UHezekhiyeli 20:6 - iBhayibhili Elingcwele 1978

⁶ Ngalolosuku ngafunga kibo ukuba ngibakhuphe elizweni laseGibithe, ngibese elizweni engabadingela lona, ilizwe eligcwele uchago lenyosi, ilizwe elihle kulawo wonke amazwe.

IBhayibhili Elingcwele LesiNdebele

⁶ Ngalolosuku ngafunga kubo ukuthi ngizabakhupha eGibhithe ngibase elizweni engabadingela lona, ilizwe eligeleza uchago loluju, elihle kakhulu kulamazwe wonke.

UHezekhiyeli 20:6 ပူးပေါင်းရင်းမြစ်များ

UNehemiya 9:12

Wabahola ngensika yeyezi emini langensika yomlilo ebusuku ukubakhanyisela indlela abazahamba ngayo.

UNehemiya 9:9

Wakubona ukuhlupheka kwabokhokho eGibithe, wezwa ukukhala kwabo ngasoLwandle oluBomvu,

AmaHubo 106:24

Baleya ilizwe elihle, bengasikholwa isithembiso sakhe.

AmaHubo 47:5

UNkulunkulu wenyukile ngokuhlokoma, iNkosi yenyukile ngokukhala kophondo.

AmaHubo 48:2

Yinhle ngokuphakama intaba yaseZiyone; iyikuthokoza kuwo wonke umhlaba; umi ngasenyakatho umuzi weNkosi enkulu.

U-Eksodasi 13:5

Kuzakuthi lapho iNkosi isilingenisile elizweni lamaKanani lamaHethi lamaAmori lamaHivi lamaJebusi, eyafunga kubokhokho benu ukulinika lona, ilizwe eligcwele uchago lenyosi, ligcine linkonzo ngalinyanga.

U-Eksodasi 3:17

ngithi ngizalikhupha ekuhluphekeni kwenu eGibithe, ngilise elizweni lamaKanani lamaHethi lamaAmori lamaPerizi lamaHivi lamaJebusi, ilizwe eligcwele uchago lenyosi.

U-Eksodasi 3:8

ngehlile ukuba ngibakhulule ezandleni zamaGibithe, ngibakhuphe kulelolizwe, ngibase elizweni elihle elibanzi, ilizwe eligcwele uchago lenyosi, indawo yamaKanani lamaHethi lamaAmori lamaPerizi lamaHivi lamaJebusi.

U-Eksodasi 33:3

Uye elizweni eligcwele uchago lenyosi; kodwa kangiyikuhamba lani funa ngiliqede endleleni, ngoba lingabantu abanhliziyo zilukhuni.

U-Eksodasi 6:8

ngizalingenisa elizweni engalithembisa lona ngesifungo ukulinika uAbrahama loIsaka loJakobe, ngilinike lona libe ngelenu; ngiyiNkosi.

UJeremiya 11:5

ukuba ngigcwalise isifungo engasifunga kubokhokho benu ukubanika ilizwe eligcwele uchago lenyosi, njengoba kunjalo lalamhla. Ngasengiphendula ngisithi: Yebo, Nkosi.

UJeremiya 3:19

Mina bengisithi ngizakukubeka njani phakathi kwabantwana bami, ngikunike ilizwe elihle, ilizwe elihle kakhulu phakathi kwazo zonke izizwe. Ngathi uzakungibiza ngokuthi Baba, ungadeli ukungilandela.

UJeremiya 32:22

wabanika lelilizwe, owafunga kubokhokho babo ukubanika lona, ilizwe eligcwele uchago lenyosi;

UHezekhiyeli 20:15

Futhi ngafunga kibo enkangala ukuba kangiyikubaletha elizweni engangilinike bona, ilizwe eligcwele uchago lenyosi, ilizwe elihle kulawo wonke amazwe,

UHezekhiyeli 20:23

Ngafunga kibo futhi enkangala ukuthi ngizabachithachitha phakathi kwezizwe, ngibahlakazele emazweni wonke,

UHezekhiyeli 20:42

Lizakwazi ukuba ngiyiNkosi lapho sengilibuyise elizweni lakoIsrayeli, ilizwe engafunga ukulinika okhokho benu.

UHezekhiyeli 20:5

uthi kibo: INkosi uNkulunkulu ithi: Ngosuku engakhetha ngalo abakoIsrayeli, ngafunga kuyo inzalo kaJakobe, ngazibonakalisa kibo elizweni laseGibithe, ngafunga kibo ngathi: Mina ngiyiNkosi uNkulunkulu wenu.

UHezekhiyeli 47:14

Lizalahlukanisa ngokulinganayo; ngafunga ukulinika okhokho benu, lelilizwe lizakuba ngelenu.

UDanyeli 11:16

Kodwa ehlaselayo izakwenza ekuthandayo, kungabi khona loyedwa oyimelayo. Izakuma elizweni elihle, lonke libe sesandleni sayo.

UDanyeli 11:41

Izangena elizweni elihle, ibulale amatshumi azinkulungwane; kodwa iEdoma leMowabi lengxenye enkulu yabaseAmoni bazaphunyuka esandleni sayo.

UDanyeli 8:9

Kolunye lwazo kwaphuma uphondo oluncinyane, lwakhula kakhulu, lwatshengisa amandla ayo ngasenginizimu langasempumalanga langaselizweni elihle.

ULevi 20:24

Kodwa ngathi kini: Lizakuthumba ilizwe labo, ngilinike lona libe yilifa lenu, ilizwe eligcwele uchago lenyosi. NgiyiNkosi uNkulunkulu wenu, olahlukanise labezizwe.

UZakhariya 7:14

Ngabachithachitha phakathi kwezizwe zonke ababekade bengazazi. Ngakho ilizwe abalitshiyayo lachitheka, kakusadabulanga muntu kulo, lelizwe elihle laba yinkangala.

AmaNani 13:27

Bambikela uMose bathi: Safika elizweni owasithuma kulo; ligcwele uchago lenyosi; nanzi izithelo zalo.

AmaNani 14:8

Uba iNkosi isithanda, izakusingenisa elizweni lelo eligcwele uchago lenyosi, isinike lona.

UDutheronomi 11:9

lokuba lihlale isikhathi eside elizweni iNkosi eyafunga kubokhokho benu ukubanika lona lenzalo yabo, ilizwe eligcwele uchago lenyosi.

UDutheronomi 26:15

Khangela phansi usendaweni yakho engcwele esezulwini, ubusise abantu bakho uIsrayeli lomhlaba osinike wona, njengokufunga kwakho kubokhokho bethu, ilizwe eligcwele uchago lenyosi.

UDutheronomi 26:9

yasiletha kulindawo, yasinika lelilizwe eligcwele uchago lenyosi.

UDutheronomi 27:3

lilobe kuwo wonke amazwi alumlayo nxa selichaphile ukuze lingene elizweni iNkosi uNkulunkulu wenu elinika lona eligcwele uchago lenyosi, njengalokhu iNkosi uNkulunkulu wabokhokho benu ilithembisile.

UDutheronomi 3:25

Ungivumele ukuba ngichaphe, ngibone ilizwe elihle elingaphetsheya kweJordani, lezontaba ezinhle, leLebanoni.

UDutheronomi 31:20

Ngoba lapho sengibangenisile elizweni eligcwele uchago lenyosi engafunga ukubanika lona okhokho babo, sebedlile basutha, bazimuka, bazakuphendukela kwabanye onkulunkulu, babakhonze, bangidelele mina, baphule isivumelwano sami.

UDutheronomi 32:40

Ngoba ngiphakamisela isandla sami ezulwini, ngifunge ngithi: Njengoba ngiphila kokuphela,

UDutheronomi 32:8

Lapho oPhezukonke enika izizwe ilifa lazo, lalapho esahlukanisa abantu, wamisa imikhawulo yezizwe njengobunengi babantu bakoIsrayeli;

UDutheronomi 6:3

Ngakhoke zwana, Israyeli, unanzelele ukuzenza, ukuba kukulungele, wande kakhulu elizweni eligcwele uchago lenyosi njengokukuthembisa kwayo iNkosi uNkulunkulu wabokhokho benu.

UJoshuwa 5:6

Ngoba abakoIsrayeli bahamba enkangala iminyaka engamatshumi amane saze safa saphela sonke isizwe, lawomadoda empi ayephume eGibithe, ngoba engalilalelanga ilizwi leNkosi; iNkosi yayifungile kuwo ukuba kawayikulibona ilizwe eyafunga kubokhokho babo ukusinika lona, ilizwe eligcwele uchago lenyosi.