UHezekhiyeli 19:12 - iBhayibhili Elingcwele 1978

¹² Kodwa isihlahla sevini sasitshunwa ngokuthukuthela, saphoselwa phansi, lomoya wasempumalanga wasomisa, lezithelo zaso zaphephuka, isigodo saso esiqinileyo soma, umlilo wasitshisa.

IBhayibhili Elingcwele LesiNdebele

¹² Kodwa sasitshunwa ngokuthukuthela saphoselwa phansi. Umoya wasempumalanga wasomisa, izithelo zaso zaqhululwa; ingatsha zaso eziqinileyo zabuna umlilo wazitshisa.

UHezekhiyeli 19:12 ပူးပေါင်းရင်းမြစ်များ

2 AmaKhosi 23:29

Ensukwini zokubusa kukaJosiya uFaro‐Neko inkosi yaseGibithe wasuka waya enkosini yaseAsiriya ngasemfuleni iYufrathi. UJosiya wahlangabezana laye; ekuhlanganeni kwabo uFaro‐Neko wambulala eMegido.

2 AmaKhosi 23:34

UFaro‐Neko wabeka uEliyakimi indodana kaJosiya ukuba abe yinkosi esikhundleni sikayise, waliphendula ibizo lakhe wathi nguJehoyakimi. Wathatha uJehowahazi, wamusa eGibithe lapho afela khona.

2 AmaKhosi 24:6

UJehoyakimi waya kwabaphansi. UJehoyakini indodana yakhe waba yinkosi esikhundleni sakhe.

AmaHubo 52:5

Kodwa uNkulunkulu uzakukubhidliza kokuphela, uzakukuhluthuna akukhuphe ethenteni lakho, akususe elizweni labaphilayo.

AmaHubo 80:16

Balitshisile ngomlilo, baligamulela phansi; kungathi bangabhubha ngokubakhangela kwakho lapho ubakhuza!

U-Isaya 27:11

Lapho ingatsha zawo sezomile ziyephulwa; abesifazana beze bazibuse. Ngoba laba ngabantu abangelakuqonda; ngakhoke lowo owabenzayo kayikubahawukela, lowababumbayo kayikubenzela umusa.

U-Isaya 27:8

Ngokubaxotsha langokubasa ekuthunjweni ibatshayile abantu bayo; yabasusa ngomoya wayo olamandla ngokuphephetha komoya wasempumalanga.

UJeremiya 22:30

INkosi ithi: Lobani ukuthi lumuntu kalabantwana, umuntu ongayikuphumelela ensukwini zakhe; ngoba kakho loyedwa enzalweni yakhe ozahlala esihlalweni sobukhosi sikaDavida, abuse futhi koJuda.

UJeremiya 31:28

Kuzakuthi njengalokho ngibalindile ukuba ngisiphune lokuba ngidilize lokuba ngichithe lokuba ngibhubhise, ngilethe okubi, ngokunjaloke sengizakubalinda ukuba ngakhe, ngihlanyele, kutsho iNkosi.

Izililo 2:1

Yeka umnyama iNkosi ekuthukutheleni kwayo ewehlisele phezu kweZiyone. Iphosele ubuhle bukaIsrayeli emhlabeni busuka ezulwini; kayikhumbulanga ithempeli layo ngosuku lokuthukuthela kwayo.

UHezekhiyeli 15:2

Ndoda, isihlahla sevini sedlula ngani ezinye, singcono kulogatsha lwesinye isihlahla eguswini na?

UHezekhiyeli 15:4

Uba sibaswa emlilweni, lezihloko zaso zitshiswe ngumlilo, kuhaqazeke umzaca waso, singenza ulutho olusizayo na?

UHezekhiyeli 17:10

Nxa selisitshuniwe, lizaphumelela na? Kaliyikubuna yini nxa umoya wasempumalanga ulibetha, libunele endaweni elakhula kiyo na?

UHezekhiyeli 19:11

Isigodo saso esiqinileyo saba yintonga yombusi; isihlahla sasiside siphakeme phakathi kwengatsha eziqatha, sibonakala ngobude baso langobunengi bengatsha zaso.

UHezekhiyeli 28:17

Inhliziyo yakho yaziphakamisa ngenxa yobuhle bakho; wona ukuhlakanipha kwakho ngenxa yodumo lwakho. Ngakuphosa phansi, ngakuchaya phambi kwamakhosi ukuba akukhangele ngamehlo awo.

UHosiya 13:15

Loba uIsrayeli ekhahlela phakathi kwemihlanga, kuzafika umoya wasempumalanga, isivunguvungu esivela eNkosini siphuma enkangala; imithombo yakhe izakutsha, kome lamaxhaphozi akhe; sithathe inotho yakhe, izinto zonke eziligugu.

UJona 4:8

Kwathi ekuphumeni kwelanga uNkulunkulu wathumela umoya otshisayo wasempumalanga, ilanga lambhadla uJona waze wayatha. Wakhulekela ukuba afe, wathi: Kungcono kimi ukufa kulokuphila.

UMatewu 3:10

Lakhathesi ihloka selibekiwe empandeni zezihlahla. Ngakho ileso laleso isihlahla esingatheli isithelo esihle siyaganyulwa, siphoselwe emlilweni.

UJohane 15:6

Uba umuntu engahlali kimi, ulahlwa njengogatsha olubunileyo; bazibuthe, baziphose emlilweni, zitshe.

UDutheronomi 29:28

INkosi yabasiphula elizweni labo ngentukuthelo enkulu langolaka olukhulu, yabaphosa kwelinye ilizwe njengalamhla.

UDutheronomi 32:22

Ngoba umlilo usubasiwe ngentukuthelo yami, uyatshisa kuze kube senzikini yendawo yabafileyo; uqeda umhlaba lezithelo zawo, utshise izisekelo zezintaba.