UHezekhiyeli 18:23 - iBhayibhili Elingcwele 1978

²³ Ngiyathokoziswa yini yikufa komubi, kutsho iNkosi uNkulunkulu, kungabi yikuphenduka kwakhe endleleni yakhe aphile na?

IBhayibhili Elingcwele LesiNdebele

²³ Ngiyathokoza ngokufa komuntu omubi na? kutsho uThixo Wobukhosi. Esikhundleni salokho, kangithabi na nxa bephenduka ezindleleni zabo njalo baphile?

UHezekhiyeli 18:23 ပူးပေါင်းရင်းမြစ်များ

2 USamuyeli 14:14

Sifanele ukufa sonke, sinjengamanzi achithekele phansi angaselakubuthwa futhi; kodwa uNkulunkulu uzamyekela umuntu ongenzi olahliweyo ahlale exotshiwe.

UJobe 37:23

uSomandla singemfumane, mkhulu ngamandla langokulunga, kayikuhlanekela ukulunga okukhulu.

AmaHubo 147:11

Kodwa iNkosi ijabulela labo abayesabayo, labo abathemba uthando lwayo olungapheliyo.

UJeremiya 31:20

Kambe uEfrayimi uyindodana yami yini eligugu kimi, ungumntwana wami othandekayo na? Ngoba lapho ngikhuluma ngokubi ngaye, ngiyamkhumbula. Ngakho inhliziyo yami iyamlangatha; impela ngizakuba lesihawu kuye, kutsho iNkosi.

Izililo 3:33

Ngoba kayihluphi, idabukise abantu ngoba ikuthanda.

UHezekhiyeli 18:32

Ngoba kangithokoziswa yikufa komuntu, kutsho iNkosi uNkulunkulu; ngakhoke phendukani ukuba liphile.

UHezekhiyeli 33:11

Tshono kibo uthi: INkosi ithi: Ngiyazifunga mina, kangithokozi ngokufa komubi, kodwa ngokuba omubi atshiye indlela yakhe aphile; tshiyanike, tshiyani indlela zenu ezimbi, ngoba lizafelani, lina bakoIsrayeli na?

UHosiya 11:8

Ngizakukulahla kanjani, Efrayimi? Ngizakukunikela kanjani, Israyeli? Ngizakukwenza kanjani ube njengeAdima? Ngizakukuphatha kanjani njengeZeboyimi na? Inhliziyo iyala phakathi kwami, lesihawu sami siyaqubuka.

UMikha 7:18

Ngubani uNkulunkulu onjengawe, othethelela isono sabantu bakhe abaseleyo ayekele isiphambeko sabo na? Kathukutheli kokuphela, ngoba uthokoza ngothando olungapheliyo.

ULukha 15:10

Ngithi kini: Ngokunjaloke kukhona ukuthokoza phambi kwezithunywa zikaNkulunkulu ngesoni sinye nje esiphendukayo.

ULukha 15:32

Bekufanele ukuba sijabule, sithokoze, ngoba umnawakho lo owayefile usebuye wasila; wayelahlekile, usefunyenwe.

1 uTimothi 2:4

othanda ukuba bonke abantu basiliswe, bafinyelele ekwazini iqiniso.

UJakhobe 2:13

Ukwahlulela lokho kakulasihawu kulowo ongelasihawu; kodwa olesihawu uzakunqoba ekwahluleleni.

2 UPhethro 3:9

INkosi kayilibali ukusigcwalisa isithembiso sayo njengalokhu abanye besithi iyalibala, kodwa iyalibekezelela ingathandi ukuba kubhubhe lamunye, kodwa ukuba bonke bafinyelele ekuphendukeni.