UHezekhiyeli 20:21 - iBhayibhili Elingcwele 1978

²¹ Kodwa labantwana bangihlamuka, kabaze bahamba ngezimiso zami, kabaqaphelisanga ukugcina imithetho yami, umuntu azaphila ngayo uba eyenza; bawangcolisa amaSabatha ami. Ngasengisithi ngizakwehlisela ukuthukuthela kwami phezu kwabo, ngibaqede ngolaka lwami enkangala.

IBhayibhili Elingcwele LesiNdebele

²¹ Kodwa abantwana bangihlamukela: Kabazilandelanga izimiso zami, kabananzanga ukugcina imithetho yami lanxa umuntu oyilalelayo ezaphila ngayo njalo batshaphaza amaSabatha ami. Ngakho ngathi ngizathululela ulaka lwami phezu kwabo ngiqedele ukuthukuthela kwami kubo enkangala.

UHezekhiyeli 20:21 ပူးပေါင်းရင်းမြစ်များ

2 ImiLando 34:21

Hambani liyesibuzela eNkosini uNkulunkulu mina lalabo abaseleyo koIsrayeli lakoJuda mayelana lamazwi alolugwalo olufunyenweyo; ngoba lukhulu ulaka lweNkosi olusehleleyo, ngoba obaba kabaligcinanga ilizwi layo ukuba benze njengokulotshiweyo kulolugwalo.

2 ImiLando 34:25

Ngoba bangidelile, batshisela abanye onkulunkulu impepha, ukuze bangithukuthelise ngezithombe zabo abazenzayo; ngakho ulaka lwami luzakwehlela phezu kwalindawo, lungadedi.

AmaHubo 78:10

Kabasilondolozanga isivumelwano sikaNkulunkulu, bala ukuhamba ngokomlayo wakhe.

UJeremiya 32:23

bangena bahlala kilo, kodwa kabalilalelanga ilizwi lakho, kabahambanga ngomlayo wakho, kabakwenzanga lokho owabatshela khona. Ngakhoke ubehlisele bonke lobububi.

Izililo 4:11

INkosi yaphelelisa ukuthukuthela kwayo, yehlisa ulaka lwayo olutshisayo, yaphemba umlilo eZiyone owaqothula izisekelo zalo.

UHezekhiyeli 13:15

Ngokunjaloke ngizakwehlisela emdulini ulaka lwami laphezu kwalabo abawucomba ngekalaga, besengisithi kuwe: Umduli kawusekho, kanye lalabo abawucombileyo,

UHezekhiyeli 20:11

Ngabanika izimiso zami, ngabatshengisa lemithetho yami, umuntu azaphila ngayo uba eyenza.

UHezekhiyeli 20:13

Kodwa abakoIsrayeli bangihlamuka enkangala, kabahambanga ngezimiso zami, bala imithetho yami, umuntu azaphila ngayo uba eyenza, lamaSabatha ami bawangcolisa kakhulu. Ngasengisithi ngizakwehlisela ukuthukuthela kwami phezu kwabo enkangala, ngibaqede nya.

UHezekhiyeli 20:36

Njengalokhu ngabathonisisa labokhokho benu enkangala yelizwe laseGibithe, ngokunjalo ngizalithonisisa lani, kutsho iNkosi uNkulunkulu.

UHezekhiyeli 20:8

Kodwa bangihlamuka, kabaze bangilalela. Bonke kabazilahlanga izinto ezenyanyekayo ababezibuka, kabazitshiyanga lezithombe zaseGibithe. Ngasengisithi ngizakwehlisa ukuthukuthela kwami phezu kwabo, ngibaqede ngolaka lwami phakathi kwelizwe laseGibithe.

UHezekhiyeli 21:31

ngehlisele ukuthukuthela kwami phezu kwakho, ngikuthungele ngomlilo wolaka lwami, ngikunikele ezandleni zabantu abalolunya, abakwaziyo ukubulala.

UHezekhiyeli 22:8

Udelele izinto zami ezingcwele, wangcolisa amaSabatha ami.

UHezekhiyeli 7:8

Ngizakwehlisela ulaka lwami phezu kwenu, ngiqedele ukuthukuthela kwami kini, ngilithonisise ngokufanele indlela zenu, ngilitshaye ngenxa yawo wonke amanyala enu.

UDanyeli 11:36

Inkosi izakwenza ekuthandayo; izaziphakamisa izikhulise ngaphezu kwabo bonke onkulunkulu, ikhulume okumangalisayo ngoNkulunkulu, iphumelele kuze kuphelele intukuthelo, ngoba okumisiweyo kuzakwenziwa.

AmaNani 21:5

Bamsola uNkulunkulu loMose bathi: Lasikhuphelani eGibithe ukuba sife enkangala na? Ngoba kakulakudla lamanzi, futhi sekusitshiphele lokhukudla okubi.

UMatewu 19:17

Wathi kuye: Ungibuzelani ngokulungileyo na? Munye kuphela olungileyo. Kodwa uba uthanda ukungena ekuphileni, gcina imilayo.

Imisebenzi 13:18

Wababekezelela okweminyaka engamatshumi amane enkangala.

UDutheronomi 31:27

Ngoba ngiyazi ukuthi lingabaxhwalayo, lenhliziyo zenu zilukhuni; lanxa ngisekhona beliyihlamuka iNkosi; pho, lizahlamuka kangakanani lapho sengifile na?

Isambulo 16:1

Ngasengisizwa ilizwi elikhulu livela ethempelini lisithi kuzo izithunywa eziyisikhombisa: Hambani, lithululele emhlabeni okusemiganwini eyisikhombisa okululaka lukaNkulunkulu.