UHezekhiyeli 19:14 - iBhayibhili Elingcwele 1978

¹⁴ Umlilo ulumethe esigodweni saso, watshisa ingatsha zaso lezithelo zaso, ukuze kungasali isigodo esiqinileyo sokwenza intonga yombusi. Lesi yisililo esesisetshenziswa.

IBhayibhili Elingcwele LesiNdebele

¹⁴ Umlilo umemetheke usuka kolunye lwezingatsha ezinkulu, watshisa izithelo zaso. Akulagatsha oluqinileyo oluseleyo kuso olufanele intonga yombusi.’ Lesi yisililo njalo sizasetshenziswa njengesililo.”

UHezekhiyeli 19:14 ပူးပေါင်းရင်းမြစ်များ

UGenesisi 49:10

Intonga yobukhosi kayiyikusuka kuJuda, lodondolo lokubusa phakathi kwenyawo zakhe, aze afike lowo ofanele lona, labantu bonke bamlalele.

2 AmaKhosi 24:20

IJerusalema loJuda bayithukuthelisa kakhulu iNkosi uNkulunkulu yaze yabaxotsha phambi kwayo. UZedekiya wayivukela inkosi yaseBabiloni.

2 ImiLando 36:13

Wayivukela inkosi uNebukadineza eyayimfungise ngoNkulunkulu ukuba athembeke kuyo. Waba lenkani lenhliziyo elukhuni ngokuphendukela eNkosini, uNkulunkulu kaIsrayeli.

UNehemiya 9:37

Izithelo zalo ezinengi zingezamakhosi osibekele wona ngenxa yezono zethu; alamandla phezu kwethu laphezu kwenkomo zethu azenzela ngokuthanda, sisosizini olukhulu.

AmaHubo 110:2

Intonga yobukhosi bakho iNkosi izakuyelula iseZiyone. Ithi: Busa wena phakathi kwezitha zakho.

AmaHubo 79:7

Ngoba bamchithile uJakobe, bawubhidlizile umuzi wakhe.

UJeremiya 38:23

Abafazi bakho bonke lamadodana akho bazakukhutshelwa kumaKaladiya, lawe kawuyikuphunyuka ezandleni zawo, kodwa uzabanjwa yinkosi yaseBabiloni, lalumuzi utshiswe ngomlilo.

UJeremiya 52:3

Ngenxa yokuthukuthela kweNkosi, izinto zenzeka eJerusalema lakoJuda yaze yabalahla phambi kwayo. UZedekiya wawuvukela umbuso waseBabiloni.

Izililo 4:20

Ogcotshiweyo weNkosi, umoya wokuphila kwethu, wabanjwa emigodini yabo, yena esasithi ngaye: Ngaphansi komthunzi wakhe siyahlala phakathi kwezizwe.

UHezekhiyeli 15:4

Uba sibaswa emlilweni, lezihloko zaso zitshiswe ngumlilo, kuhaqazeke umzaca waso, singenza ulutho olusizayo na?

UHezekhiyeli 17:10

Nxa selisitshuniwe, lizaphumelela na? Kaliyikubuna yini nxa umoya wasempumalanga ulibetha, libunele endaweni elakhula kiyo na?

UHezekhiyeli 19:1

Khala isililo ngezikhulu zakoIsrayeli,

UHezekhiyeli 19:11

Isigodo saso esiqinileyo saba yintonga yombusi; isihlahla sasiside siphakeme phakathi kwengatsha eziqatha, sibonakala ngobude baso langobunengi bengatsha zaso.

UHezekhiyeli 20:47

Uthi kilo igusu laseNegebi: Zwana ilizwi leNkosi. INkosi uNkulunkulu ithi: Ngizaphemba umlilo phakathi kwakho ozatshisa zonke izihlahla eziluhlaza ezikuwe lezihlahla ezomileyo; ilangabi elivuthayo kaliyikucimeka, lizatshisa konke kusukela eningizimu kuze kufike enyakatho.

UHezekhiyeli 20:48

Bonke abantu bazabona ukuthi mina Nkosi ngiwuphembile, kawuyikucimeka.

UHezekhiyeli 26:17

Zizakukulilela zithi: Yeka ukunyamalala kwakho ngasolwandle, wena muzi odumileyo, owawulamandla olwandle, wena labakhileyo kuwe, owenza ukuba wesatshwe yilo lonke ilizwe.

UHosiya 10:3

Ngoba khathesi sebezakuthi: Kasilankosi thina, ngoba kasiyesabi iNkosi uNkulunkulu; inkosike ingasenzelani na?

UHosiya 3:4

Ngoba abakoIsrayeli bazahlala insuku ezinengi bengelankosi lombusi, lomhlatshelo, lensika yokukhonzela, bengelangubo yamahlombe, lezithombe ezithiwa ngamaterafi.

uAmosi 9:11

Ngalolosuku ngizakuvusa idumba likaDavida eliwileyo, ngivale izikhala zalo, ngilungise okudilikileyo kwalo, ngilakhe kutsha njengasensukwini zasendulo;

ULukha 19:41

Kwathi esondela, ewubona umuzi, wawukhalela,

UJohane 19:15

Kodwa bamemeza bathi: Msuse, msuse, mbethele! UPilatu wathi kubo: Ngibethele inkosi yenu na? Abapristi abakhulu baphendula bathi: Kasilankosi thina, ngaphandle kukaKesari.

Abahluleli 9:15

Imbabazane yathi ezihlahleni: Uba lingibeka ngoqotho ukuba ngibe yinkosi yenu, wozani licatshe ngaphansi komthunzi wami; uba kungenjalo, umlilo uzaphuma embabazaneni utshise izihlahla zomkusu zaseLebanoni.