UHezekhiyeli 20:32 - iBhayibhili Elingcwele 1978

³² Umcabango elilawo kawuyikwenzeka othi: Asifane lezizwe, labantu bamanye amazwe abakhonza isigodo lelitshe.

IBhayibhili Elingcwele LesiNdebele

³² Lina lithi, “Sifuna ukuba njengezizwe, njengabantu basemhlabeni, abakhonza izigodo lamatshe.” Kodwa lokho elilakho engqondweni akusoze kwenzakale.

UHezekhiyeli 20:32 ပူးပေါင်းရင်းမြစ်များ

AmaHubo 139:2

Uyakwazi ukuhlala kwami lokusuka kwami; uyayazi imicabango yami ukhatshana.

AmaHubo 33:10

INkosi ichitha icebo lezizwe, iphuthisa imicabango yabantu.

Izaga 19:21

Umuntu angaba lamacebo amanengi, kodwa yintando yeNkosi ezakuma.

U-Isaya 37:19

aphosela onkulunkulu bazo emlilweni, ngoba babengesibo onkulunkulu, kodwa babengumsebenzi wezandla zabantu, beyizigodo lamatshe; ngalokhoke babhujiswa.

UJeremiya 2:25

Ungazidinisi ngokuhambahamba ulandela abanye onkulunkulu, loba uzibulale ngomhawu. Kodwa wena wathi: Atshi, kangiyekeli, ngoba ngithandile abezizweni, ngizakubalandela.

UJeremiya 44:17

Kodwa sizakwenza konke esizimisele ukukwenza; sizatshisela iNkosikazi yaphezulu impepha, siyithululele iminikelo yokuthululwa, njengokuba besisenza thina, labobaba, lamakhosi ethu, lezikhulu zethu, emizini yakoJuda lasezindleleni zeJerusalema; ngoba sasilokudla okunengi, sihlezi kuhle singaboni okubi.

UJeremiya 44:29

Lokhu kuzakuba yisibonakaliso kini, kutsho iNkosi, ukuthi ngizalitshaya kulindawo, ukuze lazi ukuthi amazwi ami engiwakhuluma ngani azakuma impela.

Izililo 3:37

Ngubani ongalawula, kwenzeke, nxa iNkosi ikwalile na?

UHezekhiyeli 11:5

Umoya weNkosi wehlela kimi, iNkosi yangitshela ukuba ngithi: INkosi ithi: Litsho njalo, lina bakoIsrayeli, ngoba ngiyakwazi okusengqondweni zenu.

UHezekhiyeli 38:10

INkosi uNkulunkulu ithi: Ngalo losuku kuzafika imicabango engqondweni yakho, wenze amacebo amahi,

UDanyeli 5:4

Banatha iwayini, badumisa onkulunkulu begolide labesiliva labethusi labensimbi labesigodo labelitshe.

UHosiya 4:12

bayacela izeluleko esigodweni, lentonga yabo iyabeluleka. Ngoba umoya wokuwula ubaduhisile, bawulile ngokutshiya uNkulunkulu wabo.

AbaseRoma 12:2

Lingalingisi lumhlaba, kodwa liphendulwe ngokwenziwa zibentsha ingqondo zenu, ukuze libonisise okuyintando kaNkulunkulu, lokulungileyo, lokwamukelekayo, lokupheleleyo.

UDutheronomi 28:36

INkosi izalinikela lina lenkosi yenu elayibeka ukulibusa esizweni elingasaziyo lina labokhokho benu, likhonze lapho abanye onkulunkulu abenziwe ngesigodo langelitshe.

UDutheronomi 28:64

INkosi izakulihlakazela phakathi kwabantu bonke, kusukela komunye umkhawulo womhlaba kuze kube komunye, likhonze lapho abanye onkulunkulu abenziwe ngesigodo langelitshe, elingabaziyo lina labokhokho benu.

UDutheronomi 29:17

labona izinto zazo ezinengekayo, izithombe zazo ezenziwe ngesigodo langelitshe, ezesiliva lezegolide, ezazikhona kuzo.

UDutheronomi 4:28

Lapho lizakukhonza onkulunkulu abenziwe ngezandla zabantu ngezihlahla langamatshe, abangaboniyo, abangezwayo, abangadliyo labanganukiyo.

Isambulo 9:20

Abaseleyo babantu abangabulawanga yilezizifo kabaphendukanga emisebenzini yezandla zabo ukuba bangakhonzi omoya ababi, lezithombe zegolide, lezesiliva, lezethusi, lezelitshe, lezesihlahla, izinto ezingaboniyo lezingezwayo lezingahambiyo.

1 USamuyeli 8:5

Bathi kuye: Khangela, usuluphele, amadodana akho kawahambi ngendlela zakho; ngakho sibekele inkosi isibuse njengazo zonke izizwe.