamuyeli 17:20

UDavida wavuka ekuseni kakhulu, wathatha impahla, watshiya izimvu kumlindi, wahamba njengokutshelwa kwakhe nguJese. Wafika ezihonqweni nxa impi iphumayo ukuyakulwa, yayimemeza isiga sempi.