UHezekhiyeli 18:30 - iBhayibhili Elingcwele 1978

³⁰ Ngakhoke ngizalithonisisa, lina bakoIsrayeli, lonke ngokufanele indlela zenu, kutsho iNkosi uNkulunkulu. Phendukani, libuye eziphambekweni zenu zonke, lingachitheki ngenxa yobubi.

IBhayibhili Elingcwele LesiNdebele

³⁰ Ngakho-ke wena ndlu ka-Israyeli, lowo lalowo ngizamahlulela ngokumayelana lezindlela zakhe, kutsho uThixo Wobukhosi. Phendukani! Tshiyani ububi benu bonke; ngalokho isono kasiyikuba yikufa kwenu.

UHezekhiyeli 18:30 ပူးပေါင်းရင်းမြစ်များ

U-Ezra 10:11

Ngakhoke vumani isono senu eNkosini uNkulunkulu wabokhokho benu, lenze intando yayo; zahlukaniseni labantu balelilizwe, lilahle abafazi bezizweni.

UmTshumayeli 12:14

Ngoba uNkulunkulu uzakwahlulela konke esikwenzayo layo yonke imfihlo, okuhle lokubi.

UmTshumayeli 3:17

Ngasengisithi: UNkulunkulu uzathonisisa abalungileyo lababi ngoba kumisiwe isikhathi sakho konke okuqondiweyo lokwenziweyo.

U-Isaya 21:12

Umlindi wathi: Kuyeza ukusa, kubuye ubusuku futhi. Uba lithanda ukubuza, buzani, libuye futhi.

U-Isaya 59:20

Izakufika eZiyone inguMhlengi, lakulabo abakoJakobe abatshiya iziphambeko zabo, kutsho iNkosi.

UJeremiya 25:5

lapho kuthiwa: Phendukani, lina lonke, ezindleleni zenu ezimbi lasekwenzeni kwenu okubi, lihlale elizweni iNkosi elinike lona lina lokhokho benu kusukela endulo kuze kube nininini,

UJeremiya 3:22

Buyani, lina bantwana abangathembekanga. Ngizakwelapha ukungathembeki kwenu. Lithi: Siyeza kuwe, ngoba wena uyiNkosi uNkulunkulu wethu.

UJeremiya 35:15

Ngithumele kini zonke inceku zami abaprofethi, ngibathuma njalonjalo, ngisithi: Phendukani lonke endleleni yenu embi, lenze izenzo zenu zibe zinhle, lingalandeli abanye onkulunkulu ukuba libakhonze, ukuze lihlale elizweni engalinika lina lokhokho benu. Kodwa kalingilalelanga, kalingizwanga.

UJeremiya 7:3

INkosi yamabandla, uNkulunkulu wakoIsrayeli, ithi: Lungisani indlela zenu lezenzo zenu, ng’khona ngizaliyekela ukuba lihlale kulindawo.

UHezekhiyeli 14:6

Ngakhoke tshono kuIsrayeli uthi: INkosi uNkulunkulu ithi: Phendukani, lehlukane lezithombe zenu, lidele wonke amanyala enu.

UHezekhiyeli 18:21

Uba omubi ephenduka ebubini bakhe bonke abenzileyo, agcine izimiso zami, enze okufaneleyo lokulungileyo, uzakuphila impela, kayikufa.

UHezekhiyeli 18:29

Kodwa uIsrayeli uthi: Indlela yeNkosi kayiqondanga. Wena Israyeli, indlela zami kaziqondanga na? Kakusizo ezenu indlela ezingaqondanga na?

UHezekhiyeli 24:14

Mina Nkosi ngikhulumile. Kuzakwenzeka, ngizakukwenza. Kangiyikukuyekela, kangiyikuba lesihawu, kangiyikuphenduka. Ngizakukuthonisisa ngokufanele indlela zakho lezenzo zakho, kutsho iNkosi uNkulunkulu.

UHezekhiyeli 33:11

Tshono kibo uthi: INkosi ithi: Ngiyazifunga mina, kangithokozi ngokufa komubi, kodwa ngokuba omubi atshiye indlela yakhe aphile; tshiyanike, tshiyani indlela zenu ezimbi, ngoba lizafelani, lina bakoIsrayeli na?

UHezekhiyeli 33:20

Kanti lina lithi: Indlela yeNkosi kayilunganga. Lina bakoIsrayeli, ngizalithonisisa lonke ngokufanele izindlela zenu.

UHezekhiyeli 33:9

Kodwa uba umxwayisa omubi ukuba aphenduke endleleni yakhe, angatshiyi indlela yakhe, uzafela esonweni sakhe, kodwa wena uzakuphepha.

UHezekhiyeli 34:20

Ngakho iNkosi uNkulunkulu ithi kuzo: Mina uqobo lwami ngizakwahlulela phakathi kwezimvu ezinonileyo lezicakileyo.

UHezekhiyeli 36:19

Ngabachithachitha phakathi kwezizwe, bahlakazekela emazweni wonke; ngabathonisisa ngokufanele ukuziphatha kwabo lezenzo zabo.

UHezekhiyeli 43:9

Ngakhoke kabalahle izithombe zabo lezidumbu zamakhosi abo khatshana lami, ngizakuhlala phakathi kwabo kokuphela.

UHezekhiyeli 7:27

Inkosi izakulila, lezikhulu zigewale ukudana, labantu belizwe bazathuthumela. Ngizakwenza kibo njengokufanele indlela zabo, ngibathonisise njengokufanele izahlulelo zabo; bazakwazi ukuba ngiyiNkosi.

UHezekhiyeli 7:3

Ukuphela sekufikile kini, ngizakwehlisela ukuthukuthela kwami phezu kwenu, ngilithonisise ngezenzo zenu, ngehlisele phezu kwenu amanyala enu.

UDanyeli 9:13

Wonke lumonakalo usehlele njengoba kulotshiwe emlayweni kaMose; kodwa kasiyincenganga iNkosi uNkulunkulu wethu, ukuba sitshiye izono zethu, silalele iqiniso layo.

UHosiya 12:6

Ngakhoke, wena, ngokusizwa nguNkulunkulu wakho, buyela, ubambelele othandweni lakokufaneleyo, uthembe kuNkulunkulu wakho njalonjalo.

UZakhariya 1:4

Lingabi njengokhokho benu abaprofethi bakuqala abamemeza kibo besithi: INkosi yamabandla ithi: Phendukani ezindleleni zenu ezimbi lasezenzweni zenu ezimbi. Kodwa kabezwanga, kabanginanzanga, kutsho iNkosi.

UMalaki 3:18

Beselibuya lisahlukanisa phakathi kwabalungileyo lababi, laphakathi komuntu omkhonzayo uNkulunkulu longamkhonziyo.

UMatewu 16:27

Ngoba iNdodana yomuntu izakuza ngenkazimulo kaYise kanye lezithunywa; kung’khona izakuvuza ilowo lalowo njengokwenza kwakhe.

UMatewu 25:32

kuzakubuthelwa phambi kwayo izizwe zonke; izakubahlukanisa abanye kwabanye, njengomalusi esahlukanisa izimvu lembuzi,

UMatewu 3:2

esithi: Phendukani, ngoba umbuso wezulu ususondele!

UMatewu 3:8

Thelani izithelo ezifanele ukuphenduka.

ULukha 13:3

Ngithi kini: Atshi, kodwa uba lingaphenduki, lizakubhubha ngokunjalo lonke.

ULukha 13:5

Ngithi kini: Atshi, kodwa uba lingaphenduki, lizakubhubha ngokunjalo lonke.

Imisebenzi 26:20

kodwa ngatshumayela kuqala kwabaseDamaseko labaseJerusalema, lakulo lonke ilizwe laseJudiya lakwabezizwe ukuze baphenduke, babuyele kuNkulunkulu, benze imisebenzi efanele ukuphenduka.

AbaseRoma 2:5

Kodwa ngobulukhuni benhliziyo yakho engaphendukiyo uzibekelela ulaka ngosuku lolaka, mhla kusambulwa ukuthonisisa okulungileyo kukaNkulunkulu

UJakhobe 1:15

kuthi lapho inkanuko isiyomule, ibelethe isono; lesono lapho sesikhulile, sizala ukufa.

1 UPhethro 1:17

Uba likhuleka lisithi Baba kuye owahlulela ilowo lalowo ngokwemisebenzi yakhe engabandlululi, hambani ngokwesaba esikhathini senu liyizihambi emhlabeni.

Isambulo 2:16

Ngakhoke phenduka; uba kungenjalo, ngizakuza kuwe masinyane, ngilwe labo ngomhedla ophuma emlonyeni wami.

Isambulo 2:5

Ngakhoke khumbula lapho uwe khona, uphenduke, wenze imisebenzi owayenza kuqala. Uba kungenjalo, ngizakuza kuwe, ngilususe uluthi lwesibane sakho endaweni yalo, uba ungaphenduki.

Isambulo 20:12

Ngabona abafileyo, abakhulu labancinyane, bemi phambi kwesihlalo sobukhosi; lezincwadi zavulwa. Kwavulwa lenye incwadi eyincwadi yokuphila. Abafileyo bahlulelwa ngalokhu okwakulotshiwe ezincwadini langalokho ababekwenzile.

Isambulo 22:12

Khangela, ngiyeza masinyane, ngilomvuzo wami ukunika lowo lalowo njengemisebenzi yakhe.