UHezekhiyeli 20:28 - iBhayibhili Elingcwele 1978

²⁸ Ngoba ngathi sengibalethile elizweni engangifunge ukubanika lona, kwathi lapho bebona intaba eziphakemeyo lezihlahla ezilamahlamvu amanengi, banikela imihlatshelo yabo lapho, kanye leminikelo eyangithukuthelisayo: banikela lapho iminikelo elephunga elihle, leminikelo yokuthululwa.

IBhayibhili Elingcwele LesiNdebele

²⁸ Kwathi lapho sengibangenisile elizweni engangifunge ngathi ngizabapha lona, bathi bebona loba luphi uqaqa oluphakemeyo, loba siphi isihlahla esilamahlamvu amanengi, khonapho banikelela khona imihlatshelo yabo, banikela iminikelo eyangithukuthelisayo, banikela impepha yabo elephunga elimnandi, bathulula leminikelo yabo yokunathwayo.

UHezekhiyeli 20:28 ပူးပေါင်းရင်းမြစ်များ

1 AmaKhosi 14:23

Ngoba labo bazakhela indawo eziphakemeyo zokukhonzela, lensika zokukhonzela, lezinsika zikankulunkulukazi uAshera phezu kwawo wonke amaqaqa aphakemeyo, langaphansi kwazo zonke izihlahla eziluhlaza.

2 AmaKhosi 17:10

bazimisela insika zokukhonzela lensika zikankulunkulukazi uAshera phezu kwawo wonke amaqaqa langaphansi kwazo zonke izihlahla ezinkulu.

2 AmaKhosi 17:12

bakhonza izithombe iNkosi eyayithe bangazikhonzi.

2 AmaKhosi 17:9

Benza okubi eNkosini uNkulunkulu wabo. Bazakhela indawo eziphakemeyo zokukhonzela kuyo yonke imizi yabo, kusukela enqabeni yokulinda kuze kube semzini obiyelweyo;

U-Isaya 65:7

ububi babo lobubi baboyise kanyekanye, itsho iNkosi. Ngoba batshisa impepha phezu kwezintaba, bangithuka phezu kwamaqaqa, ngizabaphindisela ngokubafaneleyo.

UJeremiya 19:13

Izindlu zaseJerusalema lezamakhosi akoJuda, zonke izindlu okwatshiselwa phezu kwazo impepha kuzo zonke inkanyezi, okwachithelwa kuzo leminikelo yokuthululwa kwabanye onkulunkulu, zizangcoliswa njengendawo yaseTofethi.

UJeremiya 2:7

Ngalingenisa elizweni elivundileyo ukuba lidle izithelo zalo lokuhle kwalo. Kodwa lapho selingenile lalingcolisa ilizwe lami, lenza ilizwe engalinika lona laba ngamanyala.

UJeremiya 3:6

INkosi yathi kimi ensukwini zenkosi uJosiya: Ubonile okwenziwe nguIsrayeli ongathembekanga na? Ukhwelile kuzo zonke intaba, langaphansi kwezihlahla zonke eziluhlaza uphingile khona.

UJeremiya 32:30

Ngoba amadodana akoIsrayeli lamadodana akoJuda enzile okubi kuphela phambi kwami, kusukela ebutsheni bawo; yebo, amadodana akoIsrayeli angicunule kuphela ngezenzo zabo, kutsho iNkosi.

UHezekhiyeli 16:19

Wathatha ukudla engakunika khona, impuphu ecolekileyo lamafutha kanye loluju engangikondla ngakho, wanikela ngakho kuzo, kwaba ngumnikelo olephunga elimnandi, kutsho iNkosi uNkulunkulu.

UHezekhiyeli 16:24

wazakhela ithala, wazenzela indawo ephakemeyo emidangeni yonke;

UHezekhiyeli 20:15

Futhi ngafunga kibo enkangala ukuba kangiyikubaletha elizweni engangilinike bona, ilizwe eligcwele uchago lenyosi, ilizwe elihle kulawo wonke amazwe,

UHezekhiyeli 20:29

Ngathi kibo: Iyini indawo ephakemeyo yokukhonzela eliya kiyo na? Ngakho ibizo layo lithiwa yiNdawo ephakemeyo yokukhonzela kuze kube lamuhla.

UHezekhiyeli 20:6

Ngalolosuku ngafunga kibo ukuba ngibakhuphe elizweni laseGibithe, ngibese elizweni engabadingela lona, ilizwe eligcwele uchago lenyosi, ilizwe elihle kulawo wonke amazwe.

UHezekhiyeli 6:13

Lizakwazi ukuba ngiyiNkosi nxa ababuleweyo babo sebelele phakathi kwezithombe zabo, behanqe ama‐altare abo, phezu kwawo wonke amaqaqa amade, lasezingqongeni zonke zezintaba, langaphansi kwazo zonke izihlahla eziluhlaza, langaphansi kwazo zonke izihlahla ezinkulu ezilamahlamvu, loba kungaphi lapho bebenikela khona ngephunga elimnandi kuzo zonke izithombe zabo.

ULevi 17:5

Ngalokho abantu bakoIsrayeli bafanele ukuletha eNkosini imihlatshelo abayihlaba egangeni, bayilethe kumpristi ngasemnyango wethente lokuhlangana, banikele ngayo ibe yiminikelo yokuthula eNkosini.

UJoshuwa 23:14

Khathesike sengizalitshiya, lonke liyazi enhliziyweni zenu lasemiphefumulweni yenu ukuba kakukho lokukodwa okungenzekanga kuzo zonke izinto ezinhle iNkosi uNkulunkulu wenu eyazithembisa ngani; konke kwenzakele, kakukho okukodwa okungenzakalanga.