UHezekhiyeli 2:3 - iBhayibhili Elingcwele 1978

³ lathi kimi: Ndoda, ngiyakuthuma ebantwini bakoIsrayeli, esizweni esihlamukayo, esingivukelayo. Bona labokhokho babo bonile kimi kuze kube lamuhla.

IBhayibhili Elingcwele LesiNdebele

³ Wathi, “Ndodana yomuntu, ngiyakuthuma kuma-Israyeli, isizwe esihlamukayo esangihlamukelayo, laboyise bangihlamukela kuze kube yilolusuku.

UHezekhiyeli 2:3 ပူးပေါင်းရင်းမြစ်များ

2 AmaKhosi 17:14

Kodwa kabalalelanga, baba lenkani njengokhokho babo abangayithembanga iNkosi uNkulunkulu wabo.

2 AmaKhosi 17:15

Badelela izimiso zayo lesivumelwano eyasenza lokhokho babo lezixwayiso eyabanika zona. Balandela izithombe ezilize, labongokwabo baba yilize, balandela izizwe ezazibahanqile iNkosi eyayibatshele ukuba bangenzi njengazo.

U-Ezra 9:7

Kusukela ensukwini zabokhokho kuze kube lamhla besiphakathi kwesono esikhulu, langenxa yobubi bethu thina lamakhosi ethu labapristi bethu sinikelwe ezandleni zamakhosi ezizwe lasekubhujisweni lasekuthunjweni lasekuphangweni lasehlazweni elibi njengalamhlanje.

UNehemiya 9:26

Kodwake kabalalelanga, bakuvukela wena, bafulathela umlayo wakho, babulala abaprofethi bakho ababebaxwayisa ukuze babuyele kuwe, bakuhlambaza kakhulu.

AmaHubo 106:28

Bazihlanganisa labakhonza uBali wasePeyori, badla okuhlatshelwe izithombe.

U-Isaya 30:1

Maye ebantwaneni abahlamukayo! kutsho iNkosi, abenza amacebo angesiwo awami, labenza izivumelwano ezingesizo ezami, ukuba bengezelele isono phezu kwesono.

UJeremiya 1:7

Kodwa iNkosi yathi kimi: Ungatsho ukuthi: Ngingumntwana nje; ngoba kubo bonke engikuthuma kubo uzakuya, lakho konke engikulaya khona uzakukukhuluma.

UJeremiya 3:25

Asilale phansi silenhloni, sibanjwe zinhloni zethu; ngoba sonile eNkosini uNkulunkulu wethu, thina labokhokho, kusukela ebutsheni bethu kuze kube lamuhla; kasilalelanga ilizwi leNkosi uNkulunkulu wethu.

UJeremiya 36:2

Thatha umqulu wencwadi, ulobe kiwo wonke amazwi engiwakhulume kuwe ngoIsrayeli langoJuda langazo zonke izizwe, kusukela osukwini engakhulume kuwe ngoIsrayeli langoJuda langazo zonke izizwe, kusukela osukwini engakhuluma ngalo kuwe, ensukwini zikaJosiya, kuze kube lamhla.

UJeremiya 44:20

UJeremiya wasesithi kubo bonke abantu, amadoda labesifazana, bonke ababemphendule ngalowomazwi:

UJeremiya 44:21

Impepha elayitshisa emizini yakoJuda lasezindleleni zeJerusalema, lina laboyihlo, lamakhosi enu, lezikhulu zenu, labantu belizwe, iNkosi kayikukhumbulanga na? Kakungenanga engqondweni yayo na?

UJeremiya 7:2

Mana emnyango wethempeli, utshumayele lapho lelilizwi uthi: Zwanini ilizwi leNkosi, lina lonke bantu bakoJuda, abangena kuliminyango ukukhonza iNkosi.

UHezekhiyeli 17:12

Tshono ebantwini abahlamukayo, uthi: Kalazi yini ukuba lezizinto zitshoni na? Batshele ukuba inkosi yaseBabiloni yafika eJerusalema, yathumba inkosi yalo lezikhulu zalo, yabaletha eBabiloni.

UHezekhiyeli 24:3

Utsho umfanekiso ebantwini abahlamukayo uthi: INkosi uNkulunkulu ithi: Beka imbiza eziko, ibeke, uthele lamanzi futhi,

UHezekhiyeli 40:4

Lowomuntu wathi kimi: Ndoda, khangela ngamehlo akho, uzwe ngendlebe zakho, ubeke ingqondo yakho kulokho konke engizakukutshengisa khona, ngoba ulethelwe ukuba ngikutshengise khona, utshumayele koIsrayeli konke lokho ozakukubona.

uAmosi 7:15

INkosi yangithatha ekwaluseni, yathi kimi: Hamba uyetshumayela ebantwini bami uIsrayeli.

UMalaki 3:7

Kusukela ensukwini zabokhokho benu liphambukile ezimisweni zami, kalizigcinanga. Buyani kimi, lami ngizabuyela kini, kutsho iNkosi yamabandla. Kanti lina lithi: Sizabuya kanjani na?

AmaNani 20:10

UMose loAroni babuthanisa ibandla phambi kwedwala; wathi kubo: Zwaninike lina bahlamuki; sizakulikhuphela amanzi edwaleni leli na?

Imisebenzi 7:51

Lina abanhliziyo ezilukhuni, abangasokanga enhliziyweni lasendlebeni, limelana njalo loMoya oNgcwele; njengabokhokho benu linjalo lani.

AbaseRoma 10:15

Bazakutshumayela kanjani uba bengathunywa na? Njengokulotshiweyo ukuthi: Yeka ubuhle bezinyawo zabo abatshumayela izindaba ezinhle!

UDutheronomi 9:24

Liyivukele iNkosi kusukela osukwini engaliqabuka ngalo.

UDutheronomi 9:27

Khumbula inceku zakho oAbrahama loIsaka loJakobe, ungakhangeli inkani yalababantu lobubi babo lesono sabo,