UHezekhiyeli 20:39 - iBhayibhili Elingcwele 1978

³⁹ Linake, Israyeli, kutsho iNkosi uNkulunkulu, hambani lonke liyekhonza izithombe zenu! Kodwa ngithi lizangilalela ekucineni; lizayekela ukungcolisa ibizo lami elingcwele ngeminikelo yenu langezithombe zenu.

IBhayibhili Elingcwele LesiNdebele

³⁹ Kuwe-ke, wena ndlu ka-Israyeli, nanku okutshiwo nguThixo Wobukhosi: Hambani liyekhonza izithombe zenu, lonke! Kodwa emva kwalokho ngeqiniso lizangilalela lingalingcolisi futhi ibizo lami ngezipho zenu langezithombe.

UHezekhiyeli 20:39 ပူးပေါင်းရင်းမြစ်များ

2 AmaKhosi 3:13

UElisha wathi enkosini yakoIsrayeli: Ufunani kimi na? Hamba kubaprofethi bakayihlo labakanyoko. Kodwa inkosi yakoIsrayeli yathi kuye: Atshi, yiNkosi uNkulunkulu ehlanganise lamakhosi amathathu ukuwanikela ezandleni zamaMowabi.

AmaHubo 81:12

Ngasengibayekela enkanini yenhliziyo zabo, ukuba bahambe ngokuthanda kwabo.

Izaga 21:27

Umhlatshelo wababi uyisinengiso eNkosini, ikakhulu nxa bewuletha ngenhliziyo ezimbi.

U-Isaya 66:3

Ohlaba inkabi unjengobulala umuntu; onikela umhlatshelo ngewundlu unjengowephula intamo yenja; onikela umnikelo wempuphu unjengonikela umnikelo ngegazi lengulube; otshisa impepha kube ngumnikelo wesikhumbuzo unjengodumisa isithombe. Konke lokhu kuyizenzo abantu abazikhethela zona, labo abazithokozisa ngezinengiso zabo.

UHezekhiyeli 43:7

wathi kimi: Ndoda, le yindawo yesihlalo sami sobukhosi lendawo yenyawo zami, lapho ngizahlala khona phakathi kwabantu bakoIsrayeli kokuphela. AbakoIsrayeli kabasayikungcolisa ibizo lami elingcwele, bona lamakhosi abo, ngokuwula kwabo langezidumbu zamakhosi abo,

UHosiya 4:17

UEfrayimi uzihlanganisile lezithombe

uAmosi 6:10

Lapho isihlobo somunye wawo esitshisa amathambo akhe sithatha amathambo ukuba siwakhuphe endlini, sithi kophakathi endlini impela: Kusekhona omunye umuntu olawe na? Yena uzakuthi: Atshi. Thula, ungaliphathi ibizo leNkosi.

UMatewu 6:24

Kakho ongakhonza amakhosi amabili. Ngoba uzakuzonda enye athande enye, ingabe uzakubambelela kwenye adelele enye. Lingekhonze uNkulunkulu lenotho.

Imisebenzi 7:42

Kodwa uNkulunkulu wabafulathela, wabanikela ukuba bakhonze izinkanyezi, njengokulotshiweyo encwadini yabaprofethi ukuthi: Laletha kimi imihlatshelo leminikelo iminyaka engamatshumi amane enkangala lina ndlu kaIsrayeli na?

2 AbaseThesalonika 2:11

Ngakhoke uNkulunkulu ubathumele okuduhisayo, ukuze bakholwe amanga,

UJoshuwa 24:15

Uba lingafuni ukuyikhonza iNkosi, khethani lamhla lowo elizamkhonza, onkulunkulu abakhonzwa ngokhokho benu elizweni elingaphetsheya komfula iYufrathi, loba onkulunkulu bamaAmori elihlala elizweni lawo. Mina lendlu yami sizayikhonza iNkosi.

Abahluleli 10:14

Hambani liyekhala kulabonkulunkulu elibakhethileyo, balikhulule bona ngesikhathi sokuhlupheka kwenu.