UHezekhiyeli 20:7 - iBhayibhili Elingcwele 1978

⁷ Ngathi kibo: Lahlani izinto ezenyanyekayo elizibukayo lina lonke, lingazigcolisi ngezithombe zaseGibithe. NgiyiNkosi uNkulunkulu wenu.

IBhayibhili Elingcwele LesiNdebele

⁷ Njalo ngathi kubo, “Lowo lalowo wenu kalahle izifanekiso ezenyanyekayo elibeke amehlo enu kuzo, njalo lingazingcolisi ngezithombe zaseGibhithe. Mina nginguThixo uNkulunkulu wenu.”

UHezekhiyeli 20:7 ပူးပေါင်းရင်းမြစ်များ

2 ImiLando 15:8

Lapho uAsa ewezwa wonke lamazwi kaAzariya indodana kaOdedi, waqunga isibindi, wakhupha zonke izithombe eziyisinengiso elizweni lonke lakoJuda lakoBenjamini lemizini ayeyithumbile entabeni zakoEfrayimi, walungisa ialtare leNkosi elalingaphambi komkoto wethempeli.

U-Eksodasi 16:12

yathi: Sengizwile ukusola kwabakoIsrayeli; batshele uthi: Kusihlwa lizakudla inyama, ekuseni lisuthe isinkwa, lazi ukuthi ngiyiNkosi uNkulunkulu wenu.

U-Eksodasi 20:2

NgiyiNkosi uNkulunkulu wakho eyakukhupha eGibithe, endaweni yobugqili.

U-Eksodasi 20:4

Ungazenzeli izithombe ezibaziweyo lomfanekiso walokho okusezulwini lalokho okusemhlabeni lalokho okusemanzini angaphansi komhlaba;

U-Eksodasi 20:5

ungazikhothameli, ungazikhonzi; ngoba mina Nkosi, uNkulunkulu wakho, nginguNkulunkulu olomona; ngehlisela ububi baboyise ebantwaneni besizukulwana sesithathu lesesine sabangizondayo,

U-Eksodasi 22:20

Onikela kwabanye onkulunkulu ngaphandle kweNkosi kabhujiswe.

U-Isaya 31:7

Ngoba ngalolosuku lonke lizakulahla izithombe zenu zesiliva lezegolide, elizenze ngezandla zenu ezimbi.

UHezekhiyeli 14:6

Ngakhoke tshono kuIsrayeli uthi: INkosi uNkulunkulu ithi: Phendukani, lehlukane lezithombe zenu, lidele wonke amanyala enu.

UHezekhiyeli 18:15

ingadleli emathempelini aphezu kwezintaba, ingaphakamiseli amehlo ayo ezithombeni zakoIsrayeli, ingangcolisi umfazi womakhelwana wayo,

UHezekhiyeli 18:31

Susani kini zonke iziphambeko elizenzileyo kimi, lizuze inhliziyo ezintsha lomoya omutsha. Lizafelani, lina Israyeli na?

UHezekhiyeli 18:6

engadleli emathempelini aphezu kwezintaba, engaphakamiseli amehlo akhe ezithombeni zakoIsrayeli, engangcolisi umfazi womakhelwana wakhe, engahlangani lowesifazana ngesikhathi esemfuleni,

UHezekhiyeli 20:19

Mina Nkosi nginguNkulunkulu wenu. Hambani ngezimiso zami, liqaphelise ukugcina imithetho yami,

UHezekhiyeli 20:8

Kodwa bangihlamuka, kabaze bangilalela. Bonke kabazilahlanga izinto ezenyanyekayo ababezibuka, kabazitshiyanga lezithombe zaseGibithe. Ngasengisithi ngizakwehlisa ukuthukuthela kwami phezu kwabo, ngibaqede ngolaka lwami phakathi kwelizwe laseGibithe.

UHezekhiyeli 23:3

Bawula eGibithe, bawula ebutsheni babo, babanjwa amabele abo lamathangazi abo.

UHezekhiyeli 23:7

Wawula labo, ikhethelo labantu baseAsiriya; wazingcolisa ngazo zonke izithombe zabo bonke ayebakhanuka.

UHezekhiyeli 23:8

Kakuyekelanga ukuwula kwakhe akwenza kusukela enzukwini zakhe eGibithe, ngoba ebutsheni bakhe amadoda alala laye, abamba amathangazi akhe, akholisa ukukhanuka kwawo kuye.

UHezekhiyeli 34:24

Mina Nkosi ngizakuba nguNkulunkulu wazo, lenceku yami uDavida ibe yisikhulu phakathi kwazo. Mina Nkosi ngikhulumile.

UHezekhiyeli 6:9

Abaseleyo bakini bazangikhumbula phakathi kwezizwe abathunjelwe kizo; bazakhumbula ukudabuka kwami ngenxa yenhliziyo zabo ezasuka kimi ngenxa yobubi langenxa yamehlo abo ayelandele izithombe. Ng’khona bazanengwa yibo bonke ububi ababenzileyo langamanyala abo wonke.

ULevi 11:44

Ngoba ngiyiNkosi uNkulunkulu wenu. Ngakhoke zihlambululeni lina, libe ngcwele, ngoba mina ngingcwele. Lingazingcolisi ngezinto ezihamba emhlabathini.

ULevi 17:7

Ngakhoke kabasayikuhlabela omoya ababi imihlatshelo yabo, ababesiya kubo ukuphinga sebengidela. Lokhu kuzakuba yisimiso esingelakuphela kubo ezizukulwaneni zabo.

ULevi 18:2

Tshono ebantwini bakoIsrayeli uthi: NgiyiNkosi uNkulunkulu wenu.

ULevi 18:3

Lingenzi njengokwenza kwamaGibithe lapho lalihlala khona, lingenzi futhi njengokwenza kwamaKanani engiliholela kuwo. Lingahambi ngemithetho yabo.

ULevi 20:7

Zihlambululeni lina libe ngcwele, ngoba ngiyiNkosi uNkulunkulu wenu.

UJoshuwa 24:14

Ngakhoke yesabeni iNkosi, liyikhonze ngobuqotho langeqiniso, lisuse onkulunkulu okhokho benu ababakhonza ngaphetsheya komfula iYufrathi laseGibithe, likhonze iNkosi.