UHezekhiyeli 20:24 - iBhayibhili Elingcwele 1978

²⁴ ngoba bengayenzanga imithetho yami, bezalile izimiso zami, bangcolisa amaSabatha ami, bathanda ukukhonza izithombe zokhokho babo.

IBhayibhili Elingcwele LesiNdebele

²⁴ ngoba babengayilalelanga imithetho yami kodwa bezalile izimiso zami batshaphaza amaSabatha ami, lamehlo abo alangazela izithombe zaboyise.

UHezekhiyeli 20:24 ပူးပေါင်းရင်းမြစ်များ

UJeremiya 2:7

Ngalingenisa elizweni elivundileyo ukuba lidle izithelo zalo lokuhle kwalo. Kodwa lapho selingenile lalingcolisa ilizwe lami, lenza ilizwe engalinika lona laba ngamanyala.

UHezekhiyeli 18:12

icindezela abayanga labaswelayo, iphanga abantu, ingabuyiseli isibambiso, iphakamisela amehlo ayo ezithombeni, yenze amanyala,

UHezekhiyeli 18:15

ingadleli emathempelini aphezu kwezintaba, ingaphakamiseli amehlo ayo ezithombeni zakoIsrayeli, ingangcolisi umfazi womakhelwana wayo,

UHezekhiyeli 18:6

engadleli emathempelini aphezu kwezintaba, engaphakamiseli amehlo akhe ezithombeni zakoIsrayeli, engangcolisi umfazi womakhelwana wakhe, engahlangani lowesifazana ngesikhathi esemfuleni,

UHezekhiyeli 20:13

Kodwa abakoIsrayeli bangihlamuka enkangala, kabahambanga ngezimiso zami, bala imithetho yami, umuntu azaphila ngayo uba eyenza, lamaSabatha ami bawangcolisa kakhulu. Ngasengisithi ngizakwehlisela ukuthukuthela kwami phezu kwabo enkangala, ngibaqede nya.

UHezekhiyeli 20:16

ngoba bala imithetho yami, kabahambanga ngezimiso zami, bangcolisa amaSabatha ami, ngoba inhliziyo zabo zathanda izithombe zabo.

UHezekhiyeli 23:38

Futhi benze lokho kimi, bangcolisa indlu yami engcwele, bona lamaSabatha ami.

UHezekhiyeli 6:9

Abaseleyo bakini bazangikhumbula phakathi kwezizwe abathunjelwe kizo; bazakhumbula ukudabuka kwami ngenxa yenhliziyo zabo ezasuka kimi ngenxa yobubi langenxa yamehlo abo ayelandele izithombe. Ng’khona bazanengwa yibo bonke ububi ababenzileyo langamanyala abo wonke.

uAmosi 2:4

INkosi ithi: Ngenxa yeziphambeko ezinengi zakoJuda kangiyikubayekela, ngoba bawalile umlayo weNkosi, kabagcinanga izimiso zayo, baduhiswe yizithombe zabo abazikhonzayo lokhokho babo.

UDutheronomi 4:19

Futhi lapho liphakamisela amehlo enu phezulu, libone ilanga lenyanga lezinkanyezi, konke okusezulwini, xwayani, funa liyengwe, likudumise likukhonze. INkosi uNkulunkulu wenu lokhu ikunike bonke abantu abangaphansi komthunzi welanga ukuba bakukhonze.