UHezekhiyeli 21:14 - iBhayibhili Elingcwele 1978

¹⁴ Tshumayela, wena ndoda, uqakeze izandla zakho, umkhonto uzagwaza kabili lakathathu, ungumkhonto wokubulala, umkhonto wokubulawa okukhulu obahanqayo,

IBhayibhili Elingcwele LesiNdebele

¹⁴ Ngakho-ke, ndodana yomuntu, phrofetha uqakeze izandla zakho. Inkemba kayigadle kabili, lanxa kungaba kathathu. Yinkemba yokubulala, inkemba yokubulala kakhulu, ebahanqayo ivela macele wonke.

UHezekhiyeli 21:14 ပူးပေါင်းရင်းမြစ်များ

1 AmaKhosi 20:30

Abaseleyo babaleka bangena emzini waseAfeki; umduli wawela phezu kwabantu abazinkulungwane ezingamatshumi amabili lesikhombisa ababesele. UBenihadadi laye wabaleka, wacatshacatsha ezindlini ezingaphakathi komuzi.

1 AmaKhosi 22:25

UMikaya wathi: Wena uqobo uzakukubona lokhu mhla ubalekela ezindlini ezingaphakathi ukuyacatsha.

2 AmaKhosi 24:1

Ngensuku zokubusa kukaJehoyakimi uNebukadineza inkosi yaseBabiloni wahlasela, uJehoyakimi wathela kuye; kodwa ngemva kweminyaka emithathu wamvukela.

UJeremiya 47:7

Kodwa ungaphumula kanjani lapho iNkosi iwulayile na? Iwumisele iAshikeloni lezinkumbi zolwandle.

UHezekhiyeli 21:13

ngoba kuyikuhlolwa — phoke, kuzakuba njani uba kungesiyo sibili intonga yokudelela na? kutsho iNkosi uNkulunkulu.

UHezekhiyeli 21:17

Lami ngizaqakeza izandla zami, ngiphelelise ukufutheka kwami. Mina Nkosi, sengikhulumile.

UHezekhiyeli 28:23

Ngoba ngizathumela isifo kilo, kuchitheke legazi endleleni zalo; abantu bazakufela phakathi kwalo, bebulawa yimpi elihanqileyo inxa zonke. Ng’khona bazakwazi ukuba ngiyiNkosi.

UHezekhiyeli 6:11

INkosi uNkulunkulu ithi: Qakeza izandla zakho, ugide ngenyawo zakho uthi: Maye! ngenxa yawo wonke amanyala amabi akoIsrayeli; ngoba bazabulawa yimpi, layindlala, layisifo.

UHezekhiyeli 8:12

Wasesithi kimi: Ndoda, uyakubona lokho abakwenzayo emnyameni abadala bakoIsrayeli ezindlini zabo zemifanekiso na? Ngoba bathi: INkosi kayisiboni; iNkosi ilitshiyile ilizwe layo.

UDanyeli 3:19

UNebukadineza wasethukuthela kakhulu, lobuso bakhe banyukumala ngoShadraki loMeshaki loAbedinego. Walaya ukuba isithando somlilo sibaselwe kasikhombisa ukwedlula ukubaselwa kwaso okwejwayelekileyo.

ULevi 26:21

Uba lihamba ngokuphambene lami, lingangilaleli, ngizakwehlisela kini ezinye inhlupheko, ziphindwe kasikhombisa ezonweni zenu.

ULevi 26:24

lami ngizahamba ngokuphambene lani, ngilitshaye kasikhombisa ngenxa yezono zenu.

uAmosi 9:2

Loba besehlela endaweni yabafileyo, isandla sami sizabakhupha khona; loba bakhwela besiya ezulwini, ngizabehlisa khona;

AmaNani 24:10

UBalaki wamthukuthelela uBalami, waqakeza izandla zakhe, wathi kuBalami: Ngikubize ukuba uqalekise izitha zami, kodwa uzibusisile kathathu.