UHezekhiyeli 20:5 - iBhayibhili Elingcwele 1978

⁵ uthi kibo: INkosi uNkulunkulu ithi: Ngosuku engakhetha ngalo abakoIsrayeli, ngafunga kuyo inzalo kaJakobe, ngazibonakalisa kibo elizweni laseGibithe, ngafunga kibo ngathi: Mina ngiyiNkosi uNkulunkulu wenu.

IBhayibhili Elingcwele LesiNdebele

⁵ uthi kubo: ‘Nanku okutshiwo nguThixo Wobukhosi: Ngosuku engakhetha ngalo u-Israyeli, ngafunga kuyo inzalo yendlu kaJakhobe isandla siphakanyisiwe njalo ngiziveza kuyo iGibhithe. Isandla siphakanyisiwe ngathi kubo, “Mina nginguThixo uNkulunkulu wenu.”

UHezekhiyeli 20:5 ပူးပေါင်းရင်းမြစ်များ

UGenesisi 14:22

UAbrama wathi enkosini yaseSodoma: Ngiyafunga eNkosini uNkulunkulu oPhezukonke, uMdali wezulu lomhlaba,

1 AmaKhosi 18:39

Kwathi abantu bonke bekubona lokhu bathi mbo ngobuso phansi, bathi: INkosi yiyo enguNkulunkulu; iNkosi yiyo enguNkulunkulu.

AmaHubo 103:7

Yamazisa uMose indlela zayo, labantu bakoIsrayeli izenzo zayo.

AmaHubo 33:12

Sibusisiwe isizwe esiNkulunkulu waso yiNkosi, abantu ebakhethileyo baba ngabayo.

U-Eksodasi 3:16

Hamba, ubuthanise abalisa bakoIsrayeli, uthi kubo: INkosi uNkulunkulu wabokhokho benu, uNkulunkulu kaAbrahama, uNkulunkulu kaIsaka, uNkulunkulu kaJakobe ubonakele kimi, wathi: Impela ngilikhumbule, ngabona lokho elehlelwa yikho eGibithe;

U-Eksodasi 3:6

Wathi futhi: NginguNkulunkulu kayihlo, uNkulunkulu kaAbrahama, uNkulunkulu kaIsaka, uNkulunkulu kaJakobe. UMose wafihla ubuso bakhe, ngoba wayesesaba ukumkhangela uNkulunkulu.

U-Eksodasi 3:8

ngehlile ukuba ngibakhulule ezandleni zamaGibithe, ngibakhuphe kulelolizwe, ngibase elizweni elihle elibanzi, ilizwe eligcwele uchago lenyosi, indawo yamaKanani lamaHethi lamaAmori lamaPerizi lamaHivi lamaJebusi.

U-Eksodasi 4:31

Abantu bakholwake; lapho sebezwile ukuthi iNkosi ibahambele abakoIsrayeli, lokuthi ibonile ukuhlupheka kwabo, bakhothamisa amakhanda, badumisa.

U-Eksodasi 6:2

UNkulunkulu wakhuluma kuMose wathi: NgiyiNkosi;

U-Eksodasi 6:3

ngabonakala kuAbrahama lakuIsaka lakuJakobe njengoNkulunkulu uSomandla; kodwa ngebizo lami lokuthi iNkosi ngangingaziwa kubo.

U-Eksodasi 6:8

ngizalingenisa elizweni engalithembisa lona ngesifungo ukulinika uAbrahama loIsaka loJakobe, ngilinike lona libe ngelenu; ngiyiNkosi.

U-Isaya 43:10

Lina bakoIsrayeli, lingofakazi bami, kutsho iNkosi, lenceku yami engiyikhethileyo, ukuze lazi, likholwe, liqedisise ukuba nginguye. Ngaphambi kwami kakuzanga kube khona omunye unkulunkulu, langasemva kwami kakuyikuba khona omunye.

UJeremiya 33:24

Kawuqaphelisanga yini abakutshoyo lababantu ukuthi: INkosi izilahlile izindlu zombili ebizikhethile? Ngalokhoke babadelela abantu bami, babenza bangabe besaba yisizwe emehlweni abo.

UHezekhiyeli 16:8

Lapho ngidlula kuwe futhi ngakukhangela, ngakubona ususesikhathini sothando; ngendlala ingubo yami phezu kwakho, ngambathisa ubunqunu bakho; ngathembisa ukukuthatha, ngenza isivumelwano lawe, waba ngowami, kutsho iNkosi uNkulunkulu.

UHezekhiyeli 20:15

Futhi ngafunga kibo enkangala ukuba kangiyikubaletha elizweni engangilinike bona, ilizwe eligcwele uchago lenyosi, ilizwe elihle kulawo wonke amazwe,

UHezekhiyeli 20:23

Ngafunga kibo futhi enkangala ukuthi ngizabachithachitha phakathi kwezizwe, ngibahlakazele emazweni wonke,

UHezekhiyeli 34:24

Mina Nkosi ngizakuba nguNkulunkulu wazo, lenceku yami uDavida ibe yisikhulu phakathi kwazo. Mina Nkosi ngikhulumile.

UHezekhiyeli 35:11

ngalokho ngiyazifunga, kutsho iNkosi uNkulunkulu, ngizakukuphatha ngokufanele ukuzonda kwakho lomona wakho owawenzayo ngenxa yokubazonda kwakho; ngizakwenza ukuba ungazi nxa ngikuthonisisa.

UHezekhiyeli 47:14

Lizalahlukanisa ngokulinganayo; ngafunga ukulinika okhokho benu, lelilizwe lizakuba ngelenu.

UDanyeli 12:7

Lowomuntu ogqoke ilembu elihle, owayemi ngaphezu komfula, waphakamisela isandla sokunene lesandla sakhe sokhohlo phezulu; ngamuzwa efunga ngalowo ophila kuze kube nininini ukuba kuzakuba ngokweminyaka emithathu lengxenye. Lapho sekuphelile ukufohlozwa kwamandla abantu abangcwele, zonke lezizinto zizaphela.

ULevi 18:2

Tshono ebantwini bakoIsrayeli uthi: NgiyiNkosi uNkulunkulu wenu.

UMakho 13:20

Uba iNkosi ibingazifinyezanga insuku, bekungesiliswe muntu; kodwa izifinyezile ngenxa yabakhethiweyo ebakhethileyo.

UDutheronomi 14:2

Ngoba lingabantu abangcwele eNkosini yenu; ilikhethile ukuba libe ligugu layo phakathi kwezizwe zonke zasemhlabeni.

UDutheronomi 32:40

Ngoba ngiphakamisela isandla sami ezulwini, ngifunge ngithi: Njengoba ngiphila kokuphela,

UDutheronomi 4:34

Futhi omunye unkulunkulu wake wazama yini ukuzithathela isizwe phakathi kwesinye isizwe ngezinhlupheko, langezibonakaliso, langezimangaliso, langempi, langesandla esilamandla, langengalo elamandla, langezinto ezesabekayo, njengakho konke iNkosi uNkulunkulu wenu eyalenzela khona eGibithe phambi kwamehlo enu na?

UDutheronomi 4:37

Njengoba ibathandile okhokho benu, yakhetha inzalo yabo emva kwabo, yalikhupha yona ngokwayo eGibithe ngamandla ayo amakhulu,

UDutheronomi 7:6

Ngoba lingabantu abangcwele eNkosini uNkulunkulu wenu; ilikhethile ukuba libe ligugu kuyo phakathi kwazo zonke izizwe ezisemhlabeni.

UDutheronomi 7:7

INkosi kayilithandanga, kayilikhethanga ngoba lalibanengi kulazo zonke ezinye izizwe; ngoba lalibalutshwana kulazo zonke;

Isambulo 10:5

Isithunywa engasibona simi phezu kolwandle laphezu komhlabathi saphakamisela isandla saso sokunene ezulwini,

Isambulo 10:6

safunga yena ophilayo kuze kube nininini, owadala izulu lakho konke okukulo, lomhlaba lakho konke okukuwo, lolwandle lakho konke okukulo, sathi: Kakusayikuphuzwa;