UHezekhiyeli 20:31 - iBhayibhili Elingcwele 1978

³¹ Lapho linikela iminikelo yenu, linikela abantwana benu ngokubatshisa ngomlilo, liyazingcolisa ngezithombe zenu zonke kuze kube lamhla. Ngizabuzwa yini, Israyeli na? Ngiyazifunga, kutsho iNkosi uNkulunkulu, kangiyikubuzwa yini.

IBhayibhili Elingcwele LesiNdebele

³¹ Lapho linikela izipho zenu, imihlatshelo yamadodana enu emlilweni, liyaqhubeka lizingcolisa ngazozonke izithombe zenu kuze kube lamhla. Kumele ngivume na ukuba ungibuze, wena ndlu ka-Israyeli? Ngeqiniso elinjengoba ngikhona, kutsho uThixo Wobukhosi, kangiyikuvuma ukuba lingibuze.

UHezekhiyeli 20:31 ပူးပေါင်းရင်းမြစ်များ

UJobe 27:10

Uzathokoza ngoSomandla na? Uzakhuleka kuye izikhathi zonke na?

UJobe 27:8

Ngoba liyini ithemba longamesabiyo uNkulunkulu nxa uNkulunkulu esemqumile, esesusile ukuphila kwakhe na?

AmaHubo 66:18

Uba bengiqonde ububi enhliziyweni yami, ibingayikuzwa iNkosi.

Izaga 28:9

Uba umuntu engawulaleli umlayo, lemikhuleko yakhe izakuba yisinengiso.

U-Isaya 1:15

Lapho liselulela izandla zenu kimi, ngizalifihlela amehlo ami; lanxa lisenza imikhuleko eminengi, kangiyikuyilalela; izandla zenu zigcwele igazi.

U-Isaya 57:5

lina elitsha ngenkanuko phakathi kwezihlala ezinkulu, ngaphansi kwazo zonke izihlahla eziluhlaza, elibulalela abantwana benu ezihotsheni, langaphansi kweminkenke yamawa na?

UJeremiya 14:12

Loba bezila ukudla, kangiyikuzwa ukukhala kwabo; loba benikela umnikelo wokutshiswa lomnikelo wempuphu, kangiyikuthokoza ngabo; kodwa ngizabaqeda ngempi langendlala langomkhuhlane.

UJeremiya 19:5

bakha izindawo eziphakemeyo zikaBali ukutshisa amadodana abo ngomlilo abe ngumnikelo wokutshiswa kuBali, into engingabalayanga yona ngayimisa, lengafikanga engqondweni yami.

UJeremiya 7:31

Bakhile indawo ephakemeyo yokukhonzela eTofethi, esesihotsheni seBeni‐Hinomu, ukuba batshise amadodana lamadodakazi abo ngomlilo, into engingabalayanga yona lengingacabanganga ngayo.

UHezekhiyeli 16:20

Wathatha amadodana lamadodakazi akho owawungizalele wona, wawanikela kuzo ukuba adliwe. Lokhu kwakuyinto encinyane yini kulokuwula kwakho na?

UHezekhiyeli 16:36

INkosi uNkulunkulu ithi: Njengoba unqunule, kwabonwa ubunqunu bakho lapho uwula lezithandwa zakho, langenxa yazo zonke izithombe zakho, langenxa yegazi labantwana bakho olinike zona,

UHezekhiyeli 20:26

ngabayekela ukuba bazingcolise ngeminikelo yabo uqobo, lokuba banikele ngamazibulo abo wonke ngokuwatshisa ngomlilo ukuze ngibesabise. Ngakwenza lokho ukuba bazi ukuba ngiyiNkosi.

UHezekhiyeli 20:3

Ndoda, khuluma kwabadala bakoIsrayeli, uthi kibo: INkosi uNkulunkulu ithi: Kambe lizile ukubuza kimi na? Ngiyazifunga, kutsho iNkosi uNkulunkulu, kangiyikubuzwa yini.

UHezekhiyeli 23:37

Ngoba bafebile, lezandla zabo zigcwele igazi. Bafebile lezithombe zabo, banikela kuzo lamadodana abangizalele wona abe yikudla kwazo.

UHezekhiyeli 33:30

Wenake, ndoda, abantu bakini bakhuluma ngawe emidulini laseminyango yezindlu, lowo lalowo uthi kumfowabo: Woza, sizwe ukuba ilizwi lithini elivela eNkosini.

uAmosi 8:12

Abantu bazazula kusukela olwandle kuze kube solwandle, kusukela enyakatho kuze kube sempumalanga, bagijimele le lale, bedinga ilizwi leNkosi, bangalifumani.

UZakhariya 7:13

INkosi yamabandla yathi: Njengoba ngababiza, kabaze bezwa, labo babiza, lami kangaze ngezwa.