UHezekhiyeli 20:13 - iBhayibhili Elingcwele 1978

¹³ Kodwa abakoIsrayeli bangihlamuka enkangala, kabahambanga ngezimiso zami, bala imithetho yami, umuntu azaphila ngayo uba eyenza, lamaSabatha ami bawangcolisa kakhulu. Ngasengisithi ngizakwehlisela ukuthukuthela kwami phezu kwabo enkangala, ngibaqede nya.

IBhayibhili Elingcwele LesiNdebele

¹³ Kodwa abantu bako-Israyeli bangihlamukela enkangala. Kabazilandelanga izimiso zami kodwa bayala imithetho yami, njalo batshaphaza amaSabatha ami kakhulu, ngakho umuntu oyilalelayo uzaphila ngayo. Ngokunjalo ngathi ngizathululela ulaka lwami phezu kwabo ngibaqede du enkangala.

UHezekhiyeli 20:13 ပူးပေါင်းရင်းမြစ်များ

2 USamuyeli 12:9

Udeleleni ilizwi leNkosi ukuba wenze okubi emehlweni ayo na? Ubulele uUriya umHethi ngomkhonto, umbulele ngomkhonto wamaAmoni, wathatha umkakhe waba ngowakho.

2 ImiLando 30:7

Lingabi njengaboyihlo lezihlobo zenu ababengathembekanga eNkosini uNkulunkulu wabokhokho benu, yaze yabanikela ukuba bachithwe njengoba libona nje.

UNehemiya 13:17

Ngazisola izikhulu zakoJuda, ngathi kuzo: Buyini lobobubi elibenzayo ngokungcolisa usuku lweSabatha na?

U-Eksodasi 32:10

ngakhoke ngiyekele ukuba ulaka lwami lubavuthele, ngibaqede; kodwa wena ngizakukwenza ube yisizwe esikhulu.

U-Eksodasi 32:8

baphambukile masinyane endleleni engabalaya ngayo; bazenzele ithole elikhandiweyo, balikhonza, balihlabela, bathi: Nangu unkulunkulu wakho, Israyeli, owakukhupha eGibithe.

Izaga 1:25

ladelela konke ukweluleka kwami, kalivumanga ukukhuza kwami;

Izaga 13:13

Odelela izeluleko uzehlisela ingozi; olalela imilayo uzakuvuzwa.

U-Isaya 56:6

Labezizwe abazihlanganisa leNkosi ukuyikhonza lokuthanda ibizo layo, babe yizinceku zayo, bonke abagcina iSabatha, bengaloni, bebambelela esivumelwaneni sami,

U-Isaya 63:10

Kodwa bayivukela, badabukisa umoya wayo ongcwele; yaphenduka yaba yisitha sabo, yalwa labo.

UJeremiya 7:24

Kodwa kabezwanga, kabalalelanga: bahamba ngamacebo abo langenkani yenhliziyo zabo ezimbi, bahlehlela emuva, kabayanga phambili.

UHezekhiyeli 20:11

Ngabanika izimiso zami, ngabatshengisa lemithetho yami, umuntu azaphila ngayo uba eyenza.

UHezekhiyeli 20:14

Kodwa kangikwenzanga ngenxa yebizo lami ukuba lingangcoliswa phambi kwezizwe engabakhupha phambi kwazo.

UHezekhiyeli 20:16

ngoba bala imithetho yami, kabahambanga ngezimiso zami, bangcolisa amaSabatha ami, ngoba inhliziyo zabo zathanda izithombe zabo.

UHezekhiyeli 20:21

Kodwa labantwana bangihlamuka, kabaze bahamba ngezimiso zami, kabaqaphelisanga ukugcina imithetho yami, umuntu azaphila ngayo uba eyenza; bawangcolisa amaSabatha ami. Ngasengisithi ngizakwehlisela ukuthukuthela kwami phezu kwabo, ngibaqede ngolaka lwami enkangala.

UHezekhiyeli 20:24

ngoba bengayenzanga imithetho yami, bezalile izimiso zami, bangcolisa amaSabatha ami, bathanda ukukhonza izithombe zokhokho babo.

UHezekhiyeli 20:36

Njengalokhu ngabathonisisa labokhokho benu enkangala yelizwe laseGibithe, ngokunjalo ngizalithonisisa lani, kutsho iNkosi uNkulunkulu.

UHezekhiyeli 20:8

Kodwa bangihlamuka, kabaze bangilalela. Bonke kabazilahlanga izinto ezenyanyekayo ababezibuka, kabazitshiyanga lezithombe zaseGibithe. Ngasengisithi ngizakwehlisa ukuthukuthela kwami phezu kwabo, ngibaqede ngolaka lwami phakathi kwelizwe laseGibithe.

UHezekhiyeli 22:8

Udelele izinto zami ezingcwele, wangcolisa amaSabatha ami.

UHezekhiyeli 23:38

Futhi benze lokho kimi, bangcolisa indlu yami engcwele, bona lamaSabatha ami.

ULevi 18:5

Ngakhoke gcinani izimiso zami lezahlulelo zami; umuntu angaphila ngokwenza njalo.

ULevi 26:15

uba lilahla izimiso zami, lidelele izahlulelo zami, ukuze lingenzi imilayo yami yonke, leqe isivumelwano sami,

ULevi 26:43

Kodwa ilizwe lizakutshiywa yibo, lithokoze ngamaSabatha alo lisahlezi lichithekile, lingelabo. Bazakutshaywa ngenxa yobubi babo, ngoba balahla izahlulelo zami, badelela izimiso zami.

uAmosi 2:4

INkosi ithi: Ngenxa yeziphambeko ezinengi zakoJuda kangiyikubayekela, ngoba bawalile umlayo weNkosi, kabagcinanga izimiso zayo, baduhiswe yizithombe zabo abazikhonzayo lokhokho babo.

AmaNani 14:22

bonke abantu ababone inkazimulo yami lezibonakaliso zami engazenza eGibithe lasenkangala, abangilingileyo izikhathi ezilitshumi bengezwanga ilizwi lami,

AmaNani 14:29

Izidumbu zenu zizagcwala inkangala le, lina lonke elabalwayo elileminyaka engamatshumi amabili lengaphezulu, elangisolayo.

AmaNani 16:45

Suka ebandleni leli ukuba ngibachithe khathesinje. Bathi mbo ngobuso phansi.

AmaNani 26:25

Lezi zinsendo zikaIsakari; babezinkulungwane ezingamatshumi ayisithupha lane, lamakhulu amathathu.

AbaseRoma 10:5

UMose uloba ukuthi lowo owenza ukulunga okungomlayo uzakuphila ngakho.

UDutheronomi 31:27

Ngoba ngiyazi ukuthi lingabaxhwalayo, lenhliziyo zenu zilukhuni; lanxa ngisekhona beliyihlamuka iNkosi; pho, lizahlamuka kangakanani lapho sengifile na?

UDutheronomi 9:7

Khumbulani, lingakhohlwa, ukuthi lathukuthelisa iNkosi uNkulunkulu wenu enkangala; layivukela kusukela osukwini elaphuma ngalo eGibithe laze lafika kulindawo.

UDutheronomi 9:8

LaseHorebe layithukuthelisa, yaze yafisa ukulichitha ngenxa yokuthukuthela kwayo okukhulu.

1 AbaseThesalonika 4:8

Ngakhoke lowo odelela lokhu kadeleli muntu, kodwa udelela uNkulunkulu olinika uMoya wakhe oNgcwele.

1 USamuyeli 8:8

Benza kuwe konke lokho abakwenza kimi, kusukela ekubakhupheni kwami eGibithe kuze kube lamhla; bangitshiyile bakhonza abanye onkulunkulu.