UHezekhiyeli 20:12 - iBhayibhili Elingcwele 1978

¹² Futhi ngabanika amaSabatha ami ukuba abe yisibonakaliso phakathi kwami labo, ukuba bazi ukuthi mina Nkosi ngiyabenza babe ngcwele.

IBhayibhili Elingcwele LesiNdebele

¹² Njalo ngabanika lamaSabatha ami njengesibonakaliso phakathi kwami labo, ukuze bakwazi ukuthi mina Thixo ngabenza baba ngcwele.

UHezekhiyeli 20:12 ပူးပေါင်းရင်းမြစ်များ

UGenesisi 2:3

UNkulunkulu wabusisa usuku lwesikhombisa, walwenza lwaba ngcwele; ngoba ngalolosuku waphumula emsebenzini wakhe wonke wokudala uNkulunkulu ayewenza.

UNehemiya 9:14

wabazisa iSabatha lakho elingcwele, wabanika imilayezelo lezimiso lomlayo ngenceku yakho uMose.

U-Eksodasi 16:29

Njengoba iNkosi ilinikile iSabatha, iyalinika ngosuku lwesithupha isinkwa sensuku ezimbili; hlalani kube yilowo lalowo endaweni yakhe, kungaphumi muntu endaweni yakhe ngosuku lwesikhombisa.

U-Eksodasi 35:2

Kuzasetshenzwa insuku eziyisithupha, kodwa usuku lwesikhombisa luzakuba lusuku olungcwele kini, lube liSabatha lokuphumula leNkosi; lowo osebenza ngalo uzakubulawa.

U-Isaya 56:2

Ubusisiwe umuntu owenza lokhu, lomuntu ebambelela kukho, ogcina iSabatha, engaloni, lothinta isandla sakhe ukuba singenzi okubi.

UJeremiya 17:22

Futhi lingakhuphi umthwalo ezindlini zenu ngeSabatha, lingasebenzi lutho; kodwa lwenzeni usuku lweSabatha lube ngcwele, njengokubalaya kwami okhokho benu.

UHezekhiyeli 20:20

lihloniphe amaSabatha ami ukuba abe yisibonakaliso phakathi kwami lani, ukuba lazi ukuthi ngiyiNkosi uNkulunkulu wenu.

UHezekhiyeli 20:26

ngabayekela ukuba bazingcolise ngeminikelo yabo uqobo, lokuba banikele ngamazibulo abo wonke ngokuwatshisa ngomlilo ukuze ngibesabise. Ngakwenza lokho ukuba bazi ukuba ngiyiNkosi.

UHezekhiyeli 37:28

Ng’khona izizwe zizakwazi ukuthi mina Nkosi ngenza uIsrayeli abe ngcwele nxa indlu yami engcwele isiphakathi kwabo kokuphela.

UHezekhiyeli 44:24

Lapha kukhona ukuphikisana bazakwahlulela, bahlulele ngokufanele izahlulelo zami. Bazagcina imilayo yami lezimiso zami kiyo yonke imikhosi yami emisiweyo, bagcine amaSabatha ami abe ngcwele.

ULevi 20:8

Gcinani izimiso zami, lizenze. NgiyiNkosi elenzayo libe ngcwele.

ULevi 21:15

ukuba angangcolisi abantwana bakhe phakathi kwabakibo. NgiyiNkosi engimenzayo ukuba abe ngcwele.

ULevi 21:23

kodwa angasondeli kulo iveli lakulo ialtare, lokhu elesici, ukuze angangcolisi izindlu zami ezingcwele. NgiyiNkosi ebenzayo ukuba babe ngcwele.

ULevi 21:8

Mahlukaniseleni iNkosi, ngoba unikela ngokudla kukaNkulunkulu wenu. Uzakuba ngcwele kini, ngoba mina Nkosi engilenza libe ngcwele ngingcwele.

ULevi 23:24

Tshono ebantwini bakoIsrayeli uthi: Usuku lokuqala lwenyanga yesikhombisa luzakuba lusuku lokuphumula kini, usuku oluyisikhumbuzo olumenyezelwa ngokutshwaywa kwezimpondo, kube lenkonzo enkulu ngalo.

ULevi 23:3

Umsebenzi uzakwenziwa insuku eziyisithupha; kodwa usuku lwesikhombisa luzakuba liSabatha lokuphumula, lube lusuku lwenkonzo enkulu; lingasebenzi ngalo; luyiSabatha eNkosini kuyo yonke imizi yenu.

ULevi 23:32

Lolosuku luzakuba liSabatha lokuphumula kini, lizithobe; ngosuku lwesificamunwemunye lwenyanga, kusukela kusihlwa kuze kube kusihlwa, lizakugcina iSabatha lenu.

ULevi 23:39

Ngosuku lwetshumi lanhlanu lwenyanga yesikhombisa, lapho selibuthile isivuno selizwe, gcinani umkhosi weNkosi insuku eziyisikhombisa. Usuku lokuqala losuku lwesificaminwembili zizakuba yizinsuku zokuphumula.

ULevi 25:4

Kodwa ngomnyaka wesikhombisa kuzakuba khona elizweni iSabatha lokuphumula, iSabatha leNkosi. Kaliyikulima amasimu enu, lingatheni amavini enu.

AbaseKholose 2:16

Ngakho kakungabi khona umuntu olilahla ngokudla langokunatha, loba langemikhosi, loba ngokuthwasa kwenyanga, loba ngeSabatha.

1 AbaseThesalonika 5:23

UNkulunkulu wokuthula uqobo, kalenze libe ngcwele ngokupheleleyo, kulondolozwe umoya wenu wonke lomphefumulo lomzimba, ukuze lingasoleki ekufikeni kweNkosi yethu uJesu Kristu.

UJuda 1:1

Mina Juda, inceku kaJesu Kristu lomfowabo kaJakobe, ngithi kubo ababiziweyo abathandekayo kuNkulunkulu uBaba abagcinelwe uJesu Kristu: