UHezekhiyeli 20:41 - iBhayibhili Elingcwele 1978

⁴¹ Ngizalamukela njengephunga elimnandi nxa ngilikhupha ezizweni, ngiliqoqa emazweni lapho belichithachithelwe khona; ngizabonakalisa ubungcwele bami phakathi kwenu phambi kwezizwe.

IBhayibhili Elingcwele LesiNdebele

⁴¹ Ngizalamukela njengempepha elephunga elimnandi lapho sengilikhupha ezizweni njalo sengiliqoqa emazweni elalihlakazelwe kuwo, njalo ngizazibonakalisa ngingongcwele phakathi kwenu phambi kwezizwe.

UHezekhiyeli 20:41 ပူးပေါင်းရင်းမြစ်များ

UGenesisi 8:21

INkosi yezwa iphunga elimnandi, yathi enhliziyweni yayo: Kangisayikuphinda ngiqalekise umhlaba ngenxa yabantu, ngoba imicabango yomuntu mibi kusukela ebutsheni bakhe; futhi kangisayikuphinda ngibhubhise okuphilayo njengalokhu ngenzile.

2 USamuyeli 24:23

UArawana wayinika inkosi konke lokhu; wathi kuyo: INkosi uNkulunkulu wakho kayikwamukele.

U-Isaya 5:16

Kodwa iNkosi yamabandla iphakanyisiwe ngokwenza okufaneleyo, uNkulunkulu oNgcwele ubonakalisa ubungcwele bakhe ngokulunga.

UJeremiya 23:3

Ngizabutha eziseleyo emhlambini wami kuwo wonke amazwe lapho ngizixotshele khona, ngizibuyise futhi esibayeni sazo, zizazala, zande.

UJeremiya 30:18

INkosi ithi: Ngizabuyisa abantwana bakaJakobe, ngihawukele wonke amakhaya abo. Yonke imizi izakwakhiwa futhi endaweni yayo, lazo zonke izindlu zakhiwe njengakuqala.

UJeremiya 30:3

Ngoba insuku ziyeza, lapho ngizabuyisa abantu bami uIsrayeli loJuda, kutsho iNkosi. Ngizababuyisela elizweni engalinika okhokho babo, libe ngelabo.

UJeremiya 32:37

Khangela, ngizabaqoqa emazweni wonke lapho ngibaxotshele khona ekuthukutheleni kwami langokufutheka kwami langolaka olukhulu; ngizababuyisa kulindawo, ngibenze ukuba bahlale bevikelekile.

UHezekhiyeli 11:17

Ngakhoke tshono uthi iNkosi uNkulunkulu ithi: Ngizabaqoqa ezizweni, ngibabuthe emazweni engibachithachithele kiwo, ngibanike ilizwe lakoIsrayeli.

UHezekhiyeli 20:28

Ngoba ngathi sengibalethile elizweni engangifunge ukubanika lona, kwathi lapho bebona intaba eziphakemeyo lezihlahla ezilamahlamvu amanengi, banikela imihlatshelo yabo lapho, kanye leminikelo eyangithukuthelisayo: banikela lapho iminikelo elephunga elihle, leminikelo yokuthululwa.

UHezekhiyeli 28:22

uthi: INkosi uNkulunkulu ithi: Ngimelene lawe, wena Sidoni, ngizabonakalisa udumo lwami phakathi kwakho. Bazakwazi ukuba ngiyiNkosi lapho sengilithonisisa, ngibonakalise ubungcwele bami kilo.

UHezekhiyeli 28:25

INkosi uNkulunkulu ithi: Nxa sengibutha uIsrayeli ebantwini abachithachithwe kibo, ngizabonakalisa ubungcwele bami kibo phambi kwezizwe; bazahlala elizweni labo engalinika inceku yami uJakobe.

UHezekhiyeli 34:11

INkosi uNkulunkulu ithi: Mina uqobo lwami ngizazilandela izimvu zami, ngizidinge.

UHezekhiyeli 34:19

Izimvu zami zimele zidle lokhu okunyathelwe ngenyawo zenu, zinathe okungcoliswe ngenyawo zenu na?

UHezekhiyeli 37:25

Bazahlala elizweni elalihlala okhokho benu engalinika inceku yami uJakobe; bona kanye labantwana babo labantwana babantwana babo bahlale khona kokuphela. UDavida inceku yami uzakuba yisikhulu sabo kokuphela.

UHezekhiyeli 38:16

Uzahlasela abantu bami bakoIsrayeli njengeyezi lisibekela umhlaba. Ensukwini zokucina ngizakukuqhubeza lelizwe lami ukuze izizwe zingazi, nxa ngibonakalisa ngawe ubungcwele bami phambi kwazo, wena Gogi.

UHezekhiyeli 38:23

Ngalokho ngizaveza ubukhulu bami lobungcwele bami, ngizibonakalise ezizweni ezinengi; ng’khonake bazakwazi ukuba ngiyiNkosi.

UHezekhiyeli 38:8

Emva kwensuku ezinengi uzakubuthwa; eminyakeni ezayo uzahlasela ilizwe elathathwa empini, elilabantu ababuthwa ezizweni ezinengi, babekwa ezintabeni zakoIsrayeli ebeziyinkangala isikhathi eside. AbakoIsrayeli abakhutshwa ezizweni bazahlala khona bangethuki, bonke ngoluthi lwabo.

UHezekhiyeli 6:13

Lizakwazi ukuba ngiyiNkosi nxa ababuleweyo babo sebelele phakathi kwezithombe zabo, behanqe ama‐altare abo, phezu kwawo wonke amaqaqa amade, lasezingqongeni zonke zezintaba, langaphansi kwazo zonke izihlahla eziluhlaza, langaphansi kwazo zonke izihlahla ezinkulu ezilamahlamvu, loba kungaphi lapho bebenikela khona ngephunga elimnandi kuzo zonke izithombe zabo.

ULevi 1:13

Imibilini lemilenze kayigeziswe ngamanzi; umpristi anikele konke, akutshise ealtareni; kungumnikelo wokutshiswa, umnikelo owenziwe ngomlilo, olephunga elimnandi eNkosini.

ULevi 1:17

ayidonse ngamaphiko, kodwa angayidabuli; umpristi ayitshise ealtareni, phezu kwenkuni ezisemlilweni, kube ngumnikelo wokutshiswa, umnikelo owenziwe ngomlilo, olephunga elimnandi eNkosini.

ULevi 1:9

Imibilini yayo lemilenze yayo kayigeziswe ngamanzi; umpristi akutshise konke ealtareni kube ngumnikelo wokutshiswa, umnikelo owenziwe ngomlilo, olephunga elimnandi eNkosini.

ULevi 10:3

UMose wasesithi kuAroni: Yikho lokhu iNkosi eyakutsho isithi: Ngizakuzibonakalisa ukuthi ngingcwele ngalabo abaseduze lami, futhi ngizakuba lodumo phambi kwabantu bonke. UAroni wathula.

uAmosi 9:14

Ngizabuyisa abantu bami uIsrayeli, bayakhe futhi imizi echithekileyo, bahlale kiyo; bahlanyele izivini, banathe iwayini lazo, balime amasimu, badle izithelo zawo.

AmaNani 20:13

La ngamanzi aseMeriba, lapho abantu bakoIsrayeli baphikisana khona leNkosi, yazibonakalisa kubo ukuthi ingcwele.

ULukha 2:14

Udumo kalube kuNkulunkulu kweliphezulu, lokuthula emhlabeni ebantwini abathokozelwa nguye.

2 AbaseKhorinte 2:14

Kabongwe uNkulunkulu osiholayo njalo odwendweni lokunqoba ngoKristu, ebonakalisa ngathi iphunga elihle lokwazi kwakhe endaweni zonke.

2 AbaseKhorinte 2:15

Ngoba siliphunga elimnandi likaKristu kuNkulunkulu phakathi kwalabo abasiliswayo laphakathi kwalabo ababhubhayo.

Abase-Efesu 5:2

lihambe ngothando, njengalokhu uKristu wasithanda, wazinikela ngenxa yethu, abe ngumnikelo lomhlatshelo olephunga elimnandi kuNkulunkulu.

AbaseFiliphi 4:18

Kodwa ngilakho konke ngokupheleleyo; nganelisiwe nginikwe nguEpafrodithu iziphiwo elazithumelayo, eziliphunga elihle, umnikelo omuhle lowamukelekayo kuNkulunkulu.

1 UPhethro 3:15

kodwa enhliziyweni zenu mdumiseni uKristu oyiNkosi. Lihlale lizilungisele ukuphendula bonke abalibuza isizatho sokuthemba kwenu, likwenze ngobumnene langokuhlakanipha;